Asina Nota Entendementu Entre IPB Ho POLTEKKES KEMENKES-KUPANG INDONESIA

Asina Nota Entendementu iha loron 05 Jullu 2023 – Institutu Politékniku Betanu (IPB) nia Prezidente IPB, Prof. Assoc. Adj. Acacio Cardoso Amaral, Ph.D ho nia estrutura sira sorumutu ho Institutu Politeknik Kesehatan (POLTEKKES KEMENKES) Kupang-Indonesia Dr. Ferdinand Cornelis Letik, SE,. M.SE hodi asina memorandum entendementu/MoU, entre parte rua, iha kampus sentral Poltekkes-Kupang, Kuarta, 05/06/2023.

Objetivu hosi asinatura memorandum entendementu/MoU ne‘e atu garantia servisu kooperasaun bilateral entre parte rua hodi haforsa kualidade eduksaun iha futuru ne’ebe diak.

Hato’o hosi Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D kona-ba kna’ar no responsavel kada estrutura iha IPB “hau agradese ba POLTEKKES bele simu ami iha ne’e no atividades hotu ne’ebé mak kolaborasaun atu haloa’o preve ona iha MoU no atividades sira ne’e depende ba saida mak ita atu halo, hau apresia tebes ba kolaborasaun ida ne’e hodi haree mos ba moras sira ne’ebé ho volume boot kontaminadu hosi importasaun na’an hosi nasaun balu hanesan Brazil, USA, Newzeland, Australia no mos Indonesia no ita mos iha kolaborasaun servisu hamotuk hodi halo peskiza balu kona-ba kontaminadu formalin sira ne’ebé fornese ona iha merkado importasaun”.

Reforsa nafatin katak “ita bele ajuda malu liu hosi kooperasaun ne‘e bele benefisia parte rua liu hosi akordu memorandun entendimentu hanesan, peskiza, kurrikulu, publikasaun Jurnal nst.

Hato’o hosi Responsavel Dr. Ferdinand Cornelis Letik, SE,. M. SE hateten “ami reprezenta diretor POLTEKKES husu obrigado barak ba estrutura IPB bele mai ona iha ami nia fatin no hau husu deskulpa tanba diretor oras ne’e laiha fatin maibe atu introdus hau nia a’an hanesan responsavel akadémik hamutuk ho kolega sira senti orguilho ho prezensa IPB nian ami prontu atu asina MoU entre IPB ho POLTEKKES hodi garantia servisu kualidade edukasaun iha tempo oin mai”.

Tenik “ami mos iha rekondasaun hosi diretor POLTEKKES iha atividades balu ne’ebé mak implementa hosi IPB involve mos ami atu nune’e ita nia kolaborasaun servisu hamotuk parte rua ne’e lao diak, ami senti kontenti bele servisu hamutuk iha atividade peskiza, atividades lomba no mos iha atividades seluk ne’ebe mak instituisaun rua ne’e implementa liu hosi MoU ida ne’e bele hametin relasaun serbisu ne’ebé mak diak ba futuru”.

Haforsa “ami nia diretor mos sujere iha estudante IPB balu ne’ebé mak iha interese atu kontinua estudu iha departementu enfermagen, farmasia no laboratoriu bele halo konfirmasaun ho ami hodi rejistu iha POLTEKKES no mos IPB bele ajuda ami iha prosesu peskiza ne’ebé mak halo hosi dosente sira”.

Ikus iha sorumutu ne‘e Magnífiku Prezidente IPB ho nia estrutura sira hala’o vizita direta ba área kampus POLTEKKES hodi haree kona-ba laboratoriu farmasia, laboratoriu medis, laboratoriu pratika para medis, laboratoriu de sangue, no hetan mos esplikasaun balun relasiona utilizasaun sistema laboratoriu hosi ekipa tekniku POLTEKKES.

Iha sorumutu asina MoU ne’e partisipa hosi IPB hanesan Magnífiku Prezidente IPB Prof. Assoc. Adj. Acacio Cardoso Amaral, Ph.D, Primeiru Vise Prezidente IPB Sr. Cipriano Tilman, M.PA, Segundu Vise Presidente IPB, Sr. Amancio Horacio, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Diretór Eskola Superior Enjeñaria (ESE) Sr. Fernando da Costa Fernandes, M.Eng.

Média IPB.