IPB ASINA MOU HO UNIVERSIDADE PRIVADU LIMA (5) HOSI MAKASSAR – SULAWESI SÚL

Dili, 07 Juñu 2024 – Instituto Politékniku Betano (IPB) nia Magnífiku Prezidente, Prof. Acacio Cardoso Amaral, Ph.D Asina Memorandu Entendimentu (Siglá Ingléz, MoU) ho Universidade Privadu hamutuk lima (5) mak hanesan Universidade Fajar, Universidade Almarisah Madani, Politekniku LP3I Makasar, Atmajaya Makasar no Instituto Nobel hosi Makassar- Sulawesi Súl. Seremónia ne’e hala’o iha Sala Sriwijaya, Lt. Mezzanine, Pusat Budaya Indonesia.

Objetivu hosi seremónia asina MoU atu garante serbisu kooperasaun entre IPB ho Universidade privadu lima (5) atu promove tres pilares Universitario (Ensino,Peskiza, no Servisu Komunidade) hodi atinji kualidade edukasaun liu hosi hametin liu tán kooperasaun entre Instituisaun  tantu rai laran nomos rai li’ur.

Ida ne’e hanesan enkuadramentu ida ba kooperasaun ba malu no atu promove estudante sira no fahe programa akadémiku sira, ne’ebé konsidera apropriadu. Atividade hirak-ne’e bele inklui atividade mak hanesan peskiza konjunta no programa akadémiku, Kooperasaun iha edukasaun ba estudante sira iha forma grau, Kolaborasaun konjunta ba semináriu no konferénsia sira, Kolaborasaun hamutuk iha publikasaun no programa kooperativa internasionál sira seluk.

Seremónia asina MoU ne’e hosi Universidade Privadu Sulawesi Sul ho Universidade Privadu no Públiku hosi Timor Leste hanesan IPB, UNPAZ, IOB, IBTL, UNITAL no universidade sira seluk.

Partisipa iha seremónia mak hanesan Primeiru vise prezidente IPB, Sr. Cipriano Tilman, M.PA, segundu vise prezidente IPB, Sr. Amancio Horacio, Reitores no vice Reitores Universidade privadu, Adidu edukasaun Indonézia ba Timor-Leste, Diretur Ezekutivo FDCH,reprezenta S.E Ministru Ensino superior,siénsia no kultura, no publiku hosi Timor Leste. Media IPB