HAHU INSKRISAUN ASESU BA ENSINU SUPERIÓR PÚBLIKU (IPB & UNTL)
Betano, 06 Novembru 2023
Institutu Politékniku Betano (IPB) liuhosi gabinete primeiru vise prezidente IPB – Diresaun Nasional Administrasaun, Akadémika Estudantíl no IT (DNAAEIT) serbisu hamutuk ho Ministériu Ensinu Superior Siensia no Kultura (MESSK) liuhosi Ekipa Tékniku husi Komisaun Asesu ba Ensinu Superiór (KAES), realiza inskrisaun ba estudantes sira ne’ebé akaba ona estudu iha tinan 2019 to’o 2022 atu kontinua sira-nia estudu iha ensinu superiór públiku IPB no UNTL. Inskrisaun ne’e hala’o iha idak idak nia munisípiu, segunda ne’e (06/11/2023).
Atividade Inskrisaun ne’e realiza iha munisipiu sira hotu iha teritóriu nasionál no inskrisaun refere sei hala’o durante semana ida.
Hahú husi loron 06 fulan Novembru to’o loron 10 Novembru tinan 2023, iha Edifisiu Munisipál sira hotu iha teritóriu nasionál.
Atu hatene informasaun asesu ba ensinu superior tinan Akadémiku 2023 bele ba iha edifísiu Edukasaun munisipál iha teritóriu Nasionál.
Media IPB
