Missa Agradesimentu Ba Finalista Hamutuk Nain-71

Betano, 23 Outubru 2023 – Institutu Politékniku Betano realiza missa agradesimentu ba graduasaun da-haat nian ne’ebé prezide hosi reverendíssimo Pe. Sabino iha igreja São João Baptista, Betano, Same Manufahi iha Loron 23 fulan Outubru tinan 2023.

Reverendíssimo Pe. Sabino iha homilia haktuir mos ba estudante sira katak evangelho fo hanoin mai ita kona-ba ema riku no ema beik aikanoik ne’e hahu ho jesus nia resposta ba ema ne’ebe husu perguntas ba jesus atu tulun nia. Hau nia parabens ba imi hotu tanba imi mai hosi fatin neébe la hanesan no laos betano oan deit ho matenek ne’ebe imi hetan hosi IPB hodi servi no dezenvolve nasaun ida ne’e.

Partisipa iha missa agradesimentu nee mak hanesan Diretor EZAS (Eskola Superior Agronomia e Zootéknika) Sr. Gaspar Vicente Fereira, M.Sc, Korpus dosente, Funsionariu, Estudante, Graduadu no Inan aman sira hotu.