Asina MOU Entre IPB Ho FDCH Hodi Apoiu Bolsa Ba Estudante Kbi’it Laek Sira

Betano, 19 Jullu 2021 (IPB) Institutu Politékniku Betano asina MOU ho (FDCH) Fundu Dezenvolvevimento Capital Humano hodi apoiu bolsa hakbi’it ba estudante nai’n-20 hosi Eskola Superior Agronomia no Zotéknika ho Eskola Superior Enjeñaria iha resintu IPB-KRXG (19/07).

Prezidente Institutu Politékniku Betano (IPB) Dr. Acacio Cardoso Amaral, Ph.D hateten katak “Hau haksolok no agradese tebes ba ekipa husi FDCH ne’ebé mai husi nasionál ba imi nia apoiu hodi hala’o rekrutamentu estudante IPB 2021 ba kanal espesiâl ida ne’e, no iha oportunidade ida ne’e no ita mos agradese ba Diretóra ezekutiva nia laran di’ak hodi hala’o diskusaun ho Ministériu hodi Loke vaga ba kanál Ida ne’e nomos ba imi estudante sira tenki aproveita didi’ak tamba estadu apoiu ba imi ho montante orsamento ne’ebe bo’ot hodi aloka ba imi bolseiru kbiit laek sira, maka iha oportunidade ida ne’e ita bo’ot sira utiliza didiak no estuda makas hodi responde ba ita bo’ot sira nia Futuru.

Iha Fatin hanesan Diretóra FDCH Sra. Leila M.L. Carceres dos Santos hato’o agradesemento ba IPB Liu husi koperasaun servisu hamotuk realiza atividade ida ne’e hodi reintegra bolseiru ba estudante kbi’it laek sira iha Instituto Politecnico Betano, iha okaziaun ne Diretora mos lamenta katak Fundu Dezenvolvevimento Capital Humano ita sei aloka ba Formasaun profesional ba Joven sira iha Centro Formasaun hotu, Formasaun Teknika ba funsonario sira iha instituisaun hotu no Bolsa estudu ba publiku, hare ba Bolsa estudu refere Hau foka Liu ba Ema kbiit laek Nia oan sira ne’ebe Liu husi asesu ingresu hodi Tama iha UNTL ho IPB no Diretora mos rekomenda katak orsamento Ida ne’e apoiu ba ema ne’ebé iha kbiit signifika katak Ita bo’ot sira hola parte iha nee merese duni atu hetan oportunidade Ida nee hanesan Ema kbiit Laek Nia oan maibe karik Ita boot sira Laos Ema kbiit Laek Nia oan maka ami iha ekipa monotorizasaun husi FDCH sei tun direita ba Ita boot sira Nia Fatin hodi hare situasaun real ne’ebé Ita boot hsoru karik ita boot sira Laos Ema kbiit lae maka FDCH sei hapara kontrato ho Ita bo’ot sira no imi sei devolve Fali osan ne’ebe imi simu Tia ona.

Ikus Liu husi Ita bot sira aproveita oportunidade ida ne’e atu reforsa tan ne’e hodi hasa’e kualidade rekursu Umanu iha IPB”Ami hanesan Estudante kbiit laek Ami agradese ba FDCH ho IPB tamba bele fo oportunidade di’ak ida ne’e, maské ami kbiit laiha maibé ho a oportunidade ne’e ami haksolok tebes tamba bele suporta ami niia estudu tomak “, Haktuir Cornelio Smeol.

Iha Fatin hanesan FDCH ho IPB MOU inklui mos asina kontrato bolseiru ba estudante nain 20 husi Eskila Superiór Agronomia no Eskoola Superiór Enjeñaria.

Partisipa iha Asina MOU kontrato bolseiru ne’e, Prezidente IPB Dr.Acacio Cardoso Amaral ph.D, Vise Prezidente Sr. Cipriano Tilman, MPA, Diretora FDCH Sra. Leila M.L.Carceres dos Santo ho Nia ekipa, Diretór Eskola Superiór Agronomia Sr. Pedro de Deus,M,SI no Diretór Eskola Superior Enjeñaria Sr.Fernando da Costa M.Eng Diretor, Administrasaun Finansa Sr. Amancio Horacio, Kordenadór Kursu Konstrusaun Sivil Sr. Afranio Marcal Glaudio Freitas, Korpu Dosenti no Funsionáriu IPB.

Mídia IPB