Diretór Ezekutivu FDCH Hala’o Enkontru Ho Estudante Bolseiru IPB

(IPB-Betano, 06 Fevereiru 2022)

Institutu Politékniku Betanu (IPB) liu hosi Diresaun Nasional Administrasaun Akademika, Estudantil no IT(DNAAEIT), Diretór Pedro de Deus, M.Si hamutuk ho Diretór Ezekutivu Dr.Cristovão dos Reis, Fundu Dezenvolvimentu Kapital Umanu (Sigla Portugéz,FDCH) hala’o sorumutuk ho estudante bolseiru sira nia preokupasaun ne’ebé mak estudante sira enfrenta kona-bá implika prosesu pagamentu. Enkontru ne’e iha sala laborátoriu ESAZ IPB, segunda ne’e, 06/02/2023.

Iha sorumutuk ne’e Diretór relata kona-bá prosesu pagamentu tomak labele lao, tamba prosesu ne’e halo alterasaun lei liu hosi Ministériu Ensinu Superior maka halo alterasaun ba Lei ne’e. Prosesu ba alterasaun lei FDCH kuaza durasaun fulan 4,prosesu tuir lei, nune’e hodi implika ba estudante sira nia direitu (Custo de vida) ne’ebé ajuda tebes imi iha prosesu aprendizajen, informasaun ne’ebé hosi parte FDCH sira rona katak hosi bolsa estudante barak mak seidauk simu sira nia direitu, problema sira ne’e laos akontese iha rai-laran maibé akontese mos iha rai-liur.

Iha fatin hanesan, kada estudante periudu sira hato’o preokupasaun ba diretór FDCH kona-bá pagamentu propinas estudante kuaze hetan fulan ne’en (6) de’it, liu fulan ne’en estudante sira nia osan latama iha konta bankaria, estudante balu fulan tolu(3) osan latama, nune’e afeta ba estudante sira ne’ebé hela kost no nesesidade ne’ebé sira presiza, kuaze estudante maioria munisípiu seluk eskola iha IPB.

Hatan ba preokupasaun sira ne’e, diretór ezekutivu FDCH akresenta katak prosesu pagamentu hotu hare fila fali ba estudante sira nia kontratu iha sa loron no sa fulan, signifika katak kontratu asina iha fulan abril maka pagamentu ne’e hahu hosi abril to’o setembru (durante fulan ne’en) haruka ba ita bot sira nia konta bankaria, hosi fulan 3 hahu fulan outubru to’o Dezembru tinan 2022 seidauk tama iha estudante sira nia konta bankaria, maibé iha prosesu nia laran.

“FDCH nafatin konfirma ho Banku BNCTL kona-bá tranferensia osan ba bolseiru sira konta bankaria ida-idak nian. maibé realidade estudante balu seidauk simu osan, problema sira ne’e prejudika tebes ba servisu koperasaun nian entre FDCH ho BNCTL”, Dehan Dr.Cristovão.

Iha sorin seluk, diretór DNAAEIT lori instituto IPB agradese ba diretór ezekutivu fo ona tempu hodi hasoru direita estudante bolseiru sira hodi hato’o preokupasaun, problema no difikuldade. Hein katak ho informasaun sira ne’e diretór rasik rona ona preokupasaun sira ne’e hodi komunika entidade instituisaun ne’ebé ligadu ho transferensia osan ba estudante sira nia konta bankaria.

Media IPB