Asina Nota Entendementu Entre IPB Ho UNIVERSIDADE UNDANA-KUPANG INDONESIA
Asina Nota Entendementu iha loron 05 Jullu 2023 – Institutu Politékniku Betanu (IPB) nia Prezidente IPB, Prof. Assoc. Adj. Acacio Cardoso Amaral, Ph.D ho nia estrutura sira sorumutu ho Universidade Nusa Cendana (UNDANA) Kupang-Indonesia Vise Retor Dr. Paul G. Tamalen, M.Si hodi asina memorandum entendementu/MoU, entre parte rua, iha kampus sentral Undana-Kupang, Kuarta, 05/07/2023.
Objetivu hosi asinatura Memorandum Entendementu/MoU ne‘e atu garantia servisu kooperasaun bilateral entre parte rua hodi haforsa kualidade eduksaun iha futuru ne’ebe diak.
Hato’o hosi Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D kona-ba kna’an no responsavel kada estrutura no hato’o mos perfil IPB ne’ebe mak harii iha loron, 23 febreiru 2017 hanesan Institutu foun ida iha Timor-Leste ami iha eskola superior rua mak hanesan Superior Agronomia I Zootéknika ho nia kursu Produsaun animal no Eskola Superior Engenharia ho nia kursu Konstrusaun Sivil no ami mos senti kontenti tanba bele partisipa iha kooprasaun ida ne’e hodi aprende hosi UNDANA no IPB hanesan politékniku primeru ne’ebé eziste iha Timor-Leste.
Tenik “hau ba nasaun barak hodi asina MoU maibe asina hotu laiha implementasaun ne’ebe mak diak tanba ne’e hau hakarak asina MoU ho UNDANA ne’e besik liu atu nune’e ita bele fo hanoin ba malu ente parte rua tuir objetivu sira ne’ebé mak iha, no hau fiar katak hodi promove ita nia koperasaun liu hosi kareira dosente, peskiza, rotasaun estudante ba oin lao ho diak hodi kontribui ba prosesu tomak iha futuru”.
Reforsa nafatin katak “ita bele ajuda malu liu hosi kooperasaun ne‘e bele benefisia parte rua liu hosi akordu kona-ba nota entendimentu hanesan Laboratoriu material, dezenvolve Kurikulu, koperasaun informasaun, komunikasaun teknologia, peskiza, bolsa estudu no nst.
Hato’o hosi vise reitor Dr. Paul G. Tamalen, MSi aprezenta mos kona-ba kna’ar no responsavel kada estrutura no hatudu video perfil UNDANA ne’ebe mak hamrik durante tinan barak no konsege produs ona gradua barak ne’ebe mak oras ne’e sirkula ona iha nivel nasional to nivel internasional.
Haforsa “liu hosi kooperasaun ida ne’e ami fiar katak ita sei implementa buat hotu ho diak tuir previstu ona iha MoU maibe identifika asaun saida mak ita tenki halo haree ba nesesidade departementu nian entre IPB ho UNDANA.
Ikus iha sorumutu ne‘e Magnífiku Prezidente IPB ho nia estrutura sira hala’o vizita direta ba área kampus UNDANA hodi haree kona-ba laboratoriu IT, biblioteka, laboratoriu pekuaria, laboratoriu produsaun ai-han, laboratoriu saude animal, sala estudu departementu pekuaria, departementu saude animal no departementu engenharia sivil no tuir esplikasaun balun relasiona utilizasaun sistema laboratoriu no biblioteka no sala de aula hosi ekipa tekniku UNDANA.
Iha sorumutu asina MoU ne’e partisipa hosi IPB hanesan Magnífiku Prezidente IPB Prof. Assoc. Adj. Acacio Cardoso Amaral, Ph.D, Primeiru Vise Prezidente IPB Sr. Cipriano Tilman, M.PA, Segundu Vise Presidente IPB, Sr. Amancio Horacio, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Diretór Eskola Superior Enjeñaria (ESE) Sr. Fernando da Costa Fernandes, M.Eng.
