SERIMÓNIA TOMADA DE POSSE BA PREZIDENTE FOUN IPB PERÍUDU 2025-2029

Betano, 26 Juñu 2025 – Instituto Politékniku Betano (IPB) realiza serimónia tomada de posse ba Prezidente Eleitu, Sr. Alcino da Costa I. A. Fernandes períudu 2025-2029. Serimónia ne’e hala’o iha resintu IPB betano.

Iha serimonia ne’e, Prezidente Konsellu Jeral IPB, Dr. Ir. Brigida Antonia Correia, M.Agri.,IPM deklara katak ohin loron ita simu ho respeitu ita nia prezidente foun ne’ebé sei lori vizaun foun no atu kontinua hadia no loke dalan ba progresu Akademiaka tékniku no Planu ba Institutu ida ne’e. Alende ne’e Prezidente Konselu Jeral IPB hato’o agradese boot ba Prezidente sesante Prof. Acacio Cardoso Amaral, Ph.D ho nia Primeira vise no Segundu vise Prezidente IPB ba servisu durante tempu naruk hahu estabelese IPB ne’ebé iha dedikasaun lideransa fo konsistensia no Vizaun ba Futuru.

Prezidente Sesante Prof Acacio Cardoso Amaral, Ph.D relata durante tinan ualu servisu iha Instituto Politékniku Betanu ami mai komesa ho Zero buat la iha estabilidade politik ne’ebé la dun Favoravel maibé, ho difikuldade sira ne’e ami aprende ami nia Vizaun no ami konsege halo buat ne’ebé ami bele halo la kompletu no la perfeitu maibé ida ne’e mak ami nia kapasidade. Iha sorin seluk, entrega mos relatoriu servisu durante mandatu ba Prezidente Attual.

Iha fatin hanesan, Prezidente Eleitu, Sr. Alcino da Costa I. A. Fernandes hateten katak sei hala’o servisu sira ne’e ho resposabilidade laos oportunidade, tamba ne’e sei hala’o responsabilidade ne’e hotu liu husi dezempenhu servisu loron – loron fuan ho laran tomak didikasaun komprimisiu no integridade atinjimentu hirak ne’ebé mak IPB hetan durante mandatu Prezidente Sesante ne’e nudar referensia importante hodi hakat ba oin.

Nu’udar Prezidente IPB mandatu 2025-2029 prontu no nafatin esforsu hodi dezempeñu hau nia servisu ho diak, liu hosi Formula no dezenho Estratejia ba transformasaun hodi infrenta dezafiu no mudansa mundo globalizasaun no estabilidade.

Ministerio Ensino Superior Siensia no Kultura, Dr. José Honorio hato’o agradese boot ba Presidente sesante Sr. Prof, Assoc Acacio Cardoso Amaral ba servisu durante tinan ualu, faze dahuluk ba konstrusaun remata ona no agora tama ba faze daruak konsellu ministru aprova ona hein prosesu tenderijasaun fiar katak tinan ne’e halo konstrusaun ba faze daruak. Ikus liu ba prezidente foun tau Propriedade ba servisu Instituisaun nian, hau fiar katak 2028 ita bot bele aproveita ona edifisiu foun antes mandatu remata.

Partisipa iha serimonia ne’e mak hanesan vise Prezidente Comisaun Ekonomia e Dezenvolvimentu, Magnifiku reitor UNTL, Adidu Edukasaun Indonesia ba Timor-Leste, Brigadeiro General, Sr. João Miranda, reprezenta Komisaun Funsaun Publika, Prezidente Konsellu veteranus, Diretores Nasional, Diretór Executivo Telkomcel, Komandate PNTL, komandante F-FDTL Posto Naval Betano, Prezidente PDHJ, Xefe suku Betano, membru konsellu Jeral IPB, Estrutura IPB, Dosente IPB, funsionario IPB, Estudante no konvidadus sira hotu. Media IPB