MPIE Hala’o Enkontru ho IPTL hodi Diskute Koná-ba Ordenamentu Territorial

Betano, 07 Abril 2026 Instituto Politécnico de Timor-Leste (IPTL) liu husi Segundu Vise-Prezidente Sr. Xisto Constantino Pinheiro hato’o bemvindo no agradese ba ekipa husi Diresaun Nasional Ordenamentu Espasial ninian tamba bele fihir ona IPTL hodi bele tau hanoin hamutuk no fo komentáriu balu liga ho dokumentu Ordenamentu Territorial ninian.

Entretantu husi parte MPIE mós aprezenta no fo komentáriu balun kona-bá Relatoriu avaliasaun ba dokumetu refere, nune’e parte rua mós hare konaba fontes Kredibilidade sira husi Orijén lolos kada Munisípiu nian.

Alende ne’e mos hare liu kona-bá nia impaktu husi Plano Ordenamentu Territorial ne’e rasik ho nia problema sira nomos ho nia solusaun alende ne’e husi dokumentu refere tenki prioritiza mós setor importante sira ne’ebé ita tenki tau atensaun hanesan ambiente, históriku no Turismu, agrikultura no sira seluk tan.

Partispa iha enkontru refere maka, Xefi Gabineti Prezidente, Diretór Nasional Plano Finansas, Diretór Nasional Aprovizionamentu, Jurídiku IPTL nomos Ekipa husi Tékniku husi MPIE. Média IPTL