ANAAA HALO AKREDITASAUN BA KURSU KONSTRUSAUN SIVIL IHA IPB

Betano, 03 Abril 2025 – Institutu Politékniku Betano (IPB) liu husi Eskola Superior Engeñaria, Kursu Konstrusaun Sivil hetan avaliasaun akreditasaun primeiru siklu hosi Ajénsia Nasional ba Avalíasaun no Akreditasaun Akadémika, Institutu Públiku (ANAAA, I.P.) ba programa estudu Kursu Konstrusaun Sivil grau Diploma II iha IPB, durante loron rua (03-04 Abril 2025).

Iha avaliasaun refere reprezentante avaliador Internasional hosi via zoom Prof. Dr. Ahmad Yasir (MQA) no avaliador Nasional maka hanesan Dr. José M. C. B. Ximenes, M.Eng, Mr. Salvador Pires.

Objetivu husi vizita avaliasaun ida ne’e maka atu asegura elijibilidade i kualidade husi programa estudu Kursu konstrusaun sivil ne’ebé durante ne’e estabelese ona iha eskola superior engeñaria, liu hosi prosesu avaliasaun no akreditasaun ne’e tuir padraun ne’ebé delibera ona husi ANAAA mai IPB no kolokasaun ba avaliasaun refere hala’o durante loron rua hanesan loron dahuluk enkontru estrutura ho entidade sira, loron daruak observa direta no halo konfirmasaun ba dokumentus inklui fasilidade sira relasiona ho relatóriu auto-avaliasaun (SAR) kursu konstrusaun sivil nian ne’ebé submete ona ba ANAAA.

Durante avaliasaun loron rua no atividade husi avalisaun ida ne’e finaliza ho relatóriu provisóriu no rekomendasaun balun husi ekipa panel ne’ebé pertinente tebes no rezultadu final hosi avaliasaun ida ne’e sei públika husi ANAAA iha tempu tuir mai hodi hadia programa estudu refere.

Partisipa iha vizita avaliasaun refere mak hanesan Diretor ezekutivu ANAAA Sr. Nilton D.Paiva Mau, PhD., Magnífiku Prezidente IPB Prof. Assoc. Acacio Cardoso Amaral, PhD, Inspektur Jeral IPB, Vise Prezidente IPB, Diretores no Estrutura, Ekipa Tekniku ANAAA, Dosente, IQA, Stakeholders, Alumni no Estudante. Médía IPB