ANAAA HALO AKREDITASAUN BA KURSU PRODUSAUN ANIMAL IHA IPB

Betano, 01 Abril 2025 – Institutu Politékniku Betano (IPB) Liu husi Eskola Superior Agronomia i Zootéknika, Kursu Produsaun Animal hetan avaliasaun akreditasaun primeiru siklu hosi Ajénsia Nasional ba Avalíasaun no Akreditasaun Akadémika, Institutu Públiku (ANAAA, I.P.) ba programa estudu Kursu Produsaun Animal grau Diploma II iha IPB durante loron rua (01-02 Abril 2025).

Iha avaliasaun refere, reprezentante avaliador internasional husi Accrediting Agency of Chartered Colleges and Universities in the Philippines (AACCUP), via zoom mak hanesan Professora Dr. Maria Teresa S.J. Valdez husi Filipina no avaliador nasional mak hanesan Dr. Domingos Cairesi no Dr. Marcelino da costa

Objetivu husi vizita avaliasaun ida ne’e maka atu asegura elijibilidade i kualidade husi programa estudu Kursu Produsaun Animal ne’ebé durante ne’e estabelese ona iha eskola superior agronomia i zootéknika, liu hosi prosesu avaliasaun no akreditasaun ne’e tuir padraun ne’ebé delibera ona husi ANAAA mai IPB no kolokasaun ba avaliasaun refere hala’o durante loron rua hanesan loron dahuluk sei enkontru estrutura ho entidade sira, loron daruak observa direta no halo konfirmasaun ba dokumentus inklui fasilidade sira relasiona ho relatóriu auto-avaliasaun (SAR) kursu produsaun animal nian ne’ebé submete ona ba ANAAA.

Durante avaliasaun loron rua no atividade husi avaliasaun ida ne’e finaliza ho relatóriu provizóriu no rekomendasaun balun husi ekipa panel ne’ebé pertinente tebes no rezultadu final hosi avaliasaun ida nee sei públika husi ANAAA iha tempo tuir mai hodi hadia programa estudu refere.

Partisipa iha Vizita avaliasaun refere mak hanesan Diretor ezekutivu ANAAA Sr. Nilton D.Paiva Mau, Ph.D., Magnífiku Prezidente IPB Prof. Assoc. Acacio Cardoso Amaral,Ph.D, Inspektur Jeral IPB, Vise Prezidente IPB, Diretores no Estrutura, Ekipa Tekniku ANAAA, Dosente, IQA, Stakeholders, Alumni no Estudante. Médía IPB