Asina Nota Entendementu Entre IPB Ho PNB-BALI INDONESIA
Asina memorandum entendementu iha loron 07 Juñu 2023 – Institutu Politékniku Betanu (IPB) Prezidente IPB, Prof. Assoc. Adj. Acacio Cardoso Amaral, Ph.D ho nia estrutura sira sorumutu ho Politeknik Negri Bali (PNB) Bali-Indonesia Sr. Diretor I Nyeoman Abdi, S.E.,M.eCom, hodi asina memorandum entendementu/MoU, entre parte rua, iha kampus sentral PNB-Bali, Sesta, 07/06/2023.
Objetivu hosi asinatura memorandum entendementu /MoU ne‘e atu garantia servisu kooperasaun bilateral entre parte rua hodi haforsa kualidade eduksaun iha futuru ne’ebe diak.
Hato’o hosi Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D hateten katak laos ba dahuluk ami mai iha ne’e maibe tinan kotuk liu ba 2016 ami mai ona iha ne’e hodi asina MoU ho PNB no iha statementu balu atu dehan memorandum entendementu tinan hitu liu ba ne’ebé lidera hosi menisteriu edukasaun laos IPB-Betano no agora IPB hanesan instituisaun autonom ne’ebé hamriik ho indenpenden hodi asina MoU ho PNB.
“Ohin loron ami mai fali hodi asina MoU hau konkorda tebes ho informasaun sira ne’ebé ohin diretor PNB hato’o ona ida ne’e hanesan previleiju bo’ot ida mai ita espera katak laos hasoru malu ikus maibe ita sei hasoru malu nafatin hodi kria enkontru espesifiku balu ne’ebé hanesan MoA tuir nesesidade instituisaun rua nee nian”. Hatutan Prezidente.
“Ida ne’e hanesan memorandum entendementu jeral ne’ebé ita asina ona no hau fiar katak ba oin ita tenki iha memorandum entendementu espesifiku ida hodi fo oportunidade ba kapasitasaun rekursu humanu hosi IPB mai PNB ami hanesan instituisaun foun ida ne’ebe foin hamriik kompara ho instituisaun sira seluk tanba ne’e ami persiza aprende barak hosi PBN liu-liu iha kapasitasaun dosente, kurikulu no ami seidauk iha kurikulu politekniku maibe ami lao tuir kurikulu padaraun nasional ne’ebe implemeta ona iha universitariu”.Haforsa Prezidente.
Iha fatin hanesan hato’o hosi Sr. Diretor I Nyeoman Abdi, S.E.,M.eCom hateten obrigado ba IPB nia partisipasaun iha ami nia kampus ne’ebé mak ki’ik ho numeru estudante ne’ebé tuir targetu no ami iha departementu nen mak hanesan departementu turismu, departementu administrasaun bisnis, departementu kontabilidade, departementu engenharia sivil, departementu eletrisidade no departementu mekanika.
“Ami fo agradese ba IPB tanba visita ona ami hodi asina memorandum entendementu MOU entre IPB ho PNB atu garantia servisu hamutuk hodi bele realiza atividades ne’ebé bele dezenvolve instituisaun rua ne’e iha futuru no iha kooperasaun ida ne’e bele halo rotasaun ba dosente, peskiza hamutuk no servisu komunitaria entre IPB ho PNB ba futuru”. Hatutan Diretor.
“Atividade sira ne’ebe ita asina ona liu hosi MoU ita tenki update ba malu tuir konseptu ne’ebe previstu ona atu nune’e ita bele serbisu hamutuk hodi dezenvolve atividade sira ne’e hotu sai atividades ne’ebé mak real no ami mos senti kontenti tebes hetan prezensa hosi IPB ami fiar katak hasoru malu ida ne’e laos hotu maibe tenki iha kontinuasaun hodi update atividades hotu ne’ebé mak ita asina ona tuir previstu iha MoU” .Haforsa Diretor.
Iha enkontru refere Prezidente IPB ho nia estrutura sira hala’o diskusaun direta ho estrutura departemenu engenharia sivil hodi koalia kona -ba progresu no dezafiu balu ne’ebe mak kursu konstrusaun sivil hasoru no iha biban ne’e mos troka hanoin entre parte rua hodi dezenvolve iha futuru.
Iha sorumutu asina MoU ne’e partisipa hosi IPB hanesan Magnífiku Prezidente IPB Prof. Assoc. Adj. Acacio Cardoso Amaral, Ph.D, Primeiru Vise Prezidente IPB Sr. Cipriano Tilman, M.PA, Segundu Vise Presidente IPB, sr. Amancio Horacio, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Diretór Eskola Superior Enjeñaria (ESE) Sr. Fernando da Costa Fernandes, M.Eng.
Média IPB.
