Ekipa Tékniku DNCT Rekolla Dadus IPB Hodi Integra Ba Sistema SGDES-TL

Betano, 14 Maiu 2024 – Instituto Politékniku Betano (IPB) nia tékniku husi Diresaun Nasional, Administrasaun Akadémika, Estundantil no IT (DNAAEIT) hamutuk ho Ekipa tékniku husi Diresaun Nasional Siénsia no Teknolojia (DNCT, Sigla Portugéz), hodi rekolla dadus estudante no Dosentes IPB hodi intrega ba Sistema Jestaun, Dadus Ensinu Superior Timor-Leste (SGDES-TL, siglá Portugéz,). Atividade ne’e, hala’o iha sala laboratoriu IT.

Atividade ne’ebé realiza husi loron Tersa 14 maiu 2024 to’o kinta, 16 maiu 2024, objetivu maka atu rekolla dadus IPB hodi atualiza dadus ba Instituisaun Ensinu Supérior sira iha territóriu nasional Timor-Leste nian hodi garantia serbisu akadémika ho efisiensia no efikasia. Partisipa iha atividade ne’e hanesan Diretor DNAAEIT, Sr. Pedro de Deus, M.Si, funsionariu administrasaun akademika no ekipa tékniku DNCT. Media IPB