Eleisaun Ba Asosiasaun Akadémika Estudantil- ESAZ tinan 2025 to’o 2027

Betano, 26 Maiu 2025 – Instituto Politécnico Betano (IPB) nia estudantes ativu 2022 to’o 2025 halao Eleisaun ba Asosiasaun Estrutura ba Eskola Superior Agronomia e Zootéknika ba kursu Produsaun Animal ba períodu 2025-2027 iha Institutu Politékniku Betano (IPB).

Iha eleisaun refere, kandidatu hamutuk na’in-6 kompete ba eleisaun Estrutura Asosiasaun Akadémika Estudantil ba Eskola Superior Agronomia e Zootéknika (ESAZ) ba kursu Produsaun Animal kandidatu ba Prezidente KLE- ESAZ hamutuk na’in rua 2, kandidatu Prezidente ESAZ hamutuk na’in rua 2 no kandidatura KEN-CPA na’in rua 2 no mos sesaun Aprezentasaun Programa ba kandidatu na’in-6 ba mandatu tinan 2 tuir mai.

Husi Rezultadu votasaun iha kandidatu Prezidente KLE- ESAZ hamutuk na’in-2, kandidatu dahuluk Celcia Maria Babo Salsinha hetan votus sia nulu resin ida (91) no kandidatu daruak Sergio Dos Remidius Elo votus la iha (0) kandidatu dahuluk mak sai hanesan Prezidente ba KLE- ESAZ, Kandidatu Prezidente ESAZ kandidatu dahuluk Leonizia de Jesus Ribeiro ho votus hamutuk sia nulu resin ida (91) no kandidatu daruak Sergio Dos Remidius Elo votus la iha (0) kandidatu dahuluk mak sai hanesan Prezidente ESAZ no Kandidatu Xefe KEN-CPA kandidatu dahuluk Romanio Mario Abi ho votus hamutuk haat nulu resin ida (41) no kandidatu daruak Izaias de Jesus Martins ho votus haat nulu resin lima (45).

Kandidata dahuluk Celcia Maria Babo mak sai hanesan Prezidente KLE-ESAZ, Kandidata Leonizia Ribeiro sai hanesan Presidente ESAZ no Kandidatu Izaias Martins sai hanesan Xefe KEN/CPA ba Estrutura Assosiação EstudaNtil Eskola Superior Agronomia e Zootéknika ba kursu Produsaun Animal -IPB 2025 to’o 2027.

Partisipa iha Eleisaun refere mak hanesan Primeru Vise Prezidenti IPB, Koordenador Kursu Produsaun Animal no Estudante ativu 2022 to’o 2025.

Media IPB