Eleisaun Ba Estrutura Asosiasaun Akadémika Estudantil- ESE Tinan 2025 To’o 2027

Betano, 26 Maiu 2025- Instituto Politécnio Betano (IPB) nia estudante ativu 2022 to’o 2025 hala’o Eleisaun ba Asosiasaun Estrutura ba Eskola Superior Engenharia ba Kursu Konstrusaun Sivil ba periode 2025-2027 iha Institutu Politékniku Betano (IPB).

Iha eleisaun refere, kandidatu hamutuk na’in-6 kompete ba eleisaun Estrutura Assosiação Académica Estudantil ba Eskola Superior Engenharia (ESE) ba Kursu Konstrusaun Sivil kandidatu ba Prezidente AAE-ESE hamutuk nai’in 2 kandidatu Prezidente KLE-ESE hamutuk na’in rua 2 no kandidatura KEN-CCC na’in rua 2 no mos sesaun Aprezentasaun Programa ba kandidatu na’in-6 ba mandatu tinan 2 tuir mai.

Husi Rezultadu votasaun iha kandidatu Prezidente AAE-ESE kandidatu dahuluk Deonizio C. da Conçeição hetan Votus haat nulu (40) no kandidatu daruak hetan Votus ualu nulu resin neen (86) kandidatu daruak mak sai hanesan Prezidente ba AAE-ESE.

Iha fatin hanesan kandidatu Prezidente KLE-ESE kandidatu dahuluk Ojerino de Aluta Falo hetan Votus ualu nulu resin haat (84) no kandidatu daruak Izaquela do R. Alves hetan votus haat nulu resin lima (45) kandidatu dahuluk mak sai hanesan Prezidente KLE-ESE.

Iha sorin seluk, kandidatura KEN-CCC kandidatu dahuluk João Baptista Quefi hetan votus neen nunulu resin lima (65) no kandidatu daruak Julberto Alves da Cruz hetan votus (62) kandidatu dahuluk mak sai hanesan Xefe KEN-CCC, ba Estrutura Assosiação Estudatil Eskola Superior Engenharia ba kursu Konstrusaun Sivil -IPB 2025 to’o 2027.

Partisipa iha Eleisaun refere mak hanesan Primeru Vise Prezidenti IPB, Diretór Eskola Superior Engenharia, Direór DNACD, Koordenador Kursu Konstrusaun Sivil no Estudante ativu 2022 to’o 2025. Media IPB