GAB-2VP-APFK Realiza Formasaun Hodi Kapasita Kualidade Serbisu Bá Funsionáriu

Betano, 14 Novembru 2022

Institutu Politékniku Betanu (IPB) liuhosi gabinete segundu vise prezidente – Administrasaun, Planu, Finansas no Koperasaun (VP-APFK), Sr. Amancio Horacio ho nia ekipa hodi realiza formasaun bá funsionáriu administrasaun sira durante loron lima (5) hahu hosi loron, 14 to’o 17 Novembru tinan 2022. Formasaun ne’e hala’o iha sala laboratóriu ESAZ-IPB.

Objetivu hosi formasaun ne’e maka atu kapasita funsionáriu administrasaun sira nia serbisu loron-loron ne’ebé sira hasoru hodi garantia kualidade serbisu iha institutu ne’e rasik.

Iha formasaun ne’e rasik, Sr. Amancio sai hanesan aprezentador hodi aprezenta materia ho tópiku mak hanesan jestaun planeamentu, ezekuasaun, relatóriu no jestaun administrasaun.

Partisipa iha formasaun mak hanesan diretór DNAF, Sr. Domingos Faria, Xefe departementu Aprovizionamentu, Sr. Veriato Mendonca, xefe departementu lojistika, Sr. Guido Amaral Alves, funsionáriu administrasaun finansas, funsionáriu akademika no estudantil, funsionáriu inspetór jeral, funsionáriu aprovizionamentu, funsionariu eskola ESAZ no ESE.

Media IPB