IPB ASINA MoU HO TELKOMCEL HODI APOIU EKOSISTEMA DIJITÁL KAMPUS

Betano, 26 Juñu 2025 – Instituto Politékniku Betano (IPB) nia Magnifiku Prezidente IPB Mestri Alcino da Costa I. A. Fernandes Asina Memorandum Entendimentu (Siglá ingléz, MoU) ho CEO Telkomcel, Sr. Benedictus Ardiyanto Priyo iha salaun IPB-Betano.

Objetivu husi Asinatura Memorandum ne’e atu garantia koperasaun servisu husi parte rua hodi apoiu ekosistema dijitál kampus.

Assinatura MoU ne’e kobre konektividade servisu dijitál no inovasaun teknolojia, asesu ba konektividade kartaun SIM ba estudante no dosente, portal ba sistema absénsia, Digital Campus (Sistema Akadémika Online), halo fasil liu ba registrasaun hanesan FPE (Fixa Planifikasaun Estudu) ho FRE (Fixa Rezultadu Estudu), dijitalizasaun sistema aprendizajen, no apoiu ba sistema pagamentu dijitál relasiona ho avansa siénsia no Teknologia nian ne’ebé bele promove inovasaun Sientífika no téknolojika sira.

Partisipa iha serimonia ne’e mak hanesan vise Prezidente Comisaun Ekonomia e Dezenvolvimentu, Magnifiku reitor UNTL, Adidu Edukasaun Indonesia ba Timor-Leste, Brigadeiro General, João Miranda, reprezenta Komisaun Funsaun Publika, Prezidente Konselu veteranus, Diretór Executivo elkomcel, Komandate PNTL, komandante F-FDTL Posto Naval Betano, Prezidente PDHJ, Xefe suku Betano, membru konselu Jeral IPB, Estrutura IPB, Dosente IPB, funsionario IPB Estudante no konvidadus sira hotu. Media IPB