IPB ESE REALIZA SEMINÁRIU HODI PROMOVE MENTALIDADE ESTUDANTE TÉKNIKU IHA AREA ENGENHARIA

Betano, 30 Mai 2025 – Instituto Politékniku Betano (IPB) liu hosi Eskola Superior Engeñaria (ESE) realiza Semináriu ba Estudante Kursu Konstrusaun Sivil ho nia Tema Jeral “Promove a Mentalidade dos Estudantes como Intelegȇncia da Ciȇncia Para Melhoral O Conhecimento Técnico na Area de Engenharia” Iha Semináriu refere aprezenta hosi Estudante Alumi hamutuk na’in-6. Formasaun ne’e hala’o iha salaun IPB, Sexta ne’e, 30/05/2025.

Koordenador CC, Sr. Aquino Vilde Acacio da Cruz, L.Eng.Civil. hato’o benvindu ba estudante alumni IPB na’in-6 tamba primeira vez ita konvida sira mai partilha sira nia koinesimentu no sira nia hanoin habilidade sira ba ita nia estudante sira nune’e mos ba ita nia Instituto ida ne’e.

Diretór ESE, Sr. Alexandre Marques, L.Eng. Civ, M Tr. T. hakarak hato’o Orgulho ba orador sira no estrutura IPB, katak entre Orador na’in-6 ne’e ida sai hanesan Diretór ne’e hanesan Orgullu boot ba Eskola Superior Enjeñaria. Espera hosi sira nia Prezensa bele motiva no sai hanesan inspirador ba alin sira hosi turnu 2022 to’o 2025.

Iha fatin hanesan Primeiru vise prezidente IPB Sr. Cipriano Tilman M.PA. Salienta katak liu hosi semináriu ida ne’e, konvida ita bo’ot sira mai atu kapasita ita bot sira nia koinesimentu hodi fó motivasaun ba alin sira, nune’e kontinua kedas abertura ba serimónia refere.

Aprezentasaun materia orador dahuluk Sr. Julinho da Silva Sarmento, D.II.C.Civ. L.Eng. Civ. tema “ Papel Tékniku ho Garante Kualidade Obra Konstrusaun iha Area Infraestrutura ” orador daruak Sr. Arlindo Ximenes, D.II.C.Civ., Lic.Tec. tema “ Inovasaun uja Téknologia Sopftware ho Kualidade iha Area Engenharia ho sai Engenheiro Profesional iha Sosiedade” Orador datoluk Sr. Frederico Araújo Dos Santos, D.II.C.Civ. tema “ Gestaun Implementasaun ba Projeto Estrada iha Servisu Kampu” Orador dahaat Sr. Hermino da Costa, D.II.C.Civ. tema “ Kriasaun Kampo Servisu iha Sociedade liu hosi Nesesidade Instituisional, Koiñesimentu Tékniku no Mentalidade” Orador dalima Sr. Joãozinho Pereira, D.II.C.Civ. tema “ Koiñesimentu nu’udar Engenheiro hodi kontrola Servisu ne’ebé diak ba implementasaun Servisu iha Terenu” Orador da neen-6 Sr. Wilson José da Silva, D.II.C.Civ. tema “ Papel no Kompetencia Young Engineering ba Dezenvolvimentu iha area Designer nian ”.

Partisipa iha semináriu ne’e mak hanesan Inspetor Geral IPB, Xefe Dep. Aprovizionamentu, Diretór Eskola Superior Agronomia I Zootéknika (ESAZ), Koordenador Kursu Produsaun Animal, Dosente no Estudante sira. Media IPB