IPB Hala’o Enkontru Ho Gabineti Inspesaun MESCC
(IPB-Betano,16 Marsu 2023)
Instituto Politekniku Betano (IPB) nia inspetór jeral no primeiru vise presidente hodi reprezenta estrutura tomak IPB hodi hala’o sorumutu ho gabinete Inspesaun, Ministeriu Ensinu Superior Siensia no Kultura (Siglá Portugés,MESCC), sr.Higino kona-bá fiskalizasaun bolsa hakbiit iha IPB. Enkontru ne’e hala’o iha sala gabinete prezidente IPB.
Objetivu prinsipal husi enkontru ho estrutura maka hodi hala’o fiskalizasaun ba iha bolsa hakbiit no bolsa parsial bazeia ba dadus ne’ebé mak ekipa inspesaun MESCC hetan hosi FDCH
Sr.Higino hateten tuir informasaun ne’ebé mak ekipa inspesaun MESCC hetan hosi FDCH katak IPB iha bolsa hakbiit maibé seidauk iha bolsa parsial .
“Fiskalizasaun ne’e bazeia ba kompetensia gabinete inspesaun nian ne’ebeé mak bazeia informasan ka lamentasaun hosi estudante sira tamba ne’e ami nia knar serbisu ami presiza halo fiskaliza para atu hare aktus sira ne’ebé mak akontese laos iha IPB dei’t maibé hosi instituisaun ensinu superior sira tantu públiku no privadu”. Dehan sr.Higino
Partisipa iha enkontru refere maka hanesan Inspetor Jeral Sr.Roberto Magno, Primeiro Vise presidente Sr.Cipriano Tilman. M.PA, xefe departementu aprovizionamentu, staff DNAF , Staff DNAAEI no Inspetór Jeral Sr. Higino Alves ho nia ekipa.
Média IPB
