IPB HO UPU ASINA MOU LIU-HOSI “ZOOM MEETING”
Betano, 11 Juñu 2024 – Institutu Politékniku Betanu (IPB) nia magnífiku prezidente IPB, Prof. Acacio Cardoso Amaral, Ph.D akompaña ho nia estrutura IPB hodi Asinatura Memorandu Entendimentu (Siglá Ingléz, MoU) ho Rektor Dr. Rika Rosnelley, S.Kom, M.Kom, ho nia estrutura husi Universidade Potensi Utama (UPU) liu hosi “zoom meeting online” tersa ne’e, 11/06/2024
Objetivu hosi asina MoU entre parte rua mak atu garante serbisu kooperasaun entre IPB ho Universidade Potensi Utama (UPU) hodi estabelese kualidade edukasaun iha area ne’ebé relevante entre instituisaun-rua ne’e hodi atinji kualidade edukasaun liu-hosi koperasaun.
Iha enkontru virtual/online ne’e hodi estabelese koperasaun entre instituisaun rua ne’e hodi apoiu serbisu liliu iha parte Peskiza kolaborativu, servisu komunitáriu no publikasaun, vizita entre universidade sira husi funsionáriu akadémiku, tékniku no administrativu, Interkámbiu hanesan estudante, dosente ka pesoál sira iha forma fahe interkámbiu kulturál no jestaun edukasaun, Programa Estajiu nomos Organiza konjunta konferénsia, semináriu ka enkontru akadémiku sira seluk.
Entretantu, partisipa hosi zoom meeting mak hanesan primeiru vise prezidente IPB, Sr. Cipriano Tilman, M.PA, segundu vise presidente IPB, sr. Amancio Horacio, Diretór Nasionál Administrasaun, Akadémika, Estudantíl no IT(DNAAEIT), Pedro de Deus, M.Si, Diretór Eskola Superior Agronomia i Zootéknika (ESAZ) Sr. Abilio dos Santos, M.Pt, Diretór Eskola Superior Enjeñaria (ESE), Sr. Alexandre Marques, L.Eng.Civ, M.Tr.T., Rektor UPU, Dr. Rika Rosnelley, S.Kom, M.Kom, wakil Rektor, Dr. Lili Tanti, S.Kom, M.Kom, Bapak Muhamamad Rusdi Tanjung, M.Sd., Dr. Lodiana Ayu ho Ibu Nursyah Handayani, M.Hum. Media IPB
![](https://ipb.edu.tl/wp-content/uploads/2024/06/448159392_985038770075969_1440139480102482656_n-1100x733.jpg)
![](https://ipb.edu.tl/wp-content/uploads/2024/06/448268054_985039293409250_1726746956125109553_n-1100x733.jpg)