Prezidente IPB Partisipa Iha Dialógu Komunitáriu Entre Sua Exelênsia Pm Taur Matan Ruak Ho Kumunidade Iha Munisipiu Manufahi

Same, 10 Janeiru 2022

Institutu Politékniku Betanu nia Magnífiku Prezidente IPB, Sr. Acácio Cardoso Amaral, Ph.D no Primeiru Vise Presidente Asuntu Akadémiku, Sr. Cipriano Tilman, M.PA partisipa diálogu Komunitáriu hosi sua exelénsia Primeiru Ministru RDTL Taur Matan Ruak ne’ebé mak vizita Munisípiu Manufahi. Dialógu refere hala’o iha resintu Administrasaun Munisípiu Manufahi, loron 10 fulan janeiru, tinan 2022.

Iha sorumutu ne’e, partisipa mos intidade sira hotu ne’ebé kompostu husi Sua Execia Primeiru Ministru ho nia Esposa, Membru Guvernu oitávu Konstitusional hanesan Ministru MESSK, Ministru Obras Públika, Ministru Estatal, Sekretariu Estadu Agrikultura e Peskas, Administrador Munisipiu Manufahi inklui entidade sira hotu ho komunidade enjeral iha Manufahi.

Hodi rona rasik intervensaun hosi Excia Primeiru Ministru Taur Matan Ruak no Ministru sira kona-bá programa oitávu governu nian no mos Excia rasik bele rona direta lamentasoens, dezafius no obstákulu sira hosi Intidade sira hotu mak iha Munisípiu Manufahi, kona-ba lalauk desenvolvimentu sira ne’ebé halao durante tinan 5 nia laran mak lidera husi Excia Taur Matan Ruak.

Depois remata diálogu refere Excia Primeiru Ministru Taur Matan Ruak ho nia komitiva hala’o hikas viajen ba iha Munisipiu Ainaro.

Mídia IPB