RESPONSAVEL HASA’E BANDEIRA HUSI ESTUDANTE KKS

Betano, 02 Juñu 2025 – atividade hasa’e bandeira iha semana dahuluk iha fulan juñu iha Instituto Politécnico de Betano (IPB) hamutuk ho estrutura no Sívitas Akadémika tomak. Responsavel hasa’e bandeira husi estudante Eskola Superior Enjeñaria (ESE) Kursu Konstrusaun Sivil (KKS).

Iha fatin hanesan inspetór serimónia Sr. Amancio Horacio iha ninia diskursu hateten nune’e, husu ba Sívitas Akadémika hotu nafatin pontualidade no halao kna’ar servisu nian ho diak hodi tane a’as nafatin Institutu Politecnico de Betano (IPB) bele diak liu tan iha futuru, nia mos husu ba Estudante sira atu lalika preokupa ho Grau maibe aprende nafatin no badinas estuda, prátika hodi bele eleva koñesimentu diak ba sosiedade, dehan nune’e “sé mak hili ona IPB nia Nafatin IPB”.

Nia mos tenik nune’e tamba IPB hahu ho estrutura ida uluk ho rekursu ne’ebé mak mínumu no iha limitasaun orsamentu maibe ita nafatin iha kbi’it no la lakon iha kompetisaun, kompara ho ida agora maske nia mandatu ne’ebe besik remata nia nafatin husu liu-liu ba estrutura foun sira atu bele kontinua hadia diak liu tan servisu sira ne’ebe lao hela nomos servisu foun ne’ebe atu mai hodi bele dezenvolve diak liu tan IPB iha Futuru.

Entretantu marka prezensa iha fatin hasa’e bandeira ne’e maka hanesan, kordenador CC no PA, Diretor DNAAE-IT, Inspetor Geral IPB, Kargu Sefia sira, Docentes, Funsionarius no Estudantes sira. Media IPB