Serimónia Hasa’e Bandeira Responsável Hosi Estudante Konstrusaun Sivil

(IPB-Betano, 08 Maiu 2023) – Institutu Politékniku Betanu(IPB) kontínua hasa’e bandeira kada fulan ba semana dahuluk, ohin segunda (08/05/2023) responsavél hasa’e bandeira hosi estudante Eskola Engenharia(ESE), kursu konstrusaun sivil(KKS) iha resintu IPB Betano.

Primeiru vise prezidente IPB Sr. Cipriano Tilman sai hanesan inspetór hasa’e bandeira reprezenta Magnífiku Prezidente IPB, Prof. Assoc. Adj. sr, Acacio Cardoso Amaral, Ph.D, hakarak fó agradese bá ekipa isar Bandeira no koru, tamba ezekuta servisu ho di’ak, kumpri oras no liuhosi isar bandeira ida ne’e, hodi fó onra ba erói nasional. Sorin seluk agradese mos ba funsionáriu administrasaun, dosentes no estudante sira nia partisipasaun maske ho klima ne’ebé ladiak maibé bele partisipa masimu.

Vise prezidente IPB agradese ba estrutura, dosente no estudante sira hosi Eskola Superior Engenharia (ESE) nian, tamba ho loron feriadu nian mós sira bele hatudu mudansa liu hosi insfrastrutura fizika nian ho di’ak iha resintu IPB.

Ikus liu husu ba ita hotu mantein unidade no paz iha ita nia instituisaun, ho konsiénsia tomak wainhira iha probelma internal ruma label hato’o hosi media social maibé buka solusaun iha estrutura nia laran, tamba ho media social la rezolve problema.

Lolos ne’e pontu importante ne’e mak atu hato’o iha hasa’e bandeira, maibé ho udan makas ikus mai lakonsege hato’o iha diskursu

Partisipa iha serimónia hasa’e bandeira ne’e mak hanesan Diretór Eskola superior Agronómia no Zootéknika (ESAZ). sr. Gaspar F. Vicente, M.Sc, Diretór Eskola Superior Engenharia (ESE), sr. Fernando da Costa Fernandes, M.Eng, xefe departamentu sira, funsionáriu administrasaun, dosentes no estudante sira.

Media IPB