Serimónia Tomada De Posse Bá Estrutura Asosiasaun Estudantíl Periúdu 2025 – 2027

Institutu Politékniku Betanu liu hosi Gabinete Primeira Vise Prezidente IPB ba Asuntu Tékniku Sientifiku, Pedagojika no Akadémiku realiza Serimónia “Tomada de Posse” ba Prezidente Asosiasaun Estudantil ho ninia Estrutura husi Eskola Superior Enjeñaria no Eskola Superior Agronomia I Zootéknika ne’ebé fó Posé husi Prezidente Asosiasaun Sesante. Serimónia ne’e hala’o iha salaun IPB Betano – Tersa,10/06/2025.

Prezidente Asosiasaun Akadémika Estudantil sesante, Nunu de Deus iha ninia intervensaun nia hato’o agradese durante nia mandatu hahu husi 2023 – 2025 ba Prezidente IPB ho nia Estrutura sira, Funsionario Administrasaun no Dosente hosi Kursu Konstrusaun Sivil no Kursu Produsaun Animal no Estudante sira hotu.

Primeiro vise Prezidente IPB Sr. Cipriano Tilman, M.PA fó agradese ba Prezidente Asosiasaun Akadémika Estudantil ho nia estrutura sira, iha momentu ida ne’e mos fó posé ba Prezidente ho nia Estrutura Asosiasaun Estudantil IPB, signifika atu aumenta imi nia kapasidade no Esperensia iha Asosiasaun tuir regulamentu ne’ebé iha hodi kumpri knar ne’ebé ita bo’ot sira Asumi bá, Aumesmo tempu loke abertura ba serimónia refere.

Iha Fatin hanesan Carlos Lucas F. Castro hanesan Prezidente Asosiasaun Akadémika Estudantil hateten katak iha pontus rua-2 mak hau atu ko’alia iha ne’e hanesan Komunikasau no Kolaborasaun, ne’e importante tebes ba ita iha aktividades tan ne’e hau konvida ita iha Estrutura atu nakloke ba malu no lololiman nafatin ba malu lori ita nia Instituto bele halo Inovativu mai ita nia Institutu ida ne’e.

Partisipa iha Serimónia ne’e mak hanesan Inspetór Jeral IPB, Diretór DNAAEIT, Diretór Eskola Superior Enjenãria no Diretór Eskola Superior Agronomia I Zootékniku, Koordenador Kursu Konstrusaun Sivil no Koordenador Kursu Produsaun Animal, Prezidente ADA, Xefe Dep. Logistik no Estudante sira.  Media IPB