Asina Nota Entendementu Entre IPB Ho POLITANI-KUPANG INDONESIA
Asina Memorandum Entendementu iha loron 04 Jullu 2023 – Institutu Politékniku Betanu (IPB) Prezidente IPB, Prof. Assoc. Adj. Acacio Cardoso Amaral, Ph.D ho nia estrutura sira sorumutu ho Politeknik Pertanian (POLITANI) Negri Kupang-Indonesia Sr. Diretor Johanis A. Jermias, S. Pt., M.Sc hodi asina memorandum entendementu/MOU, entre parte rua, iha kampu sentral Politani-Kupang, Tersa, 04/06/2023.
Objetivu hosi asinatura Memorandum Entendementu /MOU ne‘e atu garantia servisu kooperasaun bilateral entre parte rua hodi haforsa kualidade eduksaun iha futuru ne’ebe diak.
Hato’o hosi Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D kona-ba perfil IPB ne’ebe mak harii iha 2017 hanesan Institutu foun ida iha Timor-Leste ne’ebe mak diferente tebes ho Politani ami mos senti kontenti tanba bele partisipa iha kooprasaun ida ne’e hodi aprende hosi Politani, IPB hanesan politékniku ida ne’ebé uniku/mesak iha Timor-Leste no ami iha eskola Superior Agronomia I Zootéknika no Eskola Superior Engenharia IPB mos foin hetan akreditasaun dahuluk iha tinan kotuk maibe rezultadu publikasaun iha tinan ida ne’e ho valor B ami agradese tanba IPB foin harii ho rezultadu ne’ebé pozetivu.
Tenik “hau ba nasaun barak hodi asina MOU maibe asina hotu laiha implementasaun ne’ebé mak diak tanba ne’e hau hakarak asina MOU ho POLITANI ne’e besik liu atu nune’e ita bele fahe esperensia ba malu ente parte rua ne’e tuir objetivu sira ne’ebé mak iha, no hau fiar katak hodi promove ita nia koperasaun ba oin lao ho diak hodi kontribui ba prosesu tomak iha future oin mai”.
Reforsa nafatin katak, ohin ita asina ona MOU entre IPB ho POLITANI hodi haree kona-ba kurikulu hanorin no kapasitasaun rekursu humanu no ba oin bele hamosu asaun ne’ebe real durante iha kooperasaun ne’e ita bele ajuda malu hodi bele fo benefisia ba parte rua liu hosi akordu memorandum entendimentu kona-ba Laboratoriu material, dezenvolve kurikulu, kooperasaun informasaun, komunikasaun teknologia, peskiza sientifiku, bolsa estudu no nst.
Iha fatin hanesan hato’o hosi Sr. Diretor Johanis A. Jermias, S. Pt.,M.Sc hateten kona-ba memorandum entendementu MOU ida ne’e atu garantia servisu hamotuk hodi bele realiza atividades ne’ebé bele dezenvolve instituisaun rua ne’e iha futuru no iha kooperasaun ida ne’e bele halo rotasaun ba dosente, peskiza hamutuk no servisu komunitaria entre IPB ho POLITANIA.
Tenik nafatin “ami iha inisiativa bo’ot atu vizita IPB maibe seidauk realiza mais ami mos senti kontenti tanba IPB iha inisiativa bo’ot hodi vizita ona ami no iha fulan outubru POLITANIA sei hala’o atividades lomba kona-ba teknologia pertanian ami espera katak IPB mos tenki partisipa iha atividade refere”.
Iha sorumutu asina MOU ne’e partisipa hosi IPB hanesan Magnífiku Prezidente IPB Prof. Assoc. Adj. Acacio Cardoso Amaral, Ph.D, Primeiru Vise Prezidente IPB Sr. Cipriano Tilman, M.PA, Segundu Vise Presidente IPB, sr. Amancio Horacio, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Diretór Eskola Superior Enjeñaria (ESE) Sr. Fernando da Costa Fernandes, M.Eng.
Média IPB.
