Kandidatura hosi kursu rua hanesan kursu Konstrusaun Sivil ho kursu Produsaun Animal, hosi kursu ne’e delega estudante Ida kada kursu hodi kompete ba eleisaun ne’e.
Estudante na’in-2 ne’ebé mak kompete ba prezidente asosiasaun estudantil ho naran mak hanesan João Oqui (Produsaun Animal) no Nuno Martins hosi (Konstrusaun Sivil).
Prezidente IPB Sr.Acacio Cardoso Amaral,Ph.D hateten katak iha momentu ne’e espesial tebes hodi hili fila fali prezidente asosiasaun estudantil no nia estrutura sira iha tinan ida ne’e.Hau dezafia ba estrutura foun sira katak presiza kria atividade barak iha kampus no labele repete fila fila hanesan estrutura tuan sira ne’ebé mak iha planu barak maibé larealizada atividade sira ne’e.
Hosi kandidatura na’in-2 hetan konfiansa hosi estudante sira no imi mak sai fontes atu lori estudante sira ba futuru. Husu ba kandidatura na’in-2 tenki iha planu ne’ebé di’ak oinsá mak bele hato’o iha forum Ida ne’e, hodi hetan konfiansa hosi estudante sira iha kampañia ne’e.
Rezultadu ikus hosi eleisaun ne’e maka kandidatu ho naran Nuno Martins hosi kursu konstrusaun sivil sai hanesan eleitu prezidente asosiasaun foun iha tinan 2023.
Partisipa iha eleisaun ne’e mak hanesan Diretór Eskola superior Engeñaria Sr.Fernando da C. Fernandes,Diretór Eskola Superior agronomia no zooteknika Sr. Gaspar Ferreira Vicenter, Kordenadór Konstrusaun Sivil no Produsaun Animal no estudante sira hotu.
Institutu Politékniku Betano (IPB) liu hosi Diresaun Nasionál Administrasaun Akadémika, Estudantil no IT (DNAAEIT) ho tékniku IT-IPB fo formasaun sistema Informasaun Jestaun no Akadémika (Siglá Portugéz SIGA) ba estudante sira oinsá utiliza sistema SIGA nian ne’ebé mak implementa iha tinan ida ne’e. Formasaun ne’e hala’o iha sala laborátoriu IT.
Ohin loron Instituto Politékniku Betano(IPB) marka tan istoria foun hodi hetan valor “B” iha akreditasaun institusional Ensinu Superior iha tinan 2022,tersa ohin.
Parabéns ba magnífiku prezidente ho nia estrutura, sívitas akadémika no ekipa tékniku sira hotu iha IPB.
Objetivu hosi avaliasaun ne’e hodi hatene progressu serbisu kada gabinete,diresaun no eskola superior sira durante hala’o serbisu tinan ida(1) ne’ebé maka ezekuta ona orsamentu ba atividade hotu ne’ebé hala’o ona iha IPB.
Alende ne’e iha avaliasaun refere, aprezenta kada divisaun serbisu hosi Inspetór jeral,Diretór DNAAEIT,Diretór DNAF, Diretór DNA,Diretór ESAZ no Diretór ESE.
Instituto Politékniku Betano serbisu koperasaun hamutuk ho Sentru Formasaun Polisia Akadémia (Siglá Portugés,CFPA) hodi realiza serimónia graduasaun datoluk nivél IV kursu edukasaun,formasaun no avaliasaun ba dosente IPB hamutuk nain-16 ho tema “A formação pedagógica dos Docentes agregará habilidades e contribuirá para a qualidade do ensino superior”. Serimónia ne’e realiza iha salaun CFPA-Comoro Dili.
Magnífiku Prezidente IPB, Sr. Acacio Cardoso Amaral iha diskursu hateten katak serimónia ohin loron, hanesan rezultadu ka fuan hosi MOU ne’ebé asina ona entre IPB no CFPA. Objetivu maka atu estabele koperasaun iha edukasaun no treinamentu liuhosi halo formasaun hodi hasa’e koiñesimentu ba membru sira iha ida-idak nia instituisaun.
“Ohin loron ami sira ne’e kompleta ona aula intensivu durante semana-rua (2), tuir kedas estájiu iha serbisu fatin, formasaun ne’e ami aprende buat barak kona-bá dezenvolve kurikulum,planu lisaun, planu sesaun, planu avaliasaun no seluk seluk tan”.Haktuir Prezidente IPB.
Ikus liu, prezidente hakarak hato’o agradesimentu ba CFPA nia disponibilidade fo ona formasaun ba dosente IPB no ba futuru sei iha tan formasaun kontinuasaun ba dosente foun ne’ebé rekruta iha tinan ida ne’e ho dosente seluk ne’ebé la konsege tuir formasaun iha tinan 2022.
Iha fatin hanesan, Komandante Superintendente Dr.Arquimino Ramos hakarak Agradese ba loron Ohin marka tan istoria hahu estabelese koperasaun IPB,ohin ita realiza tan serimónia pelumenus halo mudansa ruma iha formasaun ne’e rasik. Agradese mós ba dosente sira hosi IPB no UNPAZ konsege ultrapasa ona formasaun refere, Atu atinji ida nee presiza esforsu makas.
Komandante salienta katak nafatin kopera serbisu hamutuk,CFPA fornese ona formasaun ba universidade no institutu lubuk ida,signifika dosente sira bele iha koñesimentu ona ,formasaun ne’e rasik hodi ajuda tebes ba dosente sira iha abilidade hodi hanorin ne’ebe di’ak presiza iha padraun hafoin hamosu peskiza ida maibé dosente sira presiza aprende hela de’it no korajén ba dosente sira seluk tuir mai sei iha tan formasaun pedagójia.
“Liu hosi formasaun ne’e hau fiar katak bele ajuda ita boot sira sai hanesan mata dalan ba dosente sira iha IPB,fiar katak ita bot sira dezenvolve ona planu hotu tuir mata dalan ne’ebé ami fo,ba futuru sei hatudu progressu ne’ebé di’ak nomos tenki garantia ba kualidade estudante sira”. Dehan Sr.Komandante.
Iha sorin seluk, Sra.Danina Nunes hanesan reprezentante hosi graduadus sira hakarak hato’o agradese ba estrutura IPB no serbisu hamutuk ho estrutura CFPA hodi fo formasaun durante semana rua (2). Espera katak ho matenek ne’ebé fahe ona mai ami, nune’e bele fahe ba estudante sira hodi garantia kualidade aprendizajen iha rai doben Timor ida ne’e,hahu agora ba futuru no signifika katak edukasaun Timor Leste la’o di’ak liuhosi ita nia kontribuisaun.
Serimónia ne’e partisipa hosi mak Inspetór Jeral IPB, Sr.Roberto da Costa Magno, Primeiru Vise Prezidente IPB, Sr. Cipriano Tilman, MPA, Segundu Vise Prezidente IPB, Sr.Amancio Horacio, Diretór DNAF, Sr. Domingos Faria, Diretór DNA Sr. Marito Soares, Diretor DNAAEIT (Diretor Nasional Administrasaun Akadémiku no IT), Sr.Pedro de Deus, M.Si, Diretor EZAS (Eskola Superior Agronomia e Zootéknika) Sr. Gaspar Vicente Fereira, M.Sc, Diretor ESE (Eskola Superior Engenharia) Sr. Fernando Fernandes, M.Eng, Koordenador KPA (Kursu Produsaun Animal), koordenador KKS (Kursu Konstrusaun Sivil),reprezentante UNTL, ANAAA,Komandante komponente formasaun, membru polisia akadémia, prezidente komisaun UNPAZ,Dosentes UNPAZ no ekipa tékniku IPB.
Institutu Politekniku Betanu (IPB) liu hosi Eskola Superior Engeñaria (ESE) Kursu Konstrusaun Sivil (KKS) realiza iha serimónia lansamentu fatuk dahuluk ba konstrusaun Auditória IPB ne’ebé partisipa hosi magnífiku prezidente IPB sr. Acacio Cardoso Amaral, Ph.D ho strutura sira iha kampus IPB, segunda ne’e.
Kordenadór KKS, Sr. Afranio G. Freitas, M.Eng hateten katak loron ohin loron espesial hodi hatur fatuk dahuluk hanesan simbolu ida hodi lansa, nune’e hodi hahu servisu ba konstrusaun auditória IPB, hanesan tinan kotuk lansa mós ba kampu footsall ne’ebé obra hosi estudante KKS. Nia salienta bá dosentes KKS serbisu hamutuk no nafatin kopera ho estudante sira hodi serbisu ne’e to’o remata no buat hotu la’o ho di’ak.
“Fatin auditória ne’e laos ba Eskola ESE no laos ESAZ nian, maibé ba IPB nian, nafatin serbisu hamutuk nune’e tinan oin ita bele utiliza fatin ne’e ba dies natalis IPB, karik remata obra. Dehan sr. Afranio
Iha fatin hanesan, Diretór ESE, Sr. Fernando da Costa Fernandes, M.Eng hateten katak ESE halo ona obra lubuk ida ona no obra ida ne’e kategória obra bot kompara obra sira seluk. Tan ne’e husu ba estudantes sira ba sira ne’ebé mak akompaña estudante sira presiza serbisu ho kuidadu an no serbisu ho pasensia no serbisu fo laran atu nune’e atinji buat ne’ebé ita hakarak.
Prezidente IPB, Sr. Acacio Cardoso Amaral salienta katak iha lansamentu ne’e hanesan fatuk dahuluk ba prosesu konstrusaun auditória IPB, tamba ne’e, husu ba parte hotu hotu ne’ebé mak involve an iha serbisu karik tenki iha vontade di’ak serbisu ho laran mos, tamba ne’e hola parte ba prátika, nune’e ita presiza mós seguransa wainhira hala’o obra ida ne’e hanesan dosentes no estudante sira. Hau fiar katak ita bot sira nia obra ne’e tuir imi nia teoria no pratika nian no ba estudante finalista sira ne’e hanesan obra ida hodi rai hela iha almamater IPB no estudante ne’ebé seidauk finalista ne’e hanesan esperiensia ida presiza involve iha projetu.
Lansamentu ne’e partisipa hosi primeiru vise prezidente, Sr. Cipriano TIlman, M.PA, segundu vise presidente IPB, sr. Amancio Horacio, Diretór Nasional, Administrasaun, Akadémika, Estudantil no IT, (DNAAEIT), Sr. Pedro de Deus, M.Eng, Diretór Nasional Administrasaun Finansas(DNAF) Sr. Domingos Faria, L.Agp, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Kordenadór Kursu Produsaun Animal (KPA) Sr. Celestino Talo Mali, M.Sc, Dosentes KKS no estudante sira.
Institutu Politékniku Betanu (IPB) nia magnífiku prezidente IPB, sr. Acacio Cardoso Amaral, Ph.D ho nia estrutura sira hala’o sorumutu ho Dr. Marthen L. Mullik no Dr. Imanuel Benu hosi Universidade Nusa Cendana (Undana –Kupang) hodi halo diskusaun kona-bá atu estabelese koperasaun entre parte rua ne’e,iha salaun MEJD, Vila-verde tersa ne’e, 06/12/2022.
Magnífiku Prezidente IPB Acácio Cardoso Amaral,Ph.D hateten katak IPB asina ona nota entidementu barak ho instituisaun, universidade iha nasional no internasional no ohin hala’o sorumutu ho Undana-Kupang atu kria tan planu koperasaun. Ho planu koperasaun ida ne’e atu garantia serbisu kualidade ba IPB no Universidade Nusa Cendana (Undana –Kupang). Ikus liu magnífiku prezidente hato’o agradese no obrigadu barak ba Professor Dr. Marthen L. Mullik no Dr. Imanuel Benu mai iha Timor hodi halo diskusaun ba koperasaun nian.
Professor Dr. Marthen L. Mullik salienta katak agradese tebes ba IPB hodi halo diskusaun hodi kopera serbisu hamutuk liu hosi koperasaun, objetivu hosi sorumutu maka aprezenta pilar importante maka hanesan rekursu umanu liu husi ensinu superior husi area pekuária,peskas no maritimo, peskiza ba area pekuária no programa dezenvolvimentu nian, iha sorin seluk Professor Dr. Marthen L. Mullik introduz kona-bá ezisténsia Universidade Nusa Cendana (Undana –Kupang) ba Maginifiku Prezidente IPB no estrutura sira.
Iha sorumutu ne’e, hala’o diskusaun lubuk ida hosi parte IPB no UNDANA-Kupang hodi aprezenta kona-bá perfil entre instituisaun rua ne’e nia ezisténsia no ikus hamosu konkordânsia iha tinan 2023 nia laran sei asina MOU/MOA tuir konsensu terminadu.
Entretantu,sorumutu ne’e partisipa hosi segundu vise presidente IPB, sr. Amancio Horacio, Diretór Nasional, Administrasaun, Akadémika, Estudantil no IT, (DNAAEIT), Sr.Pedro de Deus, M.Si, Diretór Nasional Aprovizionamentu (DNA) Sr.Marito Soares, Diretór sub Inspesaun auditória,Deolindo Henrique Pereira, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc,Diretór Eskola Superior Enjeñaria (ESE), sr.Fernando da C. Fernandes, M.Eng, Xefe departementu rekursu umano, Sr Corado no xefe departementu finansas Sra.Judit.
Institutu Politékniku Betano (IPB) liu hosi Eskola Superior Engeñaria,Kursu Konstrusaun Sivil hetan vizita hosi Eskola Sekundaria Teknika Vokasional Claret (ESTV Claret) kompostu hosi estudante nai’in 94 (Sia Nolu Resin Haat) no Professor nai’in 10 (Sanolu). Vizita nee hala’o iha resinto IPB, tersa, 29/11/2022.
Objetivu hosi vizita nee atu troka hanoin entre estudante IPB no Estudante ESTV Claret hodi hasae koñesementu no abilidade Estudante sira iha kursu Konstrusaun Sivil area Engenharia.
Iha vizita refere estudante sira hosi Eskola Sekundaria Teknika Vokasional Claret (ESTV Claret) hetan pratika mak hanesan parte dahuluk Laboratoriu Dezenho, parte daruak Laboratoriu Material Teste, parte datoluk Topografia, parte dahaat Soldadura no parte da lima Cofragen. Pratika hirak nee fornese hosi estudante Semestre haat, semester nee no apoiu masimu mos hosi dosente Kursu Konstrusaun Sivil.
Partisipa iha vizita nee mak hanesan Inspektur Geral IPB Sr. Roberto da Costa Magno, SP, MM, QIA, Diretor Nasional Administrasaun Akademika, Estudantil no IT (DNAAEIT) Sr. Pedro de Deus, M.Si, Korpu Dosente, Funsionariu no estudante Kursu Konstrusaun Sivil hotu.
