Elisio Ximenes

Betano, 23 Abril 2024 – Instituto politékniku Betano (IPB) nia estrutura sira partisipa iha sosialiasaun kona-bá Lei No.3/2022, Kurikulu Padraun Nasionál Timor-Leste ne’ebé aprezenta hosi Ekipa Diresaun Nasional Kurrikulu Ensinu Superior (DNKES)-Ministeriu Ensinu Superior, Siensia I Kultura (siglá portugéz, MESCC) -. Enkontru ne’e hala’o iha sala laboratorium ESAZ (IPB).

Magnifiku Prezidente IPB, Prof. Acacio Cardoso Amaral Ph.D koa’lia kona bá Kurikulum Padraun Nasional, tuir dekretu Lei Nú3/2022, 12 de janeiru iha ne’ebá hatur buat lubuk ida universidade Pribadu ho Publiku tenki hakruk no implementa hanoin, Monitorizasaun ne’e importante ho monitorizasaun ne’e obriga ami para ami tenki kumpri, los duni imi mak tenki fiskaliza no hare tuir buat ne’e, la’o dunik ka lae se lae ita produs Lei barak-barak maibe implementasaun laiha.

“Hanoin mos katak ho prezensa iha ne’e ami halo ona balu los no balu lalos tamba saida de’it mak ita halo, nia objetivu ida de’it halo buat ne’ebe di’ak no kualidade ba ensinu superior no IPB hanesan parte ida ba Instituisaun barak iha Timor”. Dehan Sr. Magnífiku prezidente IPB.

Moises da Silva hanesan diretór Nasional Kurrikulu hateten katak sosializasaun ne’e nia objetivu importante tebes-tebes atu garante prosesu dezenvolvimentu iha setór sira ne’ebé mak tuir ita nia vizaun, tuir ita nia Responsabilidade ne’ebé ita presiza atu halo kontribuisaun ba Dezenvolvementu Nasional.

Partisipa mak hanesan Primeira vise Prezidente IPB Sr. Cipriano Tilman, M.PA, Diretór DNAAEIT Sr. Pedro de Deus, M.Si. ho Dosente husi kursu Produsaun Animal no Konstrusaun Sivil, Diretór Nasional Ensinu Sueperior Kurikulum ho nia ekipa. Media IPB

Betano, 19 Abril 2024 – Institutu Politékniku Betano (IPB) liuhosi Diresaun Nasional Administrasaun Akadémika, Estudantíl no IT(DNAAEIT) halo pagamentu subsídiu eskolár ba estudante regular sira.Subsídiu ne’e halo pagamentu ba estudante hosi tinan 2021 to’o 2024 hosi kursu Produsaun Animal no Kursu Konstrusaun Sivil. Media IPB

Betano, 02 Abril 2024 – Institutu Politékniku Betano(IPB) nia estrutura sira partisipa iha aprezentasaun planu projetu kona-bá Sistema Rekursus Humanos (RH) no Repozitoriu Dijital (RD) hosi Departementu Enjeñaria Informática, Fakuldade Enjeñaria Siénsia no Teknolójia, Universidade Nasionál Timor Lorosa’e, (DEI-FEST-UNTL) iha sala gabinete prezidente IPB.

Iha aprezentasaun ne’e, Ekipa DEI-FEST aprezenta demonstrasaun sistema Rekursus Humanus mak hanesan oinsá atu halo jestaun ba servisu rekursus humanus nian, liu-liu ba dadus pessoal hanesan Funsionáriu administrasaun no dosentes inklui mos sistema repozitoriu digital iha IPB

Diretor Nasional Administarasaun Akademika, Estundantil no IT (DNAAEIT), Sr. Pedro hakarak hato’o agradese ba ekipa DEI tamba ita kontinua koperasaun liliu iha dezenvolve sistema sira ne’e, tamba programa dahuluk iha 2022, ita hahu estabelese koperasaun entre IPB ho DEI-UNTL ne’ebé estabelese ona sistema SIGA, SIGEB, GAB-CEDU, E-elearnig no inklui mos sistema arkivu dijital ne’ebé oferese gratuita hosi ekipa DEI-UNTL no iha tinan 2024 ne’e, ita halo koperasaun tan ho sistema rekursus humanus ho repozitoriu Dijital.

“Ho programa sira ne’e, bele ajuda dezenvolve sistema refere ba nesesidade ne’ebé mak IPB presiza, tamba ho servisu hamutuk sei bele kria relasaun diak entre IPB ho DEI-UNTL atu bele dezenvolve programa ne’ebé mak lao ona. Durante koperasaun nee kuaze sistema hirak ne’e utiliza ona, no sistema GAB-CEDU mak tinan ne’e atu utiliza ona”. Dehan Sr. Pedro

Diretor DNAAEIT akresenta karik koperasaun iha futuru mak IPB infrenta difikuldade ruma, ita nafatin komunika ba malu, hosi parte DEI laos projetu hotu no husik ona, maibé ita nia koperasaun lao nafatin.

Iha fatin hanesan, Sr. Jose Pinto hanesan team leader ba Ekipa DEI-UNTL hato’o agradese ba IPB tamba hetan konfiansa ba dala ita tanba projetu ne’e ba dalatolu (3) ona. Dezenvolvimentu sistema rua ne’e hanesan konfiansa ida mai ami iha DEI-UNTL.  Kolaborasaun ne’ebé iha, DEI nafatin kopera ho IPB. Karik iha failansu ruma ba sistema refere, DEI apoiu no akompania nafatin ba manutensaun ka problema ruma ne’ebé mak IPB hasoru, laos asina kontratu para ona lae, ekipa DEI nafatin kopera no komunika ba malu.

“Espera katak konfiansa ne’ebé ba iha DEI-UNTL laos bazeia bá kontratu deit, maibé lao nafatin ba oin, tamba ita mesak timor oan deit, tenki dezenvolve sistema dijitalizasaun iha ita nia rain. Haktuir Sr. Jose

Partisipa iha aprezentasaun refere mak hanesan segundu vise prezidente IPB, Sr. Amancio Horacio, Diretor DNAF, Sr. Domingos Faria, Diretor ESE, Diretor ESAZ, Kordenador Konstrusaun Sivil, Kordenador Lab. ESAZ, Xefe Rekursus Umanus, Diretór Vosco Pereira, DEI-FEST no funsionáriu IPB.

Média IPB

Dili, 22 Marsu 2024 – Instituto Politékniko Betano(IPB) nia Magnífiku prezidente A/Prof. Acacio Cardoso Amaral, Ph.D partisipa iha Lansamentu Akreditasaun Institusionál no Programátiku tinan 2024 ne’ebé organiza husi Ajénsia Nasional ba Avaliasaun no Akreditasaun Akadémika (ANAAA). Serimónia ne’e realiza iha Pusat Budaya Indonesia, Mascarenhas-Dili.

Serimónia lansamentu ne’e, ANAAA apresenta kursu hamutuk tolu-nulu resin rua (32) husi Instituisaun Ensinu Superior públiku no privadu. Tinan ne’e, ANAAA sei avalia ba Eskola Superior rua iha IPB. Iha sorin seluk maka ANAAA fo oportunidade bá Magnífiku prezidente IPB fahe mós esperiénsia hanesan mos avaliadór nasionál.

Partisipa iha lansamentu akompaña husi primeiru vise prezidente IPB Sr. Cipriano Tilman, M.PA. Diretora Jeral Ensinu Superior, Siénsia i Kultura, Sra. Maria Filomena Lay, Diretór Ezekutivu ANAAA ho nia ekipa, Reitór husi Instituisaun Ensinu Superior Públiku no privadu sira. Media IPB

Loron Kinta, 21 Marsu 2024 – Instituto Politékniku Betano liuhusi Diresaun Nasional Aprovisionamentu(DNA) nia diretór Sr. Veriato Mendonça no funsionáriu husi DNA halo Konferénsia prèvia ba kompanhia sira ne’ebé foti dokumentus ba tenderizasaun hosi IPB. Sorumutu ne’e halao iha Secretariadu IPB, MEJD Dili nomos iha betano. Media IPB

Dili, 21 Marsu 2024 – Instituto Politékniku Betano (IPB) nia Magnífiku Prezidente, Prof. Acacio Cardoso Amaral, Ph.D hodi asina memorandu de entendimentu (Siglá Ingléz, MOU)  ho  Banco Nacional e Comerçio Timor – Leste (BNCTL), Presidente da Commissão  Executiva, Sr. António Francisco Vítor iha resintu BNCTL Mandarin, Dili.

Objetivo hosi kooperasaun mak hodi fasilita pagamentu propinas hosi estudante sira no servisu atendementu sira seluk nebe mensiona iha akordu refere.

Assinatura MOU ne’e partisipa hosi Primeiru vise prezidente IPB, Sr. Cipriano Tilman, M.PA, segundu vise prezidente IPB, Sr. Amancio Horacio, Diretor DNAF, Sr. Domingos Faria, L.Agp, Jurista Deolindo Sarmento da Silva, Sr. Zelio B. Amaral da Costa hanesan Jerente Divizaun Operasional BNCTL ho nia ekipa.

Media IPB

Betano, 04 Marsu 2024 – Instituto Politékniku Betano liuhosi DiresaunNasionál Administrasaun, Akadémika Estudantíl no IT (DNAAEIT) nia tékniku IT sosializa Sistema Informasaun Jestaun Akadémika( Sigla Portuguez, SIGA) ba estudante foun tinan Akadémiku 2024. Atividade ne’e halao iha Lab. IT.

Objetivu hosi sosialiazasaun maka hodi fó koñesimentu ba estudante foun sira oinsá lalaok atu prenxe Fixa Planifikasaun Estudu (FPE), nune’e hodi hahú aula aprendizajen. Media IPB

Betano, 04 Marsu 2024 – Instituto Politékniku Betanu kontinua hasa’e bandeira kada fulan ba semana dahuluk, ohin segunda (04/03/2024) responsavel hasa’e bandeira ho koru hosi Estudante Eskola Superior Agronómia I Zootéknika (ESAZ), kursu Produsaun Animal iha resintu IPB Betanu.

Iha Serimónia hasa’e Bandeira ne’e segundu vise Prezidente IPB, Sr. Amancio Horacio hanesan inspetór serimónia informa ba parte hotu hotu katak serimónia hasa’e Bandeira ne’e maka sai sasukat oinsa ita kuda Espiritu Nasionalizmu ba ita nia rai ida ne’e, ita tenke fo importansia tamba eventu ida ne’e ita tau hanesan eventu importante nudar Timor oan nafatin fo Importansia ba eventu sira hanesan ne’e, hatudu Nasionalizmu ba ita nia rai hadomi ita nia rai hakarak dignifika ho ondra ba ita nia Heroi sira ne’ebé fo nia isin tomak hodi liberta ita nia rai ida ne’e.

Sr.vise prezidente hato’o parabéns ba ekipa isar bandeira, ne’ebé responsavel hosi Estudante foun tinan akadémiku 2024 mak responsavel ba ekipa isar bandeira, foin inisia maibé hau apresia tamba sira iha komitmentu iha prinsipiu hodi organija ho diak.

Partisipa iha hasa’e bandeira ne’e maka hanesan Diretór DNAAEIT (Diresaun Nasional Administrasaun Akadémika no IT) Pedro de Deus M.Si, Diretór DNAF Sr. Domingos Faria, Diretór Eskola Superior kordenador Kursu Konstrusaun Sivil (KKS) no kordenador Kursu Produsaun Animal (KPA), Xefe Laboratoriu, Xefe Departementu Logistika, Staff Administrasaun, Dosente no Estudante IPB hosi kursu rua (2). Media IPB