Betano, 21 fulan Juñu tinan 2022
Institutu Politékniku Betanu liuhosi Konsellu Jeral (KJ) hodi kria enkontru ho membru KJ sira kona-bá Aprezentasaun Grande Opsaun, Ezekusaun Orsamentu Jeral Estadu (OJE) tinan 2022 iha resintu IPB betano sala gabinete prezidente.
Media IPB
Institutu Politékniku Betanu, iha loron kuarta, 01 Juñu 2022 hetan vizita hosi ekipa Uniaun European hodi hala’o sorumutu ho Primeiru vise Prezidente, Sr. Cipriano Tillman, M.PA ne’ebé reprezenta hosi Magnifíku Prezidente IPB, Sr. Acacio Cardoso Amaral, Ph.D, kona-bá sustentavel ekonomika iha Timor-Leste iha sala gabinete Prezidente IPB betano.
Objetivu hosi audiénsia ne’e, hodi diskuti kona-bá problema saida mak institutu ne’e infrenta iha implementasaun edukasaun profisional nomós dezafíu ne’ebé eskola superior ida-idak iha no solusaun saida atu bele melhora ho di’ak-liu. Vizita ne’e sei la fo solusaun, maibé nu’udar informassaun ne’ebé pertinente teb-tebes no sei aprezenta ba enkontru Uniaun Europeia iha loron kinta karik iha Dili. Tamba tinan ida ne’e, Uniaun Europeia iha projetu tolu (3) ne’ebé atu implementa iha Timor Leste ba tinan 2022.
Iha fatin hanesan, konsultan hosi Uniaun Europeia iha Timor-Leste hateten, sira sente kontente tanba bele haree progressu IPB, maske menus ekipamentus liliu iha laboratoriu pratika, maibé prosesu aprendizajen lao ho di’ak. Uniaun Europeia iha mundu servisu hamutu iha nasaun barak, inklui iha Timor Leste
Iha sorumutu ne’e partisipa hanesan Segundu Vise Prezidente IPB, Sr. Amancio Horacio, , Diretór Nasionál Administrasaun Akadémika no IT (DNAAEIT), Sr. Pedro de Deus, M.Si, Diretor Eskola Superior Agronomia e Zootéknika (ESAZ), Sr. Gaspar Vicente Ferreira, M.Sc, Diretór Eskola Superior Enjeñaria(ESE), Sr. Fernando Fernandes, M.Eng, Kordenador ESE Sr. Afranio G. Freitas, ST. MT ho ekipa uniaun European.
Media IPB
: Elisio
Foto
: Elisio
Betano, 24 Maiu 2022
Institutu Politékniku Betano liuhosi Gabinete Primeiru Vise Prezidente Asuntu Tékniku Sientífiku, Pedagójika no Akadémiku (GAB1VP-ATCPA, siglá Portugéz) ne’ebé reprezenta hosi Diretór Nasional Administrasaun, Akadémika, Estudantil no IT (DNAAEIT) Sr. Pedro de Deus, M.Si hamutuk ho ekipa Diresaun Nasional Ensinu Superiór Tékniku (DNEST), hala’o enkontru kona-bá prosesu pagamentu izensaun propinas semestre daruak nian, iha resintu IPB.
Objetivu hosi enkontru ne’e, hodi hatene prosesu orsamentu ne’ebé aprova hosi MESSK aloka ba iha IPB hodi apoiu estudante sira ne’ebé ativu iha semester daruak (par) hodi halo pagamentu isensaun propinas, tuir orientasaun MESSK nian ne’ebé mak iha ona.
Prosesu pagamentu isensaun propina ba kursu Produsaun Animal ho kursu Konstrusaun Sivil mak Diresaun DNAAEIT halo pagamentu ba estudante sira iha IPB ne’ebé mak hetan apoiu orsamentu hosi MESSK ho montante hamutuk 7.824,00 (Rihun Hitu Atus Ualu Ruanulu Resin Haat Dolár Amerikanu) ba estudante na’in-368 (Atus Tolu Neenulu Resin Walu).
Nune’e pagamentu ba estudante totál na’in 313 kompostu hosi estudante Kursu Produsaun Animal na’in 165 (Atus Ida, Neen-nulu Resin Lima) ho total pagamentu montante $4,446.00 (Rihun Haat, Atus-Haat, Haatnulu Resin Ne’en Dolár Amerikanu) no estudante Kursu Konstrusaun Sivil na’in 146 ho total pagamentu hamutuk $2,856.00 (Rihun Rua Atus Ualau Lima Nulu Resin Ne’en). Total pagamentu ba kursu rua hamutuk $7,302.00 (Rihun Hitu Atus Tolu Resin Rua Dolár Amerikanu).
Prosesu pagamentu iha IPB atinji ona 93% no devolve ba kofre estadu hamutuk $522.00 (Atus Lima Rua Nulu Resin Rua Dolár Amerikanu) no osan ne’ebé la kosege simu subsidu no devolve fila fali hosi estudante hamutuk na’in 55 (Limanulu Resin Lima) ho razaun sira hanesan estudante na’in-2 mate, na’in-2 lisensa letiva, na’in-5 sai no laiha informsaun no estudante na’in 46 la hetan informasaun simu fali insesaun to pagamentu propina ne’e termina.
Estrutura IPB ne’ebé partisipa iha enkontru refere mak hanesan Segundu Vise Prezidente Sr. Amancio Horacio, Diretór DNAAEIT Sr. Pedro de Deus, M.Si, Sr. Diretór DNAF, Domingos Faria no apoiu tékniku no Sra. Paula ho ekipa monitorizasaun hosi DNEST-MESSK.
Mídia IPB: Elisio
Foto: Elisio
Betanu, 25 Maiu 2022
Institutu Politékniku Betano re-anúnsiu konkursu públiku ba vagatura dosente IPB iha tinan 2022. tamba ne’e, Institutu Politékniku Betano fo oportunidade nafatin ba públiku sira hodi konkore vagatura tuir termu referensia hanesan tuir mai ne’e:
Avizu re-anunsiu vagatura dosente IPB tinan 2022
Bele Download TOR iha link ne’e:
2. Nü. Ref. :CPI/32/A/SCFP/IPB/V/2022
Bele Download TOR iha link ne’e:
3. Nü. Ref. : CPI/33/A/SCFP/IPB/V/2022
Bele Download TOR iha link ne’e:
Atu hatene informasaun kompletu, bele mai hare iha direta iha sekretariadu Instituto Politécnico Betano – Vila Verde Dili no bele kontaktu parte Rekursu Umano – IPB, Nu. HP +670 78105023, 76098257 no email: corado.marifa24@gmail.com , longuinosaraujo9396@gmail.com
Meida IPB
Betano, 24 Maiu 2022
Institutu Politékniku Betanu liuhosi Diresaun Nasionál Aprovizionamentu (IPB-DNA) anúnsiu rezultadu ba kompania manan na’in
Bele hare anúnsiu RFQ ne’ebé mensiona iha anexu ne’e.
Midia IPB
Betano, 17 Maiu 2022
Institutu Politékniku Betano liu hosi Eskola Superiór Agronomia i Zootéknika no Kursu Produsaun Animal(ESAZ-KPA), ohin loron tersa, 17 Maiu 2022 realiza semináriu kona-bá “Dezenvolvimentu Sustentável ba Kriasaun Vaka Balineza, Fahi lokál no fahi Rasa iha Timor – Leste”. Seminar ne’e hala’o iha kampus IPB.
Atividade semináriu ne’ e iha oradór prinsipál na’in-2 mak hanesan Sr. Dr. Luis Tavares, hanesan Diretór Departamentu Agro-Pekuaria, FAGRI- UNTL no Sr. Graciano Soares Gomes,Ph.D hanesan Vise Dekanu Asuntu Peskiza no Kooperasaun (Eis Vise Dekanu asuntu administrasaun no Finansa ba periúdu II nian)
Diretór ESAZ, Sr. Gaspar Ferreira Vicente, M.Sc iha nia diskursu hateten katak semináriu ne’ebé realiza ne’e ho objetivu atu atualiza no hasa’e koñesimentu no abilidade ba melloramentu kapasidade dosentes no estudante sira.
“Espera katak partisipante sira hotu bele utiliza oportunidade ne’e hodi partisipa ho di’ak, nunee bele aproveita matéria sira ne’ebé mak ita nia oradór sira fo mai ita.”dehan Diretór ESAZ.
Iha fatin hanesan Magnífiku Prezidente IPB, Sr. Acacio Cardoso Amaral, Ph.D iha nia diskursu esplika katak liu hosi semináriu ne’e nu’udar meius ida atu hasa’e no kapasitasaun no presiza hamutuk ho hanoin ida deit hodi bele hetan matenek no esperiénsia balun mak sei fahe hosi oradór sira.
“Hau fiar katak, oradór sira sei fahe sira na matenek no esperiensia sira mak iha, liu-liu iha parte kriasaun karau no fahi ne’ebé sustentavel hodi prepara-an ba futuru”, Haktuir Prezidente.
Ikus liu hanesan Presidente IPB, hakarak hato’o agradesementu ba oradór sira ne’ebé bele hakat to’o iha ami-nia fatin remota ida ne’e. Agradese mós ba estrutura Eskola Superior Agronomia i Zootéknika bele realiza duni eventu ida ne’e hodi prepara ita-nia estudante sira nia koñesimentu nunee ele halo mudansa ba sira nia moris iha futuru ne’ebé di’ak. Ikus ofisialmente loke semináriu ne’e.
Seminariu ne’e hetan partisipa hosi Primeiru Vise Prezidente Sr. Cipriano Tilman, M.PA, Segundu Vise Prezidente IPB, Sr. Amancio Horacio, Diretór Nasionál Administrasaun Akadémika no IT (DNAAEIT), Sr. Pedro de Deus, M.Si, Diretor Eskola Superior Agronomia e Zootéknika (ESAZ), Sr. Gaspar Vicente Ferreira, M.Sc, Diretór Eskola Superior Enjeñaria(ESE), Sr. Fernando Fernandes, M.Eng, Kordenadór Kursu Produsaun Animal Sr. Celestino T. Mali, M.Ec.Dev, Kordenadór Kursu Konstrusaun Sivil Sr. Afranio G. Freitas, ST, MT, Dosentes hosi Kursu Produsaun Animal, Staf administrasaun hosi ESAZ-KPA no estudante hotu hosi kursu KPA sira.
Media IPB: Elisio
Foto : Elisio
Betano, 17 Maiu 2022
Institutu Politékniku Betano nia estrutura tomak hala’o sorumutu ho ekipa monitorizasaun hosi Diresaun Nasionál Ensinu Superiór Tékniku (DNEST) kona-bá prestasaun servisu iha sala enkontru IPB.
Objetivu hosi monitorizasaun ida ne’e hodi hare’e diretamente ba lalaok servisu ba aspetu hotu iha IPB hanesan prestasaun servisu, planu estratéjiku, utilizasaun veíkulu no prosesu ensinu aprendizajen mak sirkula iha IPB ne’e rasik.
Iha monitorizasaun ne’e, hala’o sorumutu ho diresaun hotu-hotu mak eziste iha Institutu Politékniku Betano. Hosi monitorizasaun refere hala’o ba komponente hotu hanesan Estrutura, Dosentes, Funsionárius no Estudante sira mak hamahon aan iha IPB.
Monitorizasaun hala’o durante loron rua, hahú husi loron 16 – 17 fulan Maiu tinan 2022.
Mídia IPB
Betano, 13 Maiu 2022
Institutu Politékniku Betanu, iha loron sexta, 13 Maiu 2022 hetan vizita hosi ekipa ACIAR (The Australian Center for International Agriculture Research) hodi hala’o sorumutu ho Primeiru vise Prezidente, Sr. Cipriano Tillman, Director ESAZ, Sr. Gaspar F. Vicente, Diretor DNAF, Sr. Domingos Faria no Coordenador PA Sr. Celestino G.Mali, kona-bá atividade ensinu aprendizajen iha resintu IPB.
Sorumutu ne’e kompostu hosi Australia ema nain 2(Sr Dr. Geoffry Fordyce no Dr. Luis Prada e Silva, Universidade Mataram (UNRAM) Indonesia Sr. Prof.Dr.Dahlanuddin no Prof.Dr. Yusuf. Hosi Ministériu Agricultura no Peskas (MAP) sr. Carlos Antunes Amaral, director DNP. no sra. Adelia hanesan Admin ACIAR no mos inklui estudante S3 nain 1(Sr.Latino coimbra).
Atividade vizita ekipa mak hanesan halo introdusaun no halo diskusaun kona-bá atividade ensinu aprendizajen, atividade ACIAR relasaun ho atividade peskiza nomos sujere atu kria koperasaun direta ho ACIAR no UNRAM.
Alende ne’e, ekipa ACIAR tun direta hodi vizita atividade pratika estudante hanesan kultivasaun ai-hán animal, tós ai-han animal, karau luhan, kriasaun Karau, fahi no bibi. Iha sorin seluk observa mós biblioteka.
Depois vizita, ekipa refere apresia ho progresu dezenvolvimentu ensinu aprendizajen iha IPB. Ekipa sujere atu aselera MOU ho ACIAR no UNRAM iha futuru hodi fortifika liu-tán iha area peskiza.
Mídia IPB
Betanu, 12 Maiu 2022
Institutu Politékniku Betano anúnsiu rezultadu prova eskrita vagatura dosente no bazeia ba komisaun funsaun públika, tuir forma Dekretu Lei no. 34/2018. 27 loron Agostu, ho alterasaun hosi Dekretu Lei no. 22/2011, loron 8 junho, kona-bá rejime konkursu, rekrutamentu, selesaun, nomeasaun no promosaun pessoal iha administrasaun públika.
REZULTADU PROVA ESKRITA BA KANDIDATU/A NE’EBÉ HETAN KLASIFIKASAUN NO LA HETAN KLASIFIKASAUN TUIR NU. REF. KONKURSU MAK HANESAN;
Bele Download Pdf iha link hodi hare kandidatu ne’ebe hetan klasifikasaun no la hetan klasifikasaun
BA KANDIDATU/A NE’EBÉ HETAN KLASIFIKASAUN TUIR NU. REF. KONKURSU MAK HANESAN:
TAMBA NE’E BA KANDIDATU/A SIRA NE’EBÉ MAK PASA HODI MAI TUIR ENTREVISTA IHA:
Loron : Segunda, 30 fulan Maiu tinan 2022
Fatin : Komisaun Funsaun Públika(Siglá Portugéz, CFP) Matadouru.
Oras : 09:00 dader OTL.
Ba Kandidatu sira ne’ebé maka la pasa iha prova eskrita ami agradese tamba bele konkore ona ba vagatura dosente IPB nian.
Obrigadu wa’in!
Betano, 06 Maiu 2022
Institutu Politékniku Betanu(IPB) nia estrutura, funsionáriu, Dosente no estudante sira ohin simu vasina P.Fizer hosi Servisu Munisipal Saúde Manufahi. Atividade vasinasaun ne’e halao iha sala Laboratóriu IPB betano.
Relasiona ho programa ne’e hosi Ministériu Saúde katak atu halo prevensaun ba COVID-19, tamba ne’e servisu Munisipal Saúde Manufahi nafatin implementa iha Munisípiu Manufahi laran tomak.
Média IPB
