Betano, 21 Maiu 2024 – Institutu Politékniku Betanu (IPB) liuhosi Prezidente juri ba avaliasaun, fó hatene ba públiku katak, bazeia ba rezultadu avaliasaun dokumentus Solisitasaun ba Kuotasaun (SBK) ne’ebé hato’o hosi ekipa juri.
Rezultadu ba kompania/vendor manan na’in bele download anúnsiu SBK iha link ne’e:
Betano, 14 Maiu 2024 – Instituto Politékniku Betano (IPB) nia tékniku husi Diresaun Nasional, Administrasaun Akadémika, Estundantil no IT (DNAAEIT) hamutuk ho Ekipa tékniku husi Diresaun Nasional Siénsia no Teknolojia (DNCT, Sigla Portugéz), hodi rekolla dadus estudante no Dosentes IPB hodi intrega ba Sistema Jestaun, Dadus Ensinu Superior Timor-Leste (SGDES-TL, siglá Portugéz,). Atividade ne’e, hala’o iha sala laboratoriu IT.
Atividade ne’ebé realiza husi loron Tersa 14 maiu 2024 to’o kinta, 16 maiu 2024, objetivu maka atu rekolla dadus IPB hodi atualiza dadus ba Instituisaun Ensinu Supérior sira iha territóriu nasional Timor-Leste nian hodi garantia serbisu akadémika ho efisiensia no efikasia. Partisipa iha atividade ne’e hanesan Diretor DNAAEIT, Sr. Pedro de Deus, M.Si, funsionariu administrasaun akademika no ekipa tékniku DNCT. Media IPB
Betano, 07 Maiu 2024 – Institutu Politékniku Betano(IPB) nia primeiru vise prezidente IPB, diretor Finansas, diretor eskola superior no kordenador kursu partisipa iha aprezentasaun sistema Rekursus Umanus husi Departementu Enjeñaria Informática, Fakuldade Enjeñaria Siénsia no Teknolójia, Universidade Nasionál Timor Lorosa’e, (DEI-FEST-UNTL) liu husi ‘zoom meeting’.
Ekipa DEI-FEST aprezenta demonstrasaun sistema Rekursu Umanus ne’ebe iha faze dezenvolve sistema refere. Iha aprezentasaun nee rasik entre IPB ho DEI halo diskusaun ba dadus hotu neebe mak eziste iha IPB atu integra ba sistema nee rasik no oinsá atu halo jestaun ba servisu rekursus umanus nian, liu-liu ba dadus pessoal hanesan Funsionáriu administrasaun no dosentes. Média IPB
Institutu Politékniku Betanu (IPB) kontínua hasa’e bandeira kada fulan ba semana dahuluk, ohin segunda (06/05/2024) responsavél hasa’e bandeira no koru hosi Estudante Eskola Superior Engenharia (ESE), Kursu Konstrusaun Sivil iha resintu IPB Betano.
Primeiru vise prezidente IPB Sr. Cipriano Tilman, M.PA, sai hanesan inspetór hasa’e bandeira reprezenta Magnífiku Prezidente IPB, Prof. Assoc. Adj. sr, Acacio Cardoso Amaral, Ph.D, hakarak fó parabéns bá ekipa isar bandeira, tamba ezekuta servisu ho di’ak, kada fulan ita hasa’e bandeira dala ida, hodi fó onra ba erói Nasional sira liuhosi hasa’e bandeira tenki hatudu vontade di’ak, disiplina ba tempu.
Iha serimónia hasa’e bandeira ne’e, Primeira vise prezidente informa ba estrutura IPB, korpu dosentes, administrasaun pesoal fo hanoin deit katak disiplina oras, presiza kumpri regulamentu. Aproveita tempu ida ne’e, atu fó hatene ba ita boot sira katak sexta-sexta limpeza husu ba ita hotu Dosente, Funsionario no Estudante sira fo netik kontribuisaun hodi halo limpeza ba areadores IPB ida ne’e.
Vise Prezidente Akresenta, iha sexta kotuk ita hetan konvite ida hosi parlamentu atu fo apresiasaun ba lei bázika ministerial maibé sei hein semana ida ne’e ou semana oin ita sei tun hodi fo apresiasaun ba lei baze ministral hodi nune’e hodi hetan aprovasaun hosi parlamentu hodi hato’o ba Prezidente da Republika. Husu nafatin ba eskola superior rua atu aselera ita bo’ot sira nia sár ne’ebé maka serbisu durante ne’e, tamba iha tempu badak ANAAA atu mai avalia ba kursu rua iha IPB.
Partisipa iha serimónia hasa’e bandeira ne’e mak hanesan Inspetór Jeral Sr.Roberto Magno Diretór DNAAEIT Sr. Pedro de Deus M.Si, Diretór DNA Sr.Veriato Rafael Mendonça, L,Ec, Kordenador kursu Konstrusaun Sivil (KKS) no kordenador Kursu Produsaun Animal (KPA), Xefe Departamentu sira, Staff Administrasaun, Dosentes no estudante IPB hosi kursu rua (2). Media IPB
Betano, 02 Maio 2024 – Institutu Politekniku Betanu (IPB) liu hosi Eskola Superior Engeñaria (ESE) realiza semináriu bá Estudante Kursu Konstrusaun Sivil ho nia tema jeral “Desenvolver as habilidades dos estudantes Finalistas em ciência e Tecnologia” Iha semináriu refere aprezenta hosi estudante finalista hamutuk na’in-8. Formasaun ne’e hala’o iha salaun IPB, kinta ne’e, 02/05/ 2024.
Koordenador CC, Sr. Aquino Vilde Acacio da Cruz, L.Eng.Civil. hato’o benvindu ba estudante hosi IBTL, STV ho mestre sira hotu objetivu hosi semináriu ne’e atu hasa’e koiñesimentu no abilidade estudante sira iha kursu Konstrusaun Sivil area Enjeñaria. Seminario ida ne’e aprezenta hosi estudante finalista sira ho nia objetivu atu apresenta saida mak sira hakerek iha sira nia trabalho final do kursu bele koresponde ba metas ne’ebé mak kursu iha hahu ohin no ba future.
Diretór ESE, Sr. Alexandre Marques, L.Eng.Civ,M.Tr.T. hakarak hato’o apresiasaun ba engenharia ba coordenador kursu konstrusaun Civil no Coordenador Labotarorium konstrusaun Civil, no mos ba Dosente sira hotu, atu dehan de’it katak ida ne’e hanesan faze primeiro ba alin estudante finalista sira atu aprezenta.
Iha fatin hanesan Prezidente IPB Prof. Acacio Cardoso Amaral, Ph.D salienta katak estudante la’os ba futuru de’it maibé ba prezente mos ita tenke promove sira nia kresimentu, dezenvolvimentu ba sira nia karakter no talenta ne’ebé potensial. Eventu ida ne’e maka ita komesa atu enkoraja ita nia estudante sira atu iha pensamentu kritíku oinsa bele buka solusaun ba problema, ita bele hamosu biban ba sira atu kria kretividade no tenta hamosu karakter ne’ebé importante hadomi no aprende. Alende ne’e kontinua mós abertura ba semináriu refere.
Partisipa iha semináriu ne’e kompostu hosi IPB mak hanesan primeira vise prezidente IPB, Sr. Cipriano Tilman, M.PA, Diretór DNAAEIT Sr. Pedro de Deus, M.Si, Diretór EZAS (Eskola Superior Agronomia e Zootéknika) Sr. Abilio Dos Santos, Koordenador KPA (Kursu Produsaun Animal), Korpus dosente no Estudante hotu hosi Kursu Konstrusaun Sivil, estudante hosi IBTL no mos estudante hosi STV. Media IPB
Betano, 29 Abril 2024 – Institutu Politékniku Betano(IPB) nia estrutura no funsionáriu administrasaun partisipa iha formasaun kona-bá Espesializada area planeamentu no orsamentu ne’ebé fo formasaun hosi ekipa Ministériu Finansas – Diresaun Jerál Planeamentu no Orsamentu (MF-DJPO), durante loron rua (2), formasaun ne’e hahu iha loron 29 to’o 30 fulan Abril 2024 iha sala laboratóriu Komputador IT-IPB.
Objetivu maka atu fahe informasaun no haforsa koñesimentu kona-bá elaborasaun atividade iha planu asaun annual iha ambitu Orsamentu Jeral Estadu (OJE) ba tinan fiskál 2025 foka liu faze planeamentu iha nivel atividade no faze orsamentu iha nivel atividade. Media IPB
Betano, 23 Abril 2024 – Instituto politékniku Betano (IPB) nia estrutura sira partisipa iha sosialiasaun kona-bá Lei No.3/2022, Kurikulu Padraun Nasionál Timor-Leste ne’ebé aprezenta hosi Ekipa Diresaun Nasional Kurrikulu Ensinu Superior (DNKES)-Ministeriu Ensinu Superior, Siensia I Kultura (siglá portugéz, MESCC) -. Enkontru ne’e hala’o iha sala laboratorium ESAZ (IPB).
Magnifiku Prezidente IPB, Prof. Acacio Cardoso Amaral Ph.D koa’lia kona bá Kurikulum Padraun Nasional, tuir dekretu Lei Nú3/2022, 12 de janeiru iha ne’ebá hatur buat lubuk ida universidade Pribadu ho Publiku tenki hakruk no implementa hanoin, Monitorizasaun ne’e importante ho monitorizasaun ne’e obriga ami para ami tenki kumpri, los duni imi mak tenki fiskaliza no hare tuir buat ne’e, la’o dunik ka lae se lae ita produs Lei barak-barak maibe implementasaun laiha.
“Hanoin mos katak ho prezensa iha ne’e ami halo ona balu los no balu lalos tamba saida de’it mak ita halo, nia objetivu ida de’it halo buat ne’ebe di’ak no kualidade ba ensinu superior no IPB hanesan parte ida ba Instituisaun barak iha Timor”. Dehan Sr. Magnífiku prezidente IPB.
Moises da Silva hanesan diretór Nasional Kurrikulu hateten katak sosializasaun ne’e nia objetivu importante tebes-tebes atu garante prosesu dezenvolvimentu iha setór sira ne’ebé mak tuir ita nia vizaun, tuir ita nia Responsabilidade ne’ebé ita presiza atu halo kontribuisaun ba Dezenvolvementu Nasional.
Partisipa mak hanesan Primeira vise Prezidente IPB Sr. Cipriano Tilman, M.PA, Diretór DNAAEIT Sr. Pedro de Deus, M.Si. ho Dosente husi kursu Produsaun Animal no Konstrusaun Sivil, Diretór Nasional Ensinu Sueperior Kurikulum ho nia ekipa. Media IPB
Betano, 18 Abril 2024 – Institutu Politékniku Betanu (IPB) liuhosi Prezidente juri ba avaliasaun, fó hatene ba públiku katak, bazeia ba rezultadu avaliasaun dokumentus Solisitasauan ba Kuotasaun (SBK) ne’ebé hato’o hosi ekipa juri. Rezultadu ba kompania/vendor manan na’in bele download dokumentus pdf iha link ne’e.
