Elisio Ximenes

Betano, 25 Setembru 2023 – Instituto Politékniku Betano (IPB) nia korpu dosente na’in-16 IPB sira hetan monitorizasaun hosi ekipa Sentru Formasaun Akadémika (Siglá portuguez, CFP) ba formandu dosente IPB. Monitorizasaun ne’e halao iha IPB Betano.

Iha faze monitorizasaun ne’e hosi Formadór ba formandu sira relasiona ho ho sira nia traballu nebe nuudar rekejitus ba avaliasaun kompetensia relasiona ho hanorin iha aula.

Atividade ne’e halao durante semana ida hahu iha loron, 25 Setembru to 29 Setembru 2023.

Media IPB

Betano, 25 Setembru 2023 – Instituto Politékniku Betano (IPB) nia Diretór DNAAEI, Sr. Pedro de Deus, M.Si hamutuk ho diretór DNAF, Sr. Domingos Faria no diretór ESAZ, Sr. Gaspar Ferreira hodi hala’o sorumutu ho ekipa ACIAR iha sala gabinete prezidente IPB.

Iha sorumutu ne’e, koalia kona-bá peskiza no ekipa ACIAR rasik sei hala’o peskiza iha Munisípiu Manufahi no peskizador sira ne’e hosi Universidade Charles Darwin no Politani Kupang.

Média IPB

Betano, 20 Setembru 2023 – Institutu Politékniku Betano (IPB) nia diretór ESE, Sr. Fernando da Costa Fernando M.Eng hamutuk ho ekipa Inspetória Jerál – Ministériu Ensinu Superiór Siénsia no Kultura (IJ-MESSK) tun direta hodi observa ba projetu konstrusaun IPB iha otorita Betano.

Objetivu hosi monitorizasaun ne’e atu haree direta progresu projetu konstrusaun no oinsá atu hatene mos dezafiu ruma ne’ebé mk durante ne’e enfrenta iha terenu. Nune’e ohin ba direta duni iha fatin konstrusaun hodi observa direta ona ba fatin refere.

Media IPB

Uma-Berloik, 15 Setembru 2023 – Institutu Politékniku Betano (IPB) liu hosi koordenador Kursu Produsaun Animal hala’o surumutuk ho Xefi aldeia Kuluhun hodi entrega fahi rasa tolu ba grupu DESAGRAT iha Aldeia Kuluhun, suku Uma-Berloik, Posto Alas, Sesta feira 15/09/2023.

Objetivu hosi surumutuk ne’e atu kria kooperasaun entre parte rua hodi habelar no hakiak fahi rasa iha komundade.

Partisipa iha sorumutu refere mak hanesan Diretor Nasional Administrasaun no Finansa Sr.Dominggos Faria, Kordenador Kursu Produsaun Animal Sr. Celestino G.Talo Mali, Xefi Grupu Sr. Aluzio dos Santos Abreu, Xefe Aldeia Kuluhun, Korpus Dosente, estudante Estajiadu Kursu Produsaun Animal.

Média IPB

Betano, 09 Agostu 2023 – Institutu Politékniku Betano(IPB) nia Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D ho nia estrutura hamutuk ho Ministériu Finansas – Diresaun Jeral Jestaun Patrimómiu Estadu (MF-DJJPE), diretór jeral – DJJPE Sr. Januario da Gama ho nia ekipa sira abertura formasaun jestaun Patrimóniu durante loron tolu (3), formasaun ne’e hahu iha loron 09 to’o 11 fulan Agostu 2023 iha sala laboratóriu ESAZ.

Magnífiku prezidente IPB hateten katak ho formasaun ida ne’e importante ba funsionáriu tomak ne’ebé haknaar an serbisu iha IPB liliu iha funsionáriu logistik. objetivu ida hadia diakliu tan jestaun patrimonia estadu nian hodi fasilita serbisu hodi serbi ba nasaun ida ne’e. tamba ne’e agradese tebes ba Sr. DJJPE ho nia ekipa nia prezensa mai iha IPB. Alende ne’e abertura formasaun direta hosi Magnífiku prezidente IPB A/Prof. Acacio

“Aproveita oportunidade ida ne’e bele dezenvolve koiñesementu iha jestaun patrimóniu estadu nian nune’e hodi hadia patrimóniu estadu nian ho di’ak no uza ho responsabilidade”. Haktuir Sr. Prezidente IPB.

Iha fatin hanesan, Sr. Januario de Gama hanesan diretór jeral Patrimóniu dehan katak onra bot ida hodi reprezenta Ministériu Finansas mai hamutuk ho ita bo’ot sira hodi aprezenta kona-bá jestaun politika patrimóniu estadu nian.

“Formasaun durante loron 3 ne’e espetivamente sei halo esplikasaun ba ita bot sira akompaña intendimentu di’ak ba prosedimentu ne’ebé iha tamba ne’e agradese tebes ba estrutura IPB fo oportunidade ida ne’e atu ekipa DJJPE halo diskusaun produtivu ba jestaun kontrolu patrimóniu nian”. Tenik Diretór jeral DJJPE.

Reforsa tan katak, Materia ba aprezentasaun formasaun refere kompostu hosi siklu hat (4) mak hanesan Jestaun Inventariu, Jestaun Identifikasaun no rejistrasaun patrimóniu , jestaun viatura estadu no jestaun alineas bens moveis. Nune’e kontinua kedas ho formasaun ba loron dahuluk nian.

Partisipa iha abertura formasaun nee hosi IPB mak hanesan, Primeiru Vise Prezidente IPB, Sr. Cipriano Tilman, MPA, Segundu Vise Prezidente IPB, Sr. Amancio Horacio, Diretores IPB, Xefe departementu IPB, kordenadór kursu, dosentes, funsionáriu administrasaun no Diretora- DNIJBM no Xefe departementu DJJPE.

Média IPB

Betano, loron 08, fulan Agostu 2023 (IPB) – Institutu Politékniku Betano hetan vizita hosi Sua Excia Ministru Ensinu Superior Siénsia i Kultura (Siglá Portugéz, MESCC) Sr. José Honorio no Sua Excia Ministru Obras Públika (MOP) Sr. Samuel Marçal, hala’o sorumutu ho estrutura IPB koalia kona-ba projetu konstrusaun foun IPB.

Iha sorumutu ne’e Magnífiku Prezidente IPB, A/Prof. Acacio Cardoso Amaral, Ph.D dahuluk agradese ba 90 guvernu sua exelênsia Ministru MESCC, Ministru MOP, Prezidente EDTL, Diretór jeral ADN, Diretor Jeral Planeamentu no Finansa (MESCC) ho ekipa sira nia prezensa mai vizita direta iha IPB.

haktuir hosi Prezidente IPB katak aproveita ho tempu ida ne’e, husu apoiu nafatin ba exelénsia sira tau matan nafatin ba planu ne’ebé maka iha ona, tuir duni planu estratéjiku dezenvolvimentu nasional 2011-2030 ne’ebé mak konstrui ona hanesan IPB. Hosi sorin seluk prezidente IPB esplika mós kona-bá estabelesimentu ezisténsia IPB ba sua exelénsia ho nia ekipa sira.

Iha fatin hanesan, Ministru Obras Públika (MOP) Sr. Samuel Marçal hateten katak objetivu mai vizita iha IPB hodi rona informasaun sira hosi estrutura IPB, saida maka IPB presiza hodi nun’e ami bele hato’o ba iha nivel altu hodi buka solusaun hamutuk.

Reforsa tan katak “Hau ho Sr. Ministru Ensinu Superior foin simu kna’ar ida ne’e iha 90 governu foin mak fulan rua nia laran. Iha loron 120 ne’e ami nia konsentrasaun ba de’it mak planu sira hanesan hadia lei organika sira, orsamentu ratifikativu no programa sira seluk ba tinan-5 nian hodi hetan aprovasaun iha Parlamentu, balun passa ona no balun seidauk”. Dehan Sr. Ministru Obras Públika.

Iha sorin seluk, Ministru Ensinu Superior salienta katak hanesan membru governu foun hahú ona planu programa no lei organiku sira mak pasa ona iha Parlamentu. Teni tan katak iha programa ba tinan 5 nian, propoin IPB nia projetu ba faze daruak kontinua iha tinan 2024 no sei aprezenta mos lei bázika ministerial Ensinu Superior iha Konsellu ministru hodi bele hetan aprovasaun hosi Parlamentu. Ikus hakarak agradese ba estrutura IPB tomak ne’ebé mak simu ami ho di’ak. Sorumutu ne’e hala’o iha sala Gabinete Prezidente IPB, tersa ohin, (08/08/2023).

Partisipante sira iha sorumutu ne’e mak hanesan primeiru Vise Prezidente IPB, sr. Cipriano Tilman, M.PA segundu Vise Prezidente IPB, sr. Amancio Horacio, Koordenador kursu produsaun animal, Prezidente EDTL, Diretór jeral ADN, Diretor Jeral finansas MESCC, koordenadora UPPC-MESCC ho nia enjiñeiru no funsionáriu IPB

.

Hafoin bá monitoriza projetu konstrusaun foun IPB, hodi hatene rezultadu servisu kompañia

CICO ba konstrusaun refere.

Média IPB.

(Betano, 08 Agostu 2023) – Instituto Politékniku betano(IPB) nia estrutura IPB akompañia sua exelénsia Ministru Ensinu Superior, Ministru Obras Publika (MOP), Prezidente EDTL, Diretór Jeral ADN hamutuk ho ekipa UPPC-MESSC, Diretór Jeral Finansas MESSC hodi observa direta ba progresu projetu konstrusaun faze dahuluk hodi halo monitorizasaun ba lalaok Konstrusaun nomos serbisu kompañia konstrutora IPB nian iha Betano.(30-5-2023).

Média IPB

Betano, 04 Agostu 2023 – Institutu Politékniku Betano nia Vise prezidente IPB sr. Cipriano Tilman, M.PA ne’ebé mak reprezenta Magnífiku Prezidente IPB Sr. Acacio Cardoso Amaral, Ph.D ho nia estrutura sira hamutuk ho Formadór Sentru Formasaun Polisia Akadémika sira hodi ensera atividade formasaun pedagójia ba dosente IPB nian ne’ebé maka durante ne’e tuir formasaun refere durante semana-rua (2) iha resintu IPB.

Média IPB

Betano, 04 Agostu 2023

Institutu Politékniku Betano nia funsionáriu administrasaun sira partisipa iha formasaun protokolu no MC(Master of Ceremony) ba funsionáriu administrasaun IPB durante loron -2 iha resintu IPB.

Média IPB