Betano, 24 Marsu 2022
Institutu Politékniku Betano liuhosi Diresaun Nasionál Aprovizionamentu fó hatene ba públiku katak anúnsiu rezultadu ba kompañia ne’ebé mak menan na’in ba iha konkursu refere.
Bele download anúnsiu rezultadu kompletu RFQ iha ne’e:
Midia IPB
Betanu, 23 Marsu 2022Institutu Politékniku Betano liuhosi Diresaun Nasionál Aprovizionamentu (DNA) loke konkursu públiku foun no konvida vendor/supplier sira ne’ebé iha interese sosa dokumentus, sei fó preoridade iha dezempeñu servisu a’as no iha kualidade di’ak.
Bele download kompletu RFQ anexu iha file pdf.
Midia IPB
Betano, 23 Marsu 2022
Instituto Politékniku Betano (IPB) liu hosi Gabinete Segundu Vise Prezidente IPB – Asuntu Administrasaun no Jestaun Sr. Amancio Horacio ne’ebé reprezenta hosi Magnifíku Prezidente IPB hodi partisipa seminár kona-bá Impaktu Mudansa Klimátika ba Rekursu Be’e iha Munisípiu manufahi no seminár ida ne’e hetan apou fundus másimu hosi WaterAid. Seminár ne’e hala’o iha salaun Quesadhip (RUAK) Novel da Paz Merkadu Antigu.
Objetivu hosi seminár ne’e hodi tau hamutuk hanoin no partilla informasaun ba malu atu halo antisipasaun antes ba akontese situasaun hirak tuir mai ne’e. Tamba ne’e bazeia dadus Nasionál Timor Leste atinji ona porsentu 88% ba komunidade sira asesu ona ba bee no saneamentu atinji ona ba porsentu 61% iha Timor Leste.
Iha munisípiu Manufahi iha tinan 2021, kobertura bee atinji ona ba 83% no saneamentu 100% haktuir deklarasaun area la soe fo’er ot arbiru iha tinan outubru 2019 iha munisípiu Manufahi, atu asegura nia sustentabilidade ba rekursu bee hodi fasilita kmunidade sira atu asesu iha tempu bailoron naruk no tempu udan.
Partisipa iha seminár mak hanesan Segundu Vise Prezidente IPB – Asuntu Administrasaun no Jestaun Sr. Amancio Horacio, Staff DNAAEIT no partisipantes sira hotu.
Mídia IPB : Elisio
Foto : Jernito
Betano, 22 Marsu 2022
Instituto Politékniku Betano (IPB) liu hosi Gabinete Primeiru Vise Prezidente IPB – Asuntu Tékniku Pedagojika no Akadémiku ne’ebé servisu hamutuk ho komisaun organizadora orientasaun akademika tinan 2022 konvida administradór munisípiu Manufahi Arantes Isaac Sarmentu sai hanesan oradór hodi fo palestra ba estudante sira iha orientasaun akadémika IPB. Atividade ne’e hala’o iha resintu IPB.
Materia ne’ebé mak Administradór Munisípiu hato’o kona-bá “Papel Administrasaun Munisípiu iha Polítika Dezentralizasaun tuir dekretu lei Nu. 3 iha Munisípiu Manufahi” ba estudante foun sira hamutuk nai’n 142 tinan akadémiku 2022.
Iha palestra ne’e rasik estudante sira hato’o sira nia preokupasaun liliu kona-bá tarífa transporte públiku Same – Dili folin sa’e no estudante IPB maioria la tuir votasaun iha eleisaun prezidensiál
Hatan ba preokupasaun sira ne’e administradór Munisípiu Manufahi Arantes deklara katak sei halo kordenasaun ho Ministériu Transporte no Telekomunikasaun atu hare ba asuntu ne’e, tamba agora dadaun diresaun mikrolet Holarua-merkadu Same la halo ona operasaun, tamba kombustível folin sa’e no pasajeiru selu ho tarifa tuan la tuir fólin.
Mídia IPB: Elisio
Foto: Elisio
Betano, 22 Marsu 2022
Instituto Politékniku Betano (IPB) liu hosi Gabinete Primeiru Vise Prezidente ba Asuntu Tékniku Pedagojika no Akadémiku servisu hamutuk ho komisaun organizadora orientasaun tinan akadémika 2022 realiza serimónia orientasaun Akadémika ba estudante foun ho tema mak hanesan “Ho Atividade Akadémiku tinan 2022 bele Dezenvolve Koñesimentu Estudante Foun Sira iha Ámbitu Akadémika Nivél Ensinu Superior”. Atividade orientasaun ne’e hala’o iha kampus IPB Betano.
Totál estudante ne’ebé mak partisipa orientasaun hamutuk na’in 160 no total estudante foun hamutuk na’in 142 no estudante tuan hamutuk na’in 18. Hosi Eskola Superior Enjeñaria hamutuk estudante na’in 67 kompostu hosi estudante foun na’in 59 no estudante tuan na’in 8 no Eskola Superior Agronomia i Zootéknika hamutuk na’in 93 kompostu hosi estudante foun na’in 83 no estudante tuan na’in 10.
Sr. Cipriano Tilman, M.PA hanesan Primeiru Vise Prezidente IPB ne’ebé reprezenta hosi Magnífiku Prezidente IPB hodi halao abertura ba atividade orientasaun akadémika ne’e. Nia salienta katak ho laran luak agradese ba estudante foun sira ho laran luak mai iha Institutu ida ne’e hanesan pasu pozitivu ida ba ita bot sira bainhira hotu iha diploma DII maka seidauk bele konsege ho lisensiatura, bainhira loke lisensiatura oportunidade dia’k ba ita bot sira hodi kontinua estudu iha institutu ne’e.
“Husu ba estudante sira labele laran taridu, Institutu IPB hari iha 2017 até ohin loron ita hetan autonomia rasik iha 2021 katak institutu ne’e hamrik mesak no hahu restaurasaun Indepedénsia to’o ohin loron ita nia governu foin maka hari Institutu públiku ida ne’e mesak. Bainhira Institutu ida ne’e kuandu mellora di’ak liután maka foin bele loke tan Turismu no Hotelaria iha Lautem, Enjeñaria iha Covalima, Pescas iha Manatuto no Agriklutura iha Manufahi. Tamba ne’e ba estudante sira labele laran taridu tamba Institutu ne’e iha dosentes Mestradu lubuk ida no lisensiatura hodi didika sira nia an hodi mai hamutuk iha institutu ne’e hodi kapasita alin sira nia koñesimentu para aban bainrua hadia imi nia futuru. Dehan Sr. Cipriano.
Alende ne’e, Diretór DNAAEIT (Diresaun Nasional Administrasaun Akadémika no IT) Sr. Pedro Deus, M.Si hateten katak ho orientasaun ne’e husu ba estudante foun nu’udar faze inisiu hodi hatene kona-bá ambiente IPB hosi estudante foun sira durante orientasaun loron 5 nian. Iha ninia intervensaun katak ba Manufahi oan sira presiza aproveita didiak oportuniadde nu’udar uma nain hatudu prestasaun ho di’ak iha institute ne’e ba estudante seluk ne’ebé hosi Munisipiu 11 no RAEOA no halao knar hanesan estudante tuir tempu ne’ebé termina.
Iha fatin hanesan Prezidente Komisaun organizadora Sr. Aquino aprezenta relatóriu kona-bá preparasaun Orientasaun Akadémika tinan 2022 no orsamentu ba atividade refere ho total montante Dollar Ameikano Rihun Rua Atus Ha’at ($2.400) dolar amerikanu. Nu’udar prezidente komisaun organizadora hakarak hato’o agradese ba membru komisaun sira hotu ne’ebé kontribui maximu hodi prepara atividade orientasaun lao ho di’ak.
Atividade ne’e partisipa hosi Primeiru vise prezidenti IPB, Sr. Cipriano Tilman, M.PA, Segundu vise prezidenti IPB, Amancio Horacio, Diretór DNAAEIT (Diresaun Nasional Administrasaun Akadémika no IT) Sr. Pedro Deus, M.Si, Diretor DNAF Sr. Domingos Faria, Diretor ESE, Sr. Fernando Fernandes, Diretor ESAZ, Sr. Gaspar Vicente, Kordenador kursu ESE no ESAZ, Dosentes no estudante sira.
Mídia IPB : Elisio
Foto : Elisio
Betano, 15 Marsu 2022
Institutu Politékniku Betanu liuhosi Gabinete primeiru vise prezidente IPB ba Asuntu Tékniku Sientífiku, Pedagojka no Akadémiku realiza serimónia “Tomada de Posse” ba Prezidenti Asosiasaun Estudantíl ho ninia estrutura husi eskola superior Enjeñaria no eskola superior Agronomia no Zootéknika ne’ebé fó posé hosi Magnifíku Prezidente IPB. Serimónia ne’e realiza iha kampus IPB Betano, tersa ohin, 15/03/2022.
Magnfíku Prezidente IPB, Sr. Acacio Cardoso Amaral, Ph.D iha nia diskursu relata katak ohin loron kontenti ho prezensa prezidente asosiasaun estudantíl ho ninia estrutura tomak ne’ebé sei simu tomada de posse hodi hala’o sira ninia knaar tuir regulamentu mak hatur ona.
“Objectivu hosi organizasaun estudantíl AAEESAZ-IPB maka atu dezenvolve konsiénsia intelektuál, étika no moral estudante sira nia ne’ebé iha mós responsabilidade hodi hamosu komunidade akadémika ne’ebé sientífika no tau aas valor aprendidu, peskiza no servisu komunitáriu”. Dehan Prezidenti
Primeiru vise prezidenti IPB, Sr. Cipriano Tilman, M.PA relata katak momentu esensiál ida ne’e atu fó posé ba estrutura asosiasaun estudantíl sira signifika katak atu aumenta imi nia kapasidade iha asosiasaun tuir regulamentu ne’ebé iha hodi kumpri knaar ne’ebé ita bot sira atu asumi.
Iha fatin hanesan, Avelino Mendonça Ramos hanesan prezidente Asosiasaun Akadémika Estudantíl reálsa katak organizasaun estudante hanesan veíkulu ida ba estudante sira hodi promove sira nia kapasidade pesoal balun no hahalok sira nia matenek no integridade pesoal liga ba objetivu servisu ho karaktér edukasaun nian.
“Hau rekoñese hau nia an katak hau hetan fiar hosi estudantes IPB no sai hanesan prezidente eleitu AAE – IPB iha loron 03 – 02 – 2021. Durante mandatu ne’e hau rekoñese katak, seidauk halo buat ida iha IPB ba estudantes hotu hare, maibé hau sempre koalia kona-bá estudante sira nia preokupasaun iha enkontru”. Haktuir Avelino
“Hahu ba oin hau hakarak servisu hamutuk ho estudante no superior tomak IPB nian atu bele halo diak liu tan atividade AAE – IPB, hau hakarak planu sira ne’ebé ita koalia ona ita tenki halo ida ne’e laos loron koalia deit sei asaun”. Tenik Prezidente Asosiasaun Estundantíl
Serimónia ne’e partisipa hosi Magnfíku Prezidente IPB, Sr. Acacio Cardoso Amaral, Ph.D, Primeiru vise prezidenti IPB, Sr. Cipriano Tilman, M.PA, Segundu vise prezidenti IPB, Amancio Horacio, Diretor ESE, Sr. Fernando Fernandes, Diretor ESAZ, Sr. Gaspar Vicente, Kordenador kursu ESE no ESAZ, Dosentes no estudante sira.
Mídia IPB
Betano, 09 Marsu 2022
Institutu Politékniku Betanu liuhosi komisaun organizadora ba orientasaun akadémiku tinan 2022 hakarak informa ba estudante foun sira katak iha mudansa ba orariu orientasaun nian ne’ebé tuir planu anterior realiza iha loron 12 marsu tinan 2022 la konsege realiza tamba ita hotu hatene katak semana datoluk fulan ida ne’e sidadaun Timor oan atu ba partisipa iha eleisaun presidensial sei realiza iha loron sabadu, 19 marsu tinan 2022.
Informasaun kompletu bele donwload iha link ne’e:
Mídia IPB
Betano, 08 Marsu 2022
Institutu Politékniku Betanu liuhosi komisaun organizadora ba orientasaun akadémiku tinan 2022 hakarak informa ba estudante sira ne’ebé mak inskrisaun ona bele hare’e informasaun kompleta iha anexu.
Download iha link ne’e:
Mídia IPB
Betano, 7 Marsu 2022
Institutu Politékniku Betanu liuhosi Diresaun Nasional Administrasaun Akadémika, Estudantíl no IT (DNAAEIT) hala’o inskrisaun ba estudante sira ne’ebé mak rejistu ona tuir kriteria ne’ebé mak iha no rejistrasaun ne’e hala’o iha kampus IPB Betano. Inskrisaun ba estudante durante semana ida hahu iha segunda orseik, 07 Marsu to’o sexta, 11 Marsu 2022.
Mídia IPB
Betanu, 01 Marsu 2022
Institutu Politékniku Betano liuhosi Gabinete Primeiru vise Prezidente Asuntu Tékniku Sientífiku no Akadémiku halo pagamentu subsídiu eskolár ba estudante IPB tersa ohin, 01/03/2022 iha resintu IPB. Subsídiu ne’e halo pagamentu ba fulan tolu (3) nian.
Mídia IPB
