Betanu, 26 Agostu 2021 (IPB-KRXG)Institutu Politékniku Betanu (IPB), nia segundu Vise Prezidente señor Paulo da Silva, M.Eng, simu audiénsia hosi Ekipa Inspetória Komisaun Anti Korupsaun (siglá portugés, CAC) hodi diskuti kona-bá atividade aprendizajén ne’ebé relasiona ho dosente sira, iha sala gabinete presidénsia, kinta(26/08).
Objetivu hosi audiénsia ne’e, hodi diskuti kona-bá prosesu atividade aprendizajén servisu nian bá dosente kontratadu, destakadu no permanente hodi justifíka informasaun ne’ebé ho lolós, nune’e mós bá servisu administrasaun nian hanesan subsídiu akadémika.
Iha konkluzaun ikus katak hosi parte ekipa inspetória CAC agradese ba estrututura IPB ne’ebé fahe ona informasaun ho detallu, liuhosi komunikasaun ne’ebé lós ou lalós, maibé presiza dokumentus mak sai hanesan evidénsia forte ne’ebé ligadu ho asuntu sira ne’e.
Partisipa iha sorumutu refere mak hanesan Diretór DNAF, señor Amancio Horacio, Diretór DNA, señor Marito Soares, Diretor Eskola Superiór Enjeñaria , señor Fernando Fernandes, Diretór Eskola Superiór Agronomia no Zooteknika señor Pedro de Deus no Diretór Ezekutivu CAC ho ninia ekipa tomak.
Dili, 01 Setembru 2021 (IPB-KRXG)Institutu Politékniku Betano nia estrutura partisipa iha aprezentasaun kona-bá Sistema Informasaun Akadémika (SIA) hosi Departementu Enjeñaria Informática, Fakuldade Enjeñaria Siénsia no Teknolójia, Universidade Nasionál Timor Lorosa’e, (DEI-FEST-UNTL) iha resintu kampus Enjeñaria Hera, (01/09).
Iha aprezentasaun ne’e, Ekipa DEI-FEST aprezenta demonstrasaun sistema SIA-FEST mak hanesan, oinsá atu halo sistema jestaun ba servisu Akadémika nian, liu-liu ba dadus informasaun hanesan Funsionáriu, Dosente, Estudante no seluk-seluk tan.
Iha fatin hanesan, hosi parte IPB kongratula ba Ekipa DEI-FEST ne’ebé mak hato’o ona iha aprezentasaun sistema SIA-FEST ne’e, interesante tebes ba IPB atu nune’e hodi implementa sistema refere. IPB nia esperansa ba DEI-FEST nafatin kopera hamutuk hodi apoiu sistema informasaun Dijitál hodi implementa ba IPB nia di’ak i ba futuru.
Partisipa iha aprezentasaun refere mak hanesan Prezidente IPB Acácio Cardoso Amaral, Ph.D, Vise Prezidente Paulo da Silva, M.Eng, Diretór DNAF Amancio Horacio, Diretór DNA Marito Soares, IT IPB, Diretór Vosco Pereira, DEI-FEST ho nia ekipa tomak.
Betano, 17 Setembru 2021 (IPB) – Institutu Politékniku Betano liu hosi Eskola Superiór Enjeñaria, Kursu Konstrusaun Sivil (ESE-KKS) realiza serimónia Judisium ba daruak nian ho totál estudante sira hamutuk na’in tolunulu resin-lima (35) no serimónia ne’e hala’o iha resintu IPB Manufahi, ohin (17/09).
Señor Afraino Marcal G. Freitas hanesan kordenadór Kursu Konstrusaun Sivil hateten katak ohin realiza serimónia judisium hanesan tempu ne’ebé importante tebes ba judisiarius sira, matenek ne’ebé mak ita bo’ot sira hetan iha kursu ne’e tenki hatudu no implementa iha sosiedade sira nia le’et, tamba ne’e nafatin fuan bot no esperansa ba ita bot sira susesu ba oin.
Iha serimónia ne’e, hanesan Primeiru Vise Presidente señor Cipriano Tilman, M.PA ne’ebé reprezenta hosi Magnifíku Prezidente IPB hodi partisipa iha Judisium refere.Alende ne’e, Primeiru Vise Prezidente señor Cipriano Tilman, M.PA iha nia diskursu hateten katak iha momentu ida ne’e, estudante sira kompleta ona prosesu ensinu aprendijazen hodi husik hela knua IPB hodi ba moris ho komunidade sira. Ohin loron ita hare’e judisiarius sira oin midar ida ne’e signifika katak iha momentu ne’e, hamosu mos kontenti balu ba sira nia fuan katak terus ne’e hahu to’o ohin loron realiza duni sira nia mehi.
“Husu nafatin ba judisiarius sira labele kontenti de’it iha ne’e, maibé nafatin buka dalan atu bele kontinua prosesu ba iha futuru hodi kompete. Utiliza koñesimentu ne’ebé mak iha hodi implementa iha imi ida-idak nia munisípiu no neneik ba bebeik ita bo’ot sira nia futuru sei mudansa” Haktuir Primeiru Vise Prezidente.
Iha fatin hanesan, señor Fernando Fernandes, M.Eng hanesan Diretór ESE-KKS salenta katak iha momentu judisium ne’e hanesan etapa ikus ba judisiarius sira, tamba antes to’o iha etapa ne’e hasoru prosesu dezafiu barak no fin judisiarius sira alkansa ona sira nia objetivu durante sira hasoru, alende ne’e mos abertura ba serimónia judisium.
Iha sorin seluk, Reprezentante Judisiariu Frederico de Araújo iha nia diskursu haktenik katak agradese wain ba IPB ne’ebé simu sira hosi inisiu to’o ohin loron sira termina ona judisium, ba ESE-KKS ne’ebé kapasita ona sira iha prosesu aprendizajen tomak no koñesimentu ne’ebé mak sira hetan bele implementa iha komunidade sira.
Partisipa iha serimónia ne’e mak hanesan Primeiru Vise Prezidente Sr. Cipriano Tilman, M. PA, Diretór Eskola Superior Enjenharia Sr. Fernando da Costa Fernandes, M.Eng ho nia Kordenadór Sr. Afranio Marsal Glaudes Freitas, Kordenadór, Sr. Celestinu Gonsalves Tali,MEc.DEv Mali, Korpu Dosentes no partisipante sira.
.Betano, 27 Outubru 2021Institutu Politékniku Betano liuhosi Eskola Superior Enjeñaria – Kursu Konstrusaun Sivil realiza semináriu ba daruak nian ho tema “You and Only are responsible for Life Choices and Decisions”. Seminar ne’e hala’o iha kampus IPB.
Koordenador Afraino Marcal G. Freitas hateten liu husi seminariu ida ne’e ita bele hetan hanoin no matenek ruma husi ita nia orador sira no nia dehan semináriu ida ne’e mak hanesan reuniaun ida iha grupu atu hamutuk buka no enkontra solusaun sientifika ida atu hetan solusaun ba iha prolema ida no mos liu husi seminariu ida ne’e ita fokus liu ba ita nia objetivu atu hariku ita nia mind set / hanoin, atu ita la tauk monu hodi hakat ba oin.
Iha fatin hanesan, Diretór Eskola Superior Enjeñaria (ESE) salienta katak agradece ba oradór sira ne’ebé mak mai ho fuan bo’ot hodi fahe sira nia experiénsia, tanba ne’e nia husu ba estudante sira atu aproveita didiak oportunidade ida ne’e hodi aprende didiak tópiku sira ne’ebé mak interesante tebes ba estudante sira.
Prezidente IPB Acacio Cardoso Amaral, Ph.D iha nia diskursu hateten katak agradese ba Nai Maromak tamba ita konsege realiza seminár ba dala-rua, ho tema ne’ebé interesante “ You and only you are responsible for your life choices and decisions””Hau fiar katak, orador sira sei fahe bukae oinsa atu prepara an ba future depois de husik hela Institutu. Ha’u la iha duvida ba sira nia kapasidade, tamba ne’e hau mós sei la koalia barak, maibe hau hakarak fo bukae iha aspeitu seluk, aspeitu spiritual. Alénde neé prezidente mos konta istoria breve kona-bá IPB, hanesan Institutu Politékniku Betano halo koperasaun ho organizasaun oinoin, iha rai laran no rai li’ur. Instituisaun sira ne’e mak hanesan MOP, MAP, UNTL, CNEFP, CCI-TL no mos halo parseria balu iha rai liur hanesan iha Portugal ho Instituto Politécnico Braganca (IPB)”, Haktuir Prezidente IPB
Ikus liu hanesan Presidente IPB, hakarak dala ida tan hato’o agardesementu ba oradór sira neebe bele hakat to’o iha ami-nia fatin remota ida ne’e. Agradese mós ba estrutura Escola Superior Enjeñaria ba sira nia inisiativa realiza eventu ida ohin loron atu prepara ita-nia joven sira ne’e atu hasoru futuru ne’ebé kompetitivu. Abertura mos ba Semináriu ne’e.
Hosi aprezentasuan ne’e oradór sira mak hanesan”Orador dahuluk Sr. Armando de Almeida ho tópiku ”Way to be an Entrepreneur’’ Dalan oinsa atu sai Emprezariu, orador daruak Sr. Fernando C. Gomes ho tókipu‘’What’s Next after your Diploma Degree’’Saida mak ita sei halo depois hetan Diploma degree, oradór datoluk Sr. Leonardo G. Marçal ho tópiku ‘’From Students to be Professionais’’ Hosi estudante sai hanesan ba Professional.
Dili, 21 Juñu 2021 (IPB) – Institutu Politékniku Betano liuhosi Konsellu Jerál IPB no estrutura tomak realiza “Eleisaun Presidente IPB períudu 2021 to’o 2025“ ba dahuluk nian ne’ebé ofisialmente hala’o iha resintu auditóriu Fakuldade Engeñaria, Siénsia no Teknolojia Hera-Dili,(21/06).
Liuhosi Prezidente Konsellu Jerál IPB nian, Doutor Rui Daniel de Carvalho deklara katak ba eleisaun Prezidente IPB nian, hanesan faze dahuluk hodi realiza eleisaun Prezidente IPB ba tinan ida ne’e, nafatin tau konfiansa ba kandidatu nai’n-2 ne’ebé kompete ba eleisaun ne’e ba periudu 2021 to’o 2025 hodi kontribui dezenvolvimentu ba institutu ida ne’e di’ak ba futuru.Iha eleisaun refere,kandidatu nain-2 kompete ba eleisaun Prezidente IPB nian mak hanesan kandidatu dahuluk Profesór Acacio Cardoso Amaral, Ph.D no kandidatu daruak Profesór Claudio Filipe Ximenes Belo, M.Sc. nomos iha sesaun aprezentasaun programa ba kandidatu na’in-2 ba mandatu tinan 5 tuir mai.
Iha prosesu rezultadu eleisaun dahuluk, votasaun hosi kompozisaun Konsellu Jerál IPB nian hamutuk na’in-12 ne’ebé hili kandidatu dahuluk Profesór Acácio Cardoso Amaral, Ph.D hetan totál votu ne’en (6) no kandidatu daruak Profesór Claudio Filipe Ximenes, M.Sc totál votu ne’en (6) ho totál votus ba Kandidatu na’in-2 hanesan (drow), nune’e hosi parte Konsellu Jerál IPB deside hodi halo votasaun ba daruak nian.
Aleinde ne’e, iha votasaun ba daruak nian rezultadu dahuluk profesór Acacio Cardoso Amaral, Ph.D ho votu hamutuk sia (9) no kandidatu daruak Profesór Filipe Ximenes, M.Sc. ho votu hamutuk tolu (3) no ikus-liu Kandidatu dahuluk Profesór Acácio sai hanesan eleitu ba prezidente IPB ba períudu 2021 to’o 2025.
Iha fatin hanesan, Ministru Ensinu Superiór Siénsia no Kultura Doutor Longuinhos dos Santos, MM, kongratula ba Prezidenti eleitu foun hodi lidera IPB, maibé nafatin husu Prezidente foun presiza hadia kualidade formasaun, nune’e bele prepara ba rekursus diak ba nasaun hodi kompete ba kampu traballu.
Iha kongresu ne’e, partisipa hosi Ministru Ensinu Superior no Kultura Doutor Longuinhos dos Santos, MM, Ministru Agrikultura no Peskas Doutor Pedro dos Reis, Presidente Komisaun Funsaun Públiku Doutor Faustino Cardoso Gomes, Reitór UNTL Profesór Doutor João Soares Martins, MPH, Ph.D, Reitor IOB Doutor Pedro Ximenes, Diretór Ezekutivu ANAAA Doutor Edmundu Viegas, Diretór ADN Renato M. Monteiro da Cruz, Diretora Ezekutiva Laboratóriu Nasionál Saúde Sra. Endang S. da Silva, Profesór Cancio Monteiro dekanu FEST-UNTL, Diretora Ezekutiva Fundu Dezelvolvimentu Kapital Umanu Sra. Leila C. dos Santos, Pe. Nivio Lebre, FdCC, Konsellu Jerál IPB, Estrutura IPB, Funsionarius, Dosentes no estudante IPB.
Betano, 26 Juñu 2021 (IPB) – Institutu Politékniku Betano liu hosi kursu Konstrusaun Sivil ne’ebé realiza seminár ba daruak nian ho tema “Aperfeiçoar o conhecimento dos estudantes a ser aplicado no Campo” ne’ebé hala’o iha kampus IPB Same-Manufahi(26/06), ofisialmente abertura hosi Vise Prezidente I, Cipriano Tilman M.PA.
Iha eventu ne’e, kordenadór Konstrusaun Sivil Afranio M. Glaudes Freitas, ST. MT relata katak objetivu hosi seminár ne’e, atu hasa’e entendimentu ne’ebé di’ak, liliu iha area Konstrusaun Sivil nian no importante liu ba estudante sira.
Oradór ba seminár refere mak hanesan oradór I, Sr. Jeremias Valentino B.Ec, oradór II Sr. Nazario B. Martins L.Civ no oradór III, Sr. Jose F. Gusmão L.Civ.Iha fatin hanesan, Vise Prezidente I, Cipriano Tilman M.PA salienta katak ho seminár ida ne’e, agradese tebes ba oradór nai’n -3 ne’ebé oferese sira nia tempu hodi fahe esperiénsia relasiona ho tema ne’ebé importante tebes ba estudante sira atu kapasita sira nia koñesimentu wainhira husik hela IPB.
Aleinde ne’e, hosi parte kursu Konstrusaun Sivil fahe mós lembransa no sertifikadu apresiasaun ba oradór sira.
Partisipa iha seminár ne’e hosi Vise Prezidente I, Cipriano Tilman, Diretór Eskola Superior Agronomia Zoteknika, Pedro de Deus, Kordenadór Eskola Superior Enjeñaria Afranio M. Glaudes Freitas, Dosentes Konstrusaun Sivil no Estudante sira.
ABERTURA FORMASAUN BA JUVENTUDE MANUFAHI HAMUTUK NA’IN-66 IHA KAMPUS IPB NE’EBÉ REALIZA HOSI FAOBetano, 28 Juñu 2021 (IPB) – Relasiona ho formasaun ne’e, nu’udar kooperasaun entre FAO ho IPB hodi hala’o abertura formasaun ne’e ho tópiku “Soft Skills Training to beneficiaries of the green Jobs for Rural Youth Employment” ba juventude Manufahi hodi tuir formasaun durante loron 15 ne’ebé hahu iha 28 Juñu to’o 16 Jullu 2021 iha kampus IPB.
Juventude sira ne’ebé partisipa iha formasaun ne’e kompostu hosi postu 4 no suku 29 iha munisípiu Manufahi ne’ebé liu ona prosesu seleksaun no prenxe ona rekezitus hodi tuir formasaun refere ne’ebé hala’o hosi ekipa painel mai hosi FAO, MAP no IPB rasik.
Magnífiku Prezidente IPB Doutor Acácio Cardoso Amaral, Ph.D hateten katak ho abertura ida ne’e importante tebes ba juventude sira hodi aproveita oportunidade di’ak hodi tuir formasaun ne’e to’o remata atu nune’e hodi implementa iha baze.
Iha fatin hanesan, reprezentante FAO iha nia intervensaun haktuir katak ba formandu sira liu hosi seleksaun dokumentus sei partisipa iha formasaun refere to’o nia rohan, ba oin sira sei hato’o proposta tuir pesoal formandu ida-iak submete ba FAO wainhira proposta pasa, nia sei hetan apoiu rasik hosi FAO durante tinan 2, iha parte seluk proposta laliu FAO sei oferese oportunidade ba sira hetan mos servisu iha Empreza Públiku sira durante tinan rua (2).
Ikus liu ba formandu na’in- 66 ne’e sei simu formasaun hosi FAO nomos sei tau matan ba Sira durante tinan rua (2) nia laran.
Partisipa iha abertura ne’e hosi Magnífiku Prezidente IPB Acácio Cardoso Amaral, Vise Prezidente I, Cipriano Tilman, Kordenadór Eskola Superior Enjeñaria Afranio M. Glaudes Freitas, Komandante munisípiu Manufahi Joni Viana, Komandante postu Naval suku betano, Polisia OPS suku betano, Abrão Mendonça, Diretór MAP Manufahi, Aurelio Ximenes, Reprezentante FAO, Reprezentante Autoridade Munisípiu Manufahi Manuel Henrique, dosentes Produsaun Animal no formandu sira.
Betano, 16 Jullu 2021( IPB) – Institutu Politékniku Betano ho FAO ensera formasaun ne’ebé durante ne’e realiza ona ho topiku “Soft Skiils Training to Beneficiaries of the Green jobs for Rural Youth Employment” durante loron 15 hahu husi 28 junu to 16 Jullu 2021, ne’ebe kompostu husi postu 4 no suku 29 iha Munisípiu Manufahi no ohin loron finaliza ona iha resintu IPB.,(16/07).
Primeiru Vise Prezidente Sr. Cipriano Tilman, MPA subliña katak agradese ba FAO bele halo koperasaun ho IPB maské ho kondisaun Fatin ne’ebé la sufisiente maibé realiza duni Formasaun ne’e to’o rohan, Alende ne’e mos agradese ba Formador, Komisaun organizadora, formador sira hotu nia partisipasaun iha formasaun ida ne’e bele lori ita hodi dezenvolve Munisípiu Manufahi ba futuru.Reprezentante Formado Sr. Aluzio dos Santos Abreo haktuir mos katak “Ami hotu apresia ba programa emprego Verde”
” Tamba programa ida ne’e hanesan programa foun ida mai amii posto 4 iha Munisípiu Manufahi, Nia mos rekomenda ba Formado sira atu bele utiliza didiak materia sira ne’e durante sira hetan husi Formador sira atu nune’e hodi implementa iha suku ida-idak.”Programa ida ne’e importante tebes aproveita ba kapasitasaun husi Formador sira kona-ba Edukasaun Adultu hodi fo kapasitasaun ba ita boot sira iha projetu Green Verde Ida ne’e no mos ita bot sira mak sai autór ba postu 4 iha Munisípiu Manufahi atu bele garantia outcome hodi bele dezenvolve suku no aldeia sira ba Futuru” Haktuir Diretór MAP.
Iha Fatin hanesan reprezentante FAO ho IPB entrega mós sertifikadu ba Formandu sira hamutuk na’in-66 ne’ebé mak durante loron 15 tuir formasaun ba programa Green Verde.
Partisipa iha Enseramentu ne’e Vise I Prezidente Sr. Cipriano Tilman, M. PA, Diretor Eskola Superior i Zootecnica Sr.Pedro de Deus, M,Si ho nia Kordenadór, Sr. Celestinu Gonsalves Tali,MEc.DEv Mali, Diretór Eskola Superior Enjenharia Sr. Fernando da Costa Fernandes,M.Eng ho nia Kordenadór Sr. Afranio Marsal Glaudes Freitas ,Diretora FAO no mos Diretór MAP Munisípiu Manufahi Sr. Aurelio Ximenes, Dosenti sira husi kursu Produsaun Animal, Kursu Konstrusaun Sivil no Formado sira.
