Elisio Ximenes
About Elisio Ximenes
Posts by Elisio Ximenes:
IPB REALIZA MISSA AGRADESIMENTU BA GRADUADU HAMUTUK NA’IN-111
Betano, 09 Outubro 2025 – Institutu Politékniku Betano(IPB) liu husi komisaun organizadora graduasaun ba dala-VI realiza missa agradesimentu ba graduadu hamutuk atus ida, sanulu resin ida, (111) husi kursu produsaun animal no kursu konstrusaun sivil tinan akadémiku 2025 ne’ebé maka hala’o iha igreja Paróquia São João Baptista Betano.
Amu paroku Pe. Sabino Pinto de Souza Gama iha ninia omilia hateten tuir evanjelo katak buka ba mak o sei hetan, husu ba maka o sei simu no dere odamatan ba maka odamatan sei nakloke ba imi, nia mos tenik katak konvida ita hotu atu nafatin reza no fiar maromak sei rona nafatin ita. Nia mos hato’o parabéns ba prezidente IPB , korpus dosente sira, Inan-Aman nomos Ba Graduadu sira hotu.
Partisipa iha missa solene agradesimentu refere maka hanesan Magnífiku prezidente IPB, akompaña husi segundo vise prezidente IPB, ho korpus dosente sira, Inan-Aman husi graduadu sira. Media IPB
IPB REALIZA MISSA AGRADESIMENTU BA GRADUADU HAMUTUK NA’IN-111
Betano, 09 Outubro 2025 – Institutu Politékniku Betano(IPB) liu husi komisaun organizadora graduasaun ba dala-VI realiza missa agradesimentu ba graduadu hamutuk atus ida, sanulu resin ida, (111) husi kursu produsaun animal no kursu konstrusaun sivil tinan akadémiku 2025 ne’ebé maka hala’o iha igreja Paróquia São João Baptista Betano.
Amu paroku Pe. Sabino Pinto de Souza Gama iha ninia omilia hateten tuir evanjelo katak buka ba mak o sei hetan, husu ba maka o sei simu no dere odamatan ba maka odamatan sei nakloke ba imi, nia mos tenik katak konvida ita hotu atu nafatin reza no fiar maromak sei rona nafatin ita. Nia mos hato’o parabéns ba prezidente IPB , korpus dosente sira, Inan-Aman nomos Ba Graduadu sira hotu.
Partisipa iha missa solene agradesimentu refere maka hanesan Magnífiku prezidente IPB, akompaña husi segundo vise prezidente IPB, ho korpus dosente sira, Inan-Aman husi graduadu sira. Media IPB
RE-ANÚNSIU VAGATURA DOSENTE IPB
Instituto Politékniku Betano loke Konkursu Públiku ba Dosente no bazeia ba Komisaun Funsaun Públika, tuir Lei No. 8/2004, loron 16 Fulan Junho, kona-bá Estatutu Funsaun Publika Dekreto lei No. 34/2008 loron 27 Fulan Agostu, kona-bá rekrutamentu, Dekreto – Lei No.45/2016, loron 9 fulan Novembro, kona-bá Estabelesementu IPB no Dekretu – Lei No.3/2014 iha loron 15 Fulan Janeiru, kona-bá Estatuto Rejime Karreira ba Dosente Universitariu nian no Lei de Bases do Ensino Superior No. 6/2024 loron 17 Fulan Julho. Kandidatu/a ne’ebé Aprovadu/a sei Nomeadu/a ba IPB, servisu nu’udar Dosente Permanente iha Instituto Politékniku Betano-IPB.
Tamba ne’e, Instituto Politékniku Betano Re-anúnsiu vagatura dosente IPB hala’o Rekrutamentu ou loke konkursu tuir termu referensia hanesan tuir mai ne’e :
- Nú. Ref. : CP1/01/V/2025
- Nú. Ref. : CP1/02/V/2025
Bele download nia ToR iha enderesu ne’e: https://drive.google.com/drive/folders/1yyeivXvn6w05hlP7NAUJijlP6Y7cjJ5d?usp=sharing
Informasaun Detallu Kontaktu direta ba parte Rekursus Umanus IPB, Nu. Tlf: +670 -77511264
ANÚNSIU REZULTADU FINAL VAGATURA DOSENTE IPB
Dili, 11 setembru 2025 – Instituto Politékniku Betano hamutuk ho Komisaun Funsaun Públiku anúnsiu rezultadu final vagatura ba dosente IPB tinan 2025. Vagatura ho Nu. Ref.: CPI/V/2/2025 to’o CPI/V/5/2025. Ba kandidatu sira ne’ebé klasifikadu bele hare lista aneksu tuir termu referensia.
Asesu iha link ne’e hodi download lista kandidatura tuir termu referensia: https://drive.google.com/drive/folders/1WDnAI8VNRBEqkZS85UziwwIKIIViBgI_?usp=sharing
Media IPB
IPB – ESE Realiza Serimónia Judisium Hodi Distribui Titulu Akadémiku Ba Finalista Na’in-49
Betano, 01 Setembru 2025 – Instituto Politekniku Betano (IPB) liu husi Eskola superior Enjeñaria (ESE) kursu konstrusaun sivil turnu 2022 hala’o Judisium ba dala VI, hodi distribui títulu akadémiku ba finalista haat-nulo resin Sia (49) kompostu husi Mane Tolu Nolu Resin- Neen(36) no Feto Sanulu Resin Tolu (13) ho nia tema “O Graduado está capacitado para participar e contribuir para o desenvolvimento das infraestruturas em Timor – Leste” iha resintu IPB-Betano.
Mestre Leonel Madeira hanesan Dosente iha Fakuldade Enjenãria Siensia no Teknolojia UNTL, iha nia Oratio Sapienstia refleta ho nia tópiku nune’e, Enjineirus Kualidade iha Obras Infraestruturas hanesan fundamentu ba dezenvolvimentu ekonómikus iha Timor-Leste. Nia mos dehan ba finalistas sira ita bo’ot sira sei hanesan Junior nafatin peskija no halo investigasaun atu nune’e bele suporta ita bo’ot sira nia abilidade tékniku nian, nune’e mos Tenki iha intensaun diak hodi proteje ita nia sosiedade no fo honra ba ita nia profisaun.
Iha tempu hanesan Kordenador Kursu Konstrusaun Sivil Mestre Aquino iha nia intervensaun dehan judisium ne’e hanesan prosesu akadémiku ida ne’ebé hodi halo divulgasaun ba titulu estudante ida iha nivel Ensino superior nian nune’e mos katak estudante sira konklui ona prosesu tomak iha Institutu Superior ida. Nia mos dehan ba Inan- Aman sira husi estudante sira ne’ebé hala’o judisium signifika katak sira livre ona husi prosesu administrasaun akadémiku nian hodi hein deit ba graduasaun.
Diretor ESE Alexandre Marques hateten, agradese ba estudante sira hotu ne’ebé maka mai husi Munisípiu ketak-ketak sai família ida deit iha IPB, agradese ba sívitas akadémikas tomak, jardineiru sira seguransa, magnífiku prezidente ne’ebé sempre akompaña no suporta prosesu tomak husi eskola superior enjeñaria kursu Konstrusaun Sivil nian. Diretor ne’e mos hateten ba estudante sira katak tenki kaer prinsípiu tolu maka hanesan : Skill, Knowledge and Attitude maka sai hanesan baze hodi kompete nu’udar tékniku professional ida.
Intervensaun Magnífiku prezidente IPB Sr. Alcino Isaac A. Fernandes, hateten nain hira ne’ebé maka ohin judisium marka tan istória bo’ot ida hanesan prezidente IPB no istória diak ida ba Inan no Aman sira no furak liu ba finalista sira ne’ebé ohin hala’o judisium. Haksolok ba judisium ba dala VI ho nia tema “O graduado está capacitado para participar e contribuir para o dezenvolviamento das infraestruturas em Timor-Leste” husi tema refere atu heteten katak estudante sira iha ona formasaun ne’ebé kapasitadu no presija ita bo’ot sira nia partisipasaun total ba prosesu dezenvolvimentu iha rai doben Timor-Leste.
Marka prezensa iha serimónia Judisium ne’e mak hanesan Primeiro Vise-Prezidente no Segundo Vise-Prezidente IPB, Inspesaun Geral, Diretor EZAS, Diretor DNAAEIT, Diretor DNAF, Diretor Aprovizionamentu, Xefi Departamentu Logístika nomos Xefi Departamentu IT, estudante no konvidadus sira. Media IPB
Responsavél Hasa’e Bandeira husi Eskola Superiro Enjeñaria Semana Dahuluk Fulan Setembru
Betano, 01 Setembru 2025 – Instituto Politékniku Betanu (IPB) kontinua hasa’e bandeira kada fulan ba semana dahuluk, ohin segunda (01/09/2025) Responsavél hasa’e bandeira husi Estudante Eskola Superior Enjenharia (ESE) Kursu Konstrusaun Sivil (KKS) iha resintu IPB-betano.
Sr. Amancio Horacio hanesan Inspetor Seremonia has’ae bandeira hakkarak hato’o parabens bá ekipa isar bandeira tamba ezekuta servisu ho di’ak. Hakarak kongratula mos ba Estudante Kursu Konstrusaun Sivil ne’ebé mak konklui ona TFK tama ona ba faze Judisium ne’ebé esforsu tomak ne’ebé eskola superior hatudu atu kumpri kalendariu graduasaun ne’ebé maka sei monu iha fulan setembru. Husu nafatin ba hotu-hotu liu-liu ba Eskola Superior Agronomia I Zooteknika nafatin Esforsu a’an no ezekuta antes fim do anu remata.
Nia salienta tan katak nafatin fo hanoin ba malu importansia husi uniforme, tamba uniforme nee hatudu ita nia identidade hanesan patriamonia ida ba ita nia Instituto ida ne’e prosesu ida ne’ebé maka ita atinji iha pasadu ne’ebá hodi hatudu ba Públiku katak IPB nia unidade liu husi Uniforme ida ne’e. Husu ba sivitas akadémika hotu nafatin tau pontualidade no hala’o kna’ar servisu nian ho diak hatudu nia dezempeñu ba ita ida-idak nia servisu.
Entretantu marka prezensa iha fatin hasa’e Bandeira ne’e maka hanesan, Inspektor Jeral IPB, Diretór DNAAEIT, Diretór DNAF, Diretór DNA, Diretór DNACD, Diretór ESE, Diretór ESAZ, Koordenador KKS, Kargu Sefia sira, Dosente, Funsionariu Administrasaun no Estudante sira hotu. Media IPB
𝐊𝐎𝐌𝐏𝐀Ñ𝐈𝐀 𝐋𝐎𝐊𝐀𝐋 𝐍𝐎 𝐈𝐍𝐓𝐄𝐑𝐍𝐀𝐒𝐈𝐎𝐍𝐀𝐋 𝐒𝐈𝐓𝐄 𝐕𝐈𝐒𝐈𝐓 𝐁𝐀 𝐏𝐋𝐀𝐍𝐎 𝐊𝐎𝐍𝐒𝐓𝐑𝐔𝐒𝐀𝐔𝐍 𝐄𝐃𝐈𝐅𝐈𝐒𝐈𝐔 𝐅𝐎𝐔𝐍 𝐈𝐏𝐁
Betano, 28 de Agostu 2025, Ekipa tékniku sira husi MESCC no IPB akompaña kompañia sira hodi ba hare “Site Visit” ba fatin foun atu kontrui edifisiu IPB nian iha Futuru atu nune’e bele sai hanesan referensia hodi hare estimasaun atu bele mos tuir tenderizasaun iha tempu badak. Media IPB
