Elisio Ximenes

(Betano, 08 Agostu 2023) – Instituto Politékniku betano(IPB) nia estrutura IPB akompañia sua exelénsia Ministru Ensinu Superior, Ministru Obras Publika (MOP), Prezidente EDTL, Diretór Jeral ADN hamutuk ho ekipa UPPC-MESSC, Diretór Jeral Finansas MESSC hodi observa direta ba progresu projetu konstrusaun faze dahuluk hodi halo monitorizasaun ba lalaok Konstrusaun nomos serbisu kompañia konstrutora IPB nian iha Betano.(30-5-2023).

Média IPB

Betano, 04 Agostu 2023 – Institutu Politékniku Betano nia Vise prezidente IPB sr. Cipriano Tilman, M.PA ne’ebé mak reprezenta Magnífiku Prezidente IPB Sr. Acacio Cardoso Amaral, Ph.D ho nia estrutura sira hamutuk ho Formadór Sentru Formasaun Polisia Akadémika sira hodi ensera atividade formasaun pedagójia ba dosente IPB nian ne’ebé maka durante ne’e tuir formasaun refere durante semana-rua (2) iha resintu IPB.

Média IPB

Betano, 04 Agostu 2023

Institutu Politékniku Betano nia funsionáriu administrasaun sira partisipa iha formasaun protokolu no MC(Master of Ceremony) ba funsionáriu administrasaun IPB durante loron -2 iha resintu IPB.

Média IPB

(IPB-Betano 01 Agostu 2023) – Instituto politékniku Betano (IPB) nia estrutura IPB, Dosente no funsionáriu partisipa iha partisipa iha aprezentasun kona-bá Sistema Sertfikasaun Dosente Universitáriu (Siglá Portugéz, CEDU) no Sistema Jestaun Biblioteka(Siglá Portugéz, SIGEB) no Sistema E-learning hosi Departamentu Enjenaria Informatika – Universidade Timor Lorosa’e (DEI-UNTL) Sr.Jose Pinto ho nia ekipa iha sala Gabinete Prezidente IPB durante loron-2.

Media IPB

Betano, 25 Jullu 2023 – Institutu Politékniku Betano (IPB) liuhosi Eskola Superior Agronomia i Zootéknika (ESAZ), Kursu Produsaun Animal (KPA) realiza peskiza dahuluk iha resintu iha IPB Betano.

Peskiza ne’e realiza nu’udar planu husi EZAS liu husi kursu Produsaun Animal ne’ebé hala’o koperasaun ho Dosente UNTL husi Departemento Agro-Pecuaria. Pekiza ne’e hahu realiza iha loron 16 fulan Jullu 2023 no material ba peskiza nian kursu produsaun animal mak prepara ho orsamentu peskiza EZAS nian ne’ebé alokadu iha orsamentu tinan 2023.

Peskiza ne’e sei halao iha fulan 2 nia laran ho topiku peskiza dahuluk nian kompostu husi; 1). Efetu Dencidade luhan ba kresimentu Manu Broiler iha idade DOC no starter, 2). Subtituisaun parsial ai-han lokal fermentadu ho ai-han Komersial, 3). Kualidade Karkasa Broiler ho aplikasaun substituisaun parsial ai-han lokal fermentadu ho ai-han Komersial no 4. Kauza parasite internal ba kresimentu manu broiler iha idade DOC no Grower.

Peskiza ne’e hala’o iha IPB Betano nu’udar serbisu hamutuk entre IPB – Betano liu husi eskola superior de Agronomia e Zootéknika ho departemento Agro-Pecuaria, Fakuldade Agricultura UNTL. Iha peskiza ne’e sei involve dosente hotu iha kursu produsaun animal iha faze dahuluk nian.

Espera katak ho peskiza ida ne’e sei motiva no enkoraja dosente sira atu bele halao aktividade peskiza barak liu tan iha tinan oin no bele halao deskobrementu barak liu tan.

Peskiza ne’e kordena husi Sr. Abilio dos Santos, M.Pt no Dosente husi UNTL kompostu husi Sr. Graciano Soares Gomes, Ph.D, Sr. Carlito Mali Code de Araujo, Ph.D, Sr. Acacio Cardoso Amaral, Ph.D no dosente husi kursu produsaun animal hotu.

Média IPB

Betano, 25 Jullu 2023 – Institutu Politékniku Betanu (IPB) liuhosi Diresaun Nasional Administrasaun Finansas(DNAF) hamutuk ho Ministeriu Finansas hosi ekipa Diresaun Jeral Tezouru (Siglá portuguez, DGT) hodi hala’o sorumutu kona-bá monitorizasaun serbisu finansas. Sorumutu ne’e hala’o iha sala gabinete prezidente IPB Betano.

Objetivu hosi monitorizasaun ekipa DGT hodi hare’e funsaun Tezouru ne’ebé desentraliza ona iha Munisípiu inklui mós iha Instituisaun ne’e rasik no bele identifika difikuldade ne’ebé enfrenta nune’e hodi bele mellora serbisu jestaun Finansas publika.

Partisipa iha sorumutu ne’e mak hanesan segunda vise prezidente IPB, Sr. Amancio Horacio, Diretór DNAF, Sr. Domingos Faria, funsionáriu administrasaun Finansas no ekipa monitorizasaun.

Media IPB

Betano, 24 Jullu 2023 – Institutu Politékniku Betano(IPB) nia Magnífiku Prezidente IPB Prof. Assoc. Adj. Sr. Acacio Cardoso Amaral,Ph.D ne’ebé reprezenta hosi primeiru vise prezidente IPB, Sr. Cipriano Tilman, M.PA ho nia estrutura no dosente sira hamutuk ho Sentru Formasaun Polisia Akadémia (Siglá Portugéz, CFPA-Comoro), Komandante superintendente xefe polisia Dr.Cand. Arquimino Ramos ho nia ekipa hodi abertura formasaun pedagojia kontinuanidade ba dosente hamutuk nain-14 iha resintu IPB, formasaun ne’e durante semana rua hahu iha loron 24 Jullu to’o 04 Agostu 2023.

Primeiru vise prezidente IPB Sr. Cipriano Tilman, M.PA ne’ebé mak reprezenta Magnífiku prezidente IPB hateten katak ho formasaun ida ne’e importante tebes ba dosente sira bainhira kompleta sira nia grau presiza mós formasaun atu garantia serbisu bá dosente sira hodi dezenvolve koiñesimentu implementasaun planu kurikulár no Peskiza iha IPB. Formasaun ida ne’e ba daruak nian, bazeia ba formasaun tinan kotuk kompostu hosi dosente permanente na’in-16 ne’ebé finaliza ona formasaun pedagojia no tinan ne’e, kontinua realiza formasaun ba dosente hamutuk nain-14 kompostu hosi dosente permanente na’in-10 no kontratadu na’in-4.

“Aproveita oportunidade ida ne’e bele dezenvolve koiñesementu dosente sira nian iha planu kurikulár no mos peskiza nune’e bele hadia ita nia koñesimentu liliu ba atividade aprendijazen loron loron ba estudante sira”. Akresenta Sr. Vise prezidente IPB.

Komandante Superintendente Dr. Arquimino Ramos hateten dahuluk hakarak agradese ba parte hotu hotu no agradese ba konfiansa hosi IPB tamba ne’e formasaun ne’e kontinua ba daruak nian signifika katak fomasaun tinan kotuk ne’e fo vantajen di’ak ba IPB entaun tinan ne’e kontinua formasaun daruuak nian.

“Hau nia hanoin,formasaun ba daruak nian ne’e, dosente sira ne’ebé maka partisipa iha formasaun ne’e rona ona informasaun lubuk ida hosi dosente ne’ebé maka tuir ona formasaun tinan kotuk no espera tinan ne’e, imi mellora di’ak liu tan halo perfeitu imi nia obra signifika hetan rezultadu ne’ebé di’ak. Dehan Sr. Komandante.

Sorin seluk maka Sr. Dr. Arquimino akresenta katak formasaun ne’e hau fiar katak bele ajuda ita boot sira sai hanesan mata dalan ba dosente sira no fiar katak ita bot sira sei dezenvolve planu hotu tuir mata dalan ne’ebé ami fo hau fiar ba futuru sei hatudu progressu ne’ebé di’ak ba Institutu IPB no ba nasaun Timor Leste.

Partisipa iha abertura formasaun nee hosi IPB mak hanesan inspetor jeral IPB, Sr. Roberto Magno, Primeiru Vise Prezidente IPB, Sr. Cipriano Tilman, MPA, Segundu Vise Prezidente IPB, Sr. Amancio Horacio, Diretor DNAAEIT (Diretor Nasional Administrasaun Akadémiku no IT), Sr. Pedro de Deus, M.Si, inspetór jeral Diretor ESE (Eskola Superior Engenharia) Sr. Fernando Fernandes, M.Eng, no dosentes IPB.

Média IPB

Asina memorandum entendementu iha loron 12 Jullu 2023 – Institutu Politékniku Betanu (IPB) Prezidente IPB, Prof. Assoc. Adj. Acacio Cardoso Amaral, Ph.D ho nia estrutura sira sorumutu ho Yayasan Pendidikan Internal Audit (YPIA) Jakarta-Indonesia Sr. Diretor Djoko Prihardono hodi asina memorandum entendementu/MoU, entre parte rua, iha yayasan sentral YPIA-Jakarta, Kinta, 12/07/2023.

Objetivu hosi asinatura memorandum entendementu /MoU ne‘e atu garantia servisu kooperasaun bilateral entre parte rua hodi haforsa kualidade eduksaun iha futuru ne’ebe diak.

Aprezenta hosi Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D, kona-ba kna’ar no responsabilidade estrutura IPB fo sai mos perfil badak kona ezistensia IPB hanesan instituisaun foun ida foin hamriik no sei iha buat barak ne’ebe mak persiza aprende hosi instituisaun sira seluk.

“YPIA realiza treinamentu professional ruma kona ba QIA nian ami mos iha obrigasaun haruka ami nia funsionariu sira atu partisipa iha ne’e tanba ami hanesan institusaun foun ne’ebé foin hamriik iha tinan neen liu ba no agora ami foin mak realiza graduasaun ba dala tolu no iha fulan oin sei realiza tan graduasaun ba dala hat” tenik Prezidente.

“Hau hanoin kooperasaun ida ne’e Servisu hotu ne’ebe mak YPIA ho IPB atu hala’o previstu ona iha MoU ne’ebé ita konkorda ona hau fiar katak buat hotu sei lao ho diak tuir diskusaun ne’ebé mak parte rua deside ona liu hosi via email” haforsa Prezidente

Iha fatin hanesan hato’o hosi Sr. Diretor Djoko Prihardono liu hosi kooperasaun servisu hamutuk ne’e hodi implementa atividades hotu ne’ebé mak previstu ona Mou maibe persiza haree mos istoria timor ne’e hanusa no oinsa mak ita atu implementa atividades sira ne’e tanba situasaun hirak ne’e maka YPIA implementa mos iha stakeholder sira seluk.

“Ami mos realiza atividade seminariu nasional kona-ba internal auditoria ne’ebe mak relevante ho dezenvolve instituisaun no atividade ida ne’e sei realiza iha bali tanba ne’e ami mos sei konvida IPB hodi hola parte mos iha seminariu refere” hatutan Diretor.

Entertantu iha sorumutu asina MoU ne’e partisipa hosi IPB hanesan Magnífiku Prezidente IPB Prof. Assoc. Adj. Acacio Cardoso Amaral, Ph.D, Primeiru Vise Prezidente IPB Sr. Cipriano Tilman, M.PA, Segundu Vise Presidente IPB, sr. Amancio Horacio, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Diretór Eskola Superior Enjeñaria (ESE) Sr. Fernando da Costa Fernandes, M.Eng.

Média IPB.

Asina nota konkordansia iha loron 10 Jullu 2023 – Institutu Politékniku Betanu (IPB) nia Prezidente IPB, Prof. Assoc. Adj. Acacio Cardoso Amaral, Ph.D ho nia estrutura sira sorumutu Universitas Brawijaya Malang-Indonesia Prof .Dr. Ir. M. Halim Natsir, S.Pt., MP., IPM., ASEAN. Eng, hodi asina nota konkordansia entre parte rua, iha kampus sentral Brawijaya-Malang, Sigunda, 10/07/2023.

Objetivu hosi asinatura memorandum of agreement ne‘e atu garantia servisu kooperasaun bilateral entre parte rua hodi haforsa kualidade eduksaun iha futuru ne’ebe diak.

Hato’o hosi Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D fo obrigado tanba bele simu ami ho diak ne’e hanesan previleiju bo’ot ida mai ami no aprezenta mos perfil badak kona-ba ezistensia IPB iha 2017 hanesan Institutu Politekniku foun ida iha Timor-Leste no iha eskola superior rua mak hanresan eskola superior agronomia no zootéknika ho nia kursu produsaun animal no eskola superior engeñaria ho nia kursu konstrusaun sivil.

“Agora ami iha kursu rua ne’e mak estabelese ona tanba ami iha limitasaun ba infra-estruktura ho volume ne’ebé kiik maibe ba oin ami iha ona konstrusaun infra-estrutura foun maka ami sei estabelese tan kursu foun tuir nesesidade instituisaun nian” Tenik Prezidente.

“Ami mai ne’e atu asina MoA ho universitas Brawijaya hodi promove rekursu humanu, formasaun professionalizmu iha area agrikultura iha Timor-este liu-liu iha area produsaun animal inklui mos kapasitasaun dosente sira tanba ami hanesan instituisaun foun ne’ebé hamriik indenpendente ami senti kontenti iha kooperasaun ne’e ita sei kolabora serbisu hamutuk iha area kapasitasaun rekursu humanu, peskiza no publikasaun, seminariu internasional, rotasaun dosente entre Brawijaya no IPB hodi hatudu rezultadu ne’ebé pozetivu iha futuru” haforsa Prezidente.

Iha fatin hanesan vise reitor universidade Brawijaya hateten ami senti kontenti tebes liu hosi kooperasaun ne’e ita bele dezenvolve hamutuk programa sira ne’ebé privistu ona iha MoU/MoA no kolaborasaun servisu hamotuk entre IPB ho Brawijaya, ami kontenti servisu hamutuk ho univesidade no instituisaun sira iha Timor-Leste hanesan fatin estretejiku atu nune’e bele hasae kualidade edukasaun iha era globalizasaun.

“hau orguilho tebes ho departementu rua ne’ebé mak ita tenki fokus hanesan kursu konstrusaun sivil no produsaun animal maibe ita agradese mos tanba dekanu rua ne’e agora hola parte hotu iha ne’e hato’o informasaun balu kona-ba serbisu ne’ebé mak ita atu halo liu-liu hanesan oferese programa kapasitasaun rekursu humanu, bolsa estudu ba dosente no estudante, seminariu internasional, peskiza no publikasaun Jurnal” hatutan vise reitor.

Entertantu sorumutu ne’e iha konkordansia entre departementu rua ne’e hodi asina memorandum of agreement/MoA entre universitas Brawijaya ho IPB

Remata iha diskusaun refere Prezidente IPB ho nia estrutura sira hala’o vizita internalmente iha kampus Brawijaya hodi haree kona-ba biblioteka, biblioteka dijital, hetan mos esplikasaun kona ba regulamentu utilizasaun biblioteka no laboratoriu hosi ekipa tekniku Universitas Brawijaya.

Iha sorumutu asina MoA ne’e partisipa hosi IPB hanesan Magnífiku Prezidente IPB Prof. Assoc. Adj. Acacio Cardoso Amaral, Ph.D, Primeiru Vise Prezidente IPB Sr. Cipriano Tilman, M.PA, Segundu Vise Presidente IPB, Sr. Amancio Horacio, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc, Diretór Eskola Superior Enjeñaria (ESE) Sr. Fernando da Costa Fernandes, M.Eng. Média IPB.