(IPB-Betano, 18 Abril 2023) – Institutu Politékniku Betanu liuhosi Prezidente juri ba avaliasaun, fó hatene ba públiku katak, bazeia ba rezultadu avaliasaun dokumentus Solisitasauan ba Kuotasaun (SBK) ne’ebé hato’o hosi ekipa juri.
Rezultadu ba kompania/vendor manan na’in bele hare anúnsiu SBK download iha link ne’e.
(IPB-Betano, 18 Abril 2023) – Institutu Politékniku Betanu liuhosi Prezidente juri ba avaliasaun, fó hatene ba públiku katak, bazeia ba rezultadu avaliasaun dokumentus Solisitasauan ba Kuotasaun (SBK) ne’ebé hato’o hosi ekipa juri.
Rezultadu ba kompania/vendor manan na’in bele hare anúnsiu SBK dowload iha lin ne’e:
(IPB-Betanu, 12 Abril 2023) – Institutu Politékniku Betano loke konkursu públiku ba funsionáriu permanente no bazeia ba komisaun funsaun públika, iha Dekretu Lei Nú. 34/2008 depois alterasaun ba dekretu lei Nú. 22/2011 iha loron 27 Agostu.
Tamba ne’e, Instituto Politékniku Betano hala’o rekrutamentu ou loke konkursu tuir termu referensia hanesan tuir mai ne’e:
Instituto Politekniku Betano (IPB) nia inspetór jeral no primeiru vise presidente hodi reprezenta estrutura tomak IPB hodi hala’o sorumutu ho gabinete Inspesaun, Ministeriu Ensinu Superior Siensia no Kultura (Siglá Portugés,MESCC), sr.Higino kona-bá fiskalizasaun bolsa hakbiit iha IPB. Enkontru ne’e hala’o iha sala gabinete prezidente IPB.
Objetivu prinsipal husi enkontru ho estrutura maka hodi hala’o fiskalizasaun ba iha bolsa hakbiit no bolsa parsial bazeia ba dadus ne’ebé mak ekipa inspesaun MESCC hetan hosi FDCH
Sr.Higino hateten tuir informasaun ne’ebé mak ekipa inspesaun MESCC hetan hosi FDCH katak IPB iha bolsa hakbiit maibé seidauk iha bolsa parsial .
“Fiskalizasaun ne’e bazeia ba kompetensia gabinete inspesaun nian ne’ebeé mak bazeia informasan ka lamentasaun hosi estudante sira tamba ne’e ami nia knar serbisu ami presiza halo fiskaliza para atu hare aktus sira ne’ebé mak akontese laos iha IPB dei’t maibé hosi instituisaun ensinu superior sira tantu públiku no privadu”. Dehan sr.Higino
Partisipa iha enkontru refere maka hanesan Inspetor Jeral Sr.Roberto Magno, Primeiro Vise presidente Sr.Cipriano Tilman. M.PA, xefe departementu aprovizionamentu, staff DNAF , Staff DNAAEI no Inspetór Jeral Sr. Higino Alves ho nia ekipa.
Instituto poltékniku de Betano (IPB) liu hosi komisaun organizadora orientasaun Akadémika tinan 2023 iha sesaun palestra daruak hosi sr.komandante PNTL Munisipiu Manufahi,Joni Vicente Das Regras sai hanesan orador ba Estudante sira iha orientasaun akadémika IPB.
Materia ne’ebé maka orador hosi Komandante PNTL Munisipiu Manufahi hato’o ho nia Tema “Papel PNTL no Seguransa iha Munisipiu Manufahi” ba Estudante hamutuk nain 133 tinan akadémika 2023.
Polisia Nasional Timor-Leste no seguransa iha munisipiu Manufahi, hakarak hao’o ba alin Estudante foun sira hotu iha IPB katak ita nia situasaun seguransa em jeral iha munisipiu manufahi neste momentu iha ambiente no ambitu hakmatek, Polisia Nasional Timor-Leste nia papel eskreve no konsagra iha lei inan konstituisaun da RDTL artigu 14.
Polisia sei defende legalidade demokratika no garante sidadaun sira nia seguransa iha terenu ho imparsialidade.
“Apela mos ba Etudante sira hotu atu hakribi, Violensia, la involve iha Asaun krime, no droga nune’e kria paz no estabilidade iha munisipiu Manufahi”.dehan komandante.
Instituto Politékniku Betano (IPB) liu husi komisaun organizadora orientasaun tinan Akademika 2023 konvida Administradór munisipiu Manufahi sr.Arantes Isaac Sarmentu sai hanesan oradór hodi fo palestra ba Estudante sira iha orientasaun akadémika IPB.
Materia ne’ebe mak Administrador Munisipiu Manufahi hato’o kona-bá “Papel Administrasaun Munisipiu iha Politika Dezentralizasaun tuir Dekretu lei Nu.3 iha Munisipiu Manufahi” ba Estudante sira hamutuk 133 tinan Akademiku 2023.
Objetivu hosi Politika Desentralizasaun maka hanesan dezenvolvimentu setor Privadu, tamba setor refere sai importante hodi kria kampu servisu ba foin sa’e sira.
Iha palestra ne’e estudante preokupa tamba Timor oan barak maka ba servisu iha rai li’ur, tamba kampu servisu iha Timor la iha, tamba ne’e husu ba Governu prepara mekanizmu hodi fasilita traballador Timor oan sira ne’ebe servisu iha rai li’ur atu investe osan iha Timor hodi loke kampu servisu ba foin sa’e sira,
Hatan preokupasaun ne’e administradór Arantes Isaac Sarmento,foin sa’e ba buka servisu iha rai li’ur parte di’ak ida no fo vantajen ba Timor-Leste, tanba sira ba buka osan hodi mai halo investimentu hadia Ekonomia familia no osan sirkular iha railaran, iha parte ida Timor oan sira aprende iha rai li’ur, sira fila mai investe fali iha Timor.
Administrador hato’o lia menon ba Estudante sira iha IPB nu’udar Estudante tékniku kuandu remata Eskola tenki kria rasik kampu servisu ba aan rasik.
Instituto Politékniku Betano (IPB) liu hosi komisaun Organizadora Orientasaun Tinan Akademika 2023 realiza atividade orientasaun Akadémika ba Estudante foun no tuan durante loron tolu (3) hahú hosi loron kuarta,15 to’o sexta, 17 marsu 2023. Tema orientasaun maka hanesan “Ho Aktividade Akadémiku Tinan 2023 Bele Dezenvolve Koñesimentu Estudante Foun Sira Iha Ambitu Akadémika Nivel Ensinu Superior”. Aktividades Orientasaun ne’e halao iha kampus IPB Betano.
Total estudante ne’ebe maka partisipa iha orientasaun hamutuk nain 133 ho total estudante foun hamutuk nain 119 no estudante tuan nain 14.Hosi eskola superior engenharia hamutuk estudante nain 66 kompostu hosi estudante foun nain 59 no estudante tuan nain 7 no eskola superior agronomia I zooteknika hamutuk nain 67 kompostu hosi estudante foun 60 no estudante tuan nain 7.
Sr. Cipriano Tilman, M.PA hanesan primeiru Vise prezidente IPB ne’ebe reprezenta hosi magnifiku prezidente IPB hodi halao abertura ba atividade orientasaun akademika nee. Nia salenta katak ho laran luak agradese ba estudante foun sira mai iha institutu ida ne’e hanesan pasu pozitu ida ba ita boot sira bainhira hotu iha DII maka seidauk bele konsegue ho lisensiatura wainhira loke lisensiatura oportunidade diak ba ita boot sira hodi kontinua estudu iha instituto ne’e. IPB hari iha 2017 ate ohin loron ita hetan autonomia rasik iha 2021 katak instituto ne’e hamrik mesak no hahu restaurasaun to ohin loron ita nia governo foin maka hari instituto publiku ida nee mesak.
“Estudante sira la bele laran taridu tamba instituto ne’e iha dosente mestradu lubuk ida no lisensiatura hodi dedika sira nia an hodi mai hamutuk iha instituto ne’e hodi kapasita alin sira nia koiñesimentu para aban bainrua hadia imi nia futuru”. Dehan Sr.Cipriano.
(IPB-Dili, 09 Marsu 2023) – Institutu Politékniku Betano nia Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D asina akordu koperasaun programa tékniku ho Magnífiku Reitór UNTL Dr. João Soares Martins, MPH, Ph.D atu estabelese sistema E-learning, Jestaun Biblioteka no sistema avaliasaun dosentes. Serimónia asina akordu tékniku ne’e hala’o iha sala de video conferencia da Reitoria da UNTL, Campus Central, kinta ohin (09/03/2023).
Akordu ne’e atu estabelese koperasaun téknika ho Fakuldade Enjeñaria no Siénsia Teknolójia, Departementu Enjeñaria Informatika (FEST-DEI) hodi implementa atividade sistema informasaun akadémika no IPB iha interese tebes atu implementa programa ida ne’e.
Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D hateten katak ohin IPB asina tan akordu ba daruak nian ho UNTL liliu iha implementasaun sistema teknolójia. Agradese no apresia tebes ba Magnifiku Reitor ho estrutura tomak hodi realiza asina akordu tékniku ida ne’e. Koperasaun ne’e atu estabelese tan sistema informasaun iha IPB atu nune’e bele hametin liu tan koperasaun entre UNTL no IPB.
“Koperasaun dahuluk ho Departementu Enjeñaria Informatika UNTL ne’ebé mak estabelese ona Sistema Informasaun Jestaun Akadémika(siglá portugéz, SIGA) iha tinan kotuk no ohin asina tan akordu tékniku ba daruak nian atu estabelese tan sistema akadémika”. Dehan Prezidente IPB
Iha sorin seluk, prezidente IPB haktuir tempu ona timoroan ne’ebé mak iha kapasidade liliu iha area informasaun teknolójia no tenki fo konfiansa matenek ne’ebé sira iha hodi implementa iha ita nia rain.
Iha fatin hanesan Magnífiku Reitór Dr. João Soares Martins, MPH, Ph.D agradese wain tebes hasoru malu fila fali ho estrututa IPB sira asina akordu ba kontinuasaun nian liliu iha sistema informasaun teknolójia iha IPB. Koperasaun entre instituisaun rua ne’e importante teb-tebes presiza iha akordu ida hodi halao serbisu tuir baze legal.
“Iha atividade seluk mak ita presiza dezenvolve maka peskiza hamutuk entre IPB ho UNTL, espera katak ho koperasaun ne’e buras liután no fo rezultadu ne’ebé di’ak tantu UNTL no IPB”. Dehan reitor UNTL
Partisipa iha serimónia ne’e hanesan Segundu Vise Prezidente IPB, Sr. Amancio Horacio, Diretór Eskola Superior Agronómia no Zootéknika, Sr. Gaspar Ferreira Vicente, Diretór Eskola Superior Enjeñaria Sr. Fernando da Costa Fernandes, Diretór Administrasaun Akadémika no IT Sr. Pedro de Deus, M.Si, diretor DNAF, sr. Domingos Faria, diretor DNA, sr. Marito Soares, Pro Reitora ba Asuntu Estudantíl, Profesora Eng. Lígia T. Correia, M.Sc., Dekanu FEST Adalfredo Guterres da Silva Ximenes, M.Eng, Diretór Vosco Pereira, M.Eng, profesor Jose da Costa no Profesor Frederico Cabral, M.Eng.
Institutu Politékniku Betanu kontínua hasa’e bandeira kada fulan ba semana dahuluk, ohin segunda (06/08/2023) responsavél hasa’e bandeira hosi estudante Eskola Engenharia(ESE), kursu konstrusaun sivil iha resintu IPB Betano.
Dahuluk, Magnífiku Prezidente IPB, Prof. Assoc. Adj. sr, Acacio Cardoso Amaral, Ph.D, hakarak fó parabéns bá ekipa isar bandeira, tamba ezekuta servisu ho di’ak, kumpri oras no liuhosi isar bandeira ida ne’e, hodi fó onra ba erói nasional.
Prezidente IPB informa ba estrutura, dosentes funsionáriu administrasaun sira katak kumpri oras serbisu, hamosu unidade no kria estabilidade institutu nian, ba dosente sira kumpri oras hanorin, mantein unidade, kontinua dezenvolve no atualiza materia hanorin nian, ba funsionáriu administrasaun mantein oras serbisu, labele fuma iha kampus laran nomós ba estudante sira prezisa estuda makas nune’e hodi hetan valor di’ak hodi lori IPB nia naran.
“Tinan ne’e, sei simu estudante foun no husu ba asosiasaun estudantil sira presiza halo preparasaun di’ak ba orientasaun akademika tinan 2023 hodi simu ita nia alin sira ho di’ak, sorin seluk, sei iha formasaun pedagójia bá dosentes sira, nafatin fo hanoin ba gabinete segundu vise sira aselera ba asuntu ne’e” Dehan sr. Acacio.
Prezidente apéla ba eskola superior rua mak hanesan Eskola superior Agronómia no Zootéknika (ESAZ) no Eskola Superior Engenharia (ESE) ita sei iha akreditasaun kursu nian hosi Ajénsia Nasionál ba Avaliasaun no Akreditasaun Akadémika (ANAAA) mai iha IPB, tamba ne’e presiza preparasaun, forma komisaun no nafatin kopera servisu hamutuk.
Partisipa iha serimónia hasa’e bandeira ne’e mak hanesan Inspetór Jeral, Sr. Roberto da Costa Magno, Prmeiru Vise Prezidente IPB, Sr. Cipriano Tilman, M.PA Segundu Vise Prezidente IPB Amancio Horacio, Diretór DNAAEIT (Diresaun Nasional Administrasaun Akadémika no IT) Pedro Deus, M.Si, Diretór DNAF Sr. Domingos Faria, Diretór Eskola superior Agronómia no Zootéknika (ESAZ). sr. Gaspar F. Vicente, M.Sc, kordenador Kursu Produsaun Animal (KPA), Diretór Eskola Superior Engenharia (ESE), sr. Fernando da Costa Fernandes, M.Eng, Kordenador kursu Konstrusaun Sivil (KKS), xefe departamentu sira, funsionáriu administrasaun, dosentes no estudante sira.
