Dili, 11 Fevereiru 2021 (IPB) – Membru Konsellu Jerál IPB hala’o enkontru extraordináriu, ko’alia kona-ba regulamentu eleitorál Prezidente IPB ba periodu 2021-2025 iha sala enkontru Ministériu Ensinu Superiór, Siénsia no Kultura (MESSK), kinta-feira (11/02).
Betano, 09 Fevereiru 2021 (IPB) – Institutu Politékniku Betano hetan vizita hosi ekipa Casa Civil Palásiu Prezidensiál hodi hala’o sorumutu kona-ba asuntu vizitasaun PrezidenteRDTL nian iha resintu IPB(09/02).Objetivu hosi vizitasaun ne’e, ekipa Casa Civil identifika Institutu ne’e hodi aprezenta ba Prezidente RDTL ba sua exelensia nia vizitasaun ne’ebé sei akontese iha loron 23 to’o 25 fulan Fevereiru iha tinan ida ne’e. Iha loron 3 ne’e, sei loke expozisaun ou feira iha Institutu refere.
Bazeia ho enkontru ne’e, ekipa refere informa tan katak hosi vizitasaun Prezidenti RDTL sei iha programa ne’ebé propriedade hanesan dialogo no fahe informasaun no mós IPB rasik sei prepara no aprezenta kona-ba feira edukativu, produtu lokál nsst.
Alende ne’e, iha parte seluk iha mós Prezidente RDTL Nia espoza sei hala’o sosializasaun ba komunidade sira hanesan orfanato, Uma mahon liuliu ba feto Maluk sira no iha mós ekipa médiku espesiál sei halo tratamentu ba komunidade sira ho gratuita.Magnífiku Prezidente IPB Acácio Cardoso Amaral, PhD deklara katak Karik S.E Prezidente da RDTL deside atu vizita Institutun ne’e, ami sei haksolok tebes hodi simu sua exelensia Prezidenti RDTL nia prezensa. IPB mós sei selebra ninia aniversáriu ba dahaat iha 23-02-2021, karik vizita S.E Prezidente iha loron ne’e, ami sei haksolok liutan.
Partisipa hosi Magnífiku Prezidenti Acácio Cardoso Amaral PhD, Vise Prezidente I Cipriano Tilman MPA, Vise Prezidente II Paulo da Silva M.Eng, Xefe Finansas Domingos Faria, Polisia PNTL, F-FDTL no Ekipa Casa Civil Palásiu Prezidensiál.
Betano, 28 Janeiru 2021 (IPB) – Estudante Kursu Konstrusaun Sivil aprezenta relatóriu Estajiu Profisionál nian ne’ebé finaliza ona servisu profisionál iha Instituisaun governu ou Kompañia balu durante fulan 2 iha tinan 2020 liu ba. Aprezentaun ne’e iha sala Laboratóriu Instituto Politécnico Betano.
Totál estudante hamutuk na’in-35 fahe ba grupu 5 hanesan grupu 1 hamutuk na’in-6 aloka ba Munisípiu Baucau, Grupu 2 hamutuk na’in-9 iha Ministeriu Obras Publikas Dili, grupu 3 hamutuk nain-3 iha ADN Dili, grupu 4 hamutuk nain-8 iha Consultant Dongsung Munisípiu Likisa no grupu 5 hamutuk na’in-9 iha Munisípiu Vikeke Kompañia ICT.
Liuhosi aprezentasaun ne’e, Joel Pascoal da Costa Araujo B.Eng hanesan responsavél ba ekipa Estájiu Profisionál deklara katak aprezentasaun relatóriu Estajiu Profisionál iha resintu Kampus IPB la’o ho di’ak, maske failansu kiik ne’ebé mak estudante sira hasoru maibé ida ne’e normál no iha grupu balu hetan kedas valór no grupu seluk seidauk hetan valór tanba bazeia ba sira nia rezultadu relatóriu no presiza hadia nune’e sira bele hetan valór.
Durante kompostu hosi fatin 5 ne’e sira aprende iha parte tolu hanesan Survey, Kuantidade no Laboratóriu.Reprezentante Ostri Cardoso hanesan estajiariu ida relata katak dahuluk agradese ba IPB ne’ebé fó ona pasu ba sira hodi tun direitamente ba fatin refere hodi hala’o servisu Profisionál iha fatin refere, nune’e sira mós finaliza ona relatóriu final la’o ho di’ak, maske hasoru obstakulu oin-oin.
Iha parte seluk, rekomenda hosi kompañia refere husu ba Instituto IPB liliu iha kursu konstrusaun sivil atu aumenta durasaun tempu ba fulan 3 nian ba estudante sira hodi hala’o Estájiu no fiar katak sei akontese iha tinan 2021.”Dehan Joel”.
Betano, 27 Janeiru 2021(IPB) – Prezidente Instituto Politécnico Betano (IPB) hala’o enkontru Avaliasaun ho komisaun organizadora graduasaun dauluk IPB hodi ko’alia kona-ba avaliasaun ba graduasaun dauluk IPB nian ne’ebé halo ona iha 27-11-2020.
Liuhosi enkontru ne’e, Prezidenti Komisaun Organizadora (KO), Cipriano Tilman M.PA, haktuir katak graduasaun dahuluk IPB la’o ho di’ak no agradese ba kada seksaun komisaun organizadora nia servisu hamutuk. Espera katak ba oin sei iha mudansa liu tan hodi kopera ba malu hodi lori susesu IPB ba oin.
Iha enkontru refere, Domingos Faria hanesan Xefe departamentu Finansas aprezenta kona-ba orsamentu ba atividade graduasaun nian nomos kada seksaun.
Prezidente IPB, Acacio Cardoso Amaral, PhD fo parabens ba serbisu komisaun nian no fo hanoin atu saida de’it mak la’o la loos iha graduasaun dahuluk, sai lisaun ba graduasaun tuir mai, atu nune’e labele repete eru neebe ita halo ona. Fo hanoin atu gabinete Vice I prepara ba graduasaun tinan ida dala rua, tan ne’e husu atu Escola Superior sira prepara kondisaun atu bele iha tan graduasaun iha tinan klaran 2021.
Ikusliu enkontru ne’e, partisipa hosi IPB Acácio Cardoso Amaral, PhD, Vise Prezidenti I Cipriano Tilman M.PA, Vise prezidenti II Paulo da Silva M.Eng, Diretór Finansas Amancio Horacio no estrutura tomak.
Vizita hosi Sr. Onishi Takanori, JICA volunteer coordinator no Sr. Dario dos Santos, JICA Program Officer Timor-Leste Mai Instituto Politécnico Betano ko’alia kona-ba apoiu Japanese Volunteer mai Instituto Politécnico Betano (IPB).
