Notísia

Betano, 25 Setembro 2026 – Instituto Politécnico de Timor-Leste (IPTL) nia Magnífiku Prezidente Mestre Alcino da Costa Isaac A Fernandes M.Ed, abertura ba atividade deziminasaun Sistema SGDES-TL husi ekipa Diresaun Nasional Siénsia Teknolojia (Siglá Portugéz, DNCT) Ministériu Ensino Superior Siensia no Kultura (Siglá Portugéz, MESCC) nian iha Lab IT – IPTL.

Objetivu husi desiminasaun ida ne’e atu partilla ba Dosente sira iha IPTL nomos responsável ba sistema Portal SGDES-TL hodi bele asesu atu hare informasaun sira konaba dadus Dosente nian, Estudante nian inklui graduadu sira husi universidade iha Timor laran.

Alende ne’e mos sistema refere (https//sgdes.mescc.gov.tl) atu fasilita tékniku responsável atu bele atualiza dadus estudante sira nomos dosente sira atu bele fo sai informasaun detallu iha Porta SGDES-TL konabá identidade lolos husi kada dosente, estudante nomos graduados sira.

Entretantu iha parte loraik nian iha mos enseramentu ba atividade deziminasaun husi Primeiro Vise Prezidente IPTL Sr. Pedro de Deus.

Enderesu ba asesu sistema Portal SGDES-TL refere liu husi: https://sgdes.mescc.gov.tl

Partisipa iha atividade refere mak hanesan: Primeiro Vise no Segundo Vise-Prezidente IPTL, Inspetor Geral, Dosente Sira nomos ekipa tékniku responsável sistema SGDES-TL.

Média IPTL

Betano, 25 Marsu 2026 , Instituto Politécnico de Timor-Leste (IPTL) nia Magnífiku Prezidente Mestre Alcino da Costa Isaac A. Fernandes M.Ed hamutuk ho estrutura Gabineti Prezidente funcionário sira hala’o despedida ho estajiada Sra. Marquita Mendes Pereira, nu’udar mós alumni ida husi IPTL ne’ebé maka durante ne’e hala’o nia estajiu profissional durante fulan tolu nia laran.

Iha biban Ne’e mós Sra. Marquita agradese ba parte hotu tamba bele akompana hodi aprende prosesu serbisu administrasaun ninian husi inísiu to ohin termina.

Alende Ne’e mos Magnífiku Prezidente Mestre Alcino da Costa Isaac A. Fernandes M.Ed, akresenta tan husi parte IPTL laiha buat ida mak atu oferese maibé ho esperiensia naton nebe mak durante Ne’e aprende hamutuk iha IPTL bele sai hanesan bukae hodi habelar fali iha sosiedade.

Entretantu iha fatin hanesan iha sesaun entrega sertifikasu husi IPTL nomos tara Taís nudar simbolu agradesimentu.

Média IPTL.

Betano, 24 Marsu 2026, Instituto Politécnico de Timor – Leste (IPTL) nia Magnífiku Prezidente IPTL Mestre Alcino da Costa Isaac A. Fernandes hamutuk ho Diretór husi Eskola Superior de Agronomia no Zootécnica (ESAZ), realiza semináriu sientífiku hodi hasa’e koñesimentu no abilidade iha area siénsia aplikavel kursu produsaun animal nian jeralmente liga ho kapasidade adaptasaun iha area agrikultura nian hamutuk Oradores Prinsipal na’in-rua mak hanesan Dr Ture Simamora, S.Pt.,M.Si no Jonris Tampubolon, S.Pd.,M.Pd.

Diretór ESAZ Sr. Ir. Julio Vicente iha nia intervensaun husu ba estudante sira atu aproveita didiak iha seminariu refere tamba importante los hodi hasa’e kapasidade adapatasaun iha siensia foun ida ne’e konabá hakiak animal ninian nomos inovasaun iha téknologia hakiak animal ninian.

Iha biban hanesan Maginífiku Prezidente Mestre Alcino da Costa Isaac A. Fernandes M.Ed, hato’o bem – vindu no lori IPTL nia naran ba Oradores nain rua ne’ebé hakarak tebes atu mai Vizita Timor – Leste iha Sidade Same no espesialmente iha IPTL hodi fahe esperiensia UNIMOR nian mai iha IPTL liga no Seminariu Sientiku ida ne’e atu ba oin ita nafatin serbisu hamutuk iha area tékniku peskiza sientífiku ninian entre IPTL ho UNIMOR iha futuru.

Magnífiku Prezidente mos husu ba estudante sira atu aproveita didiak seminariu ida ne’e hodi aumenta esperiensia no kapasidade intelektual nian hodi hasa’e abilidade ba estudante sira iha serbisu sosial nian, alende ne’e mos Magnífiku Prezidente loke mos abertura ba seminar Sientífiku refere.

Seminariu Sientífiku ne’e hala’o iha Auditorium IPTl ho nia tema “Adaptive Capacity of Smallholder Farmers in Dry Tropical Region of Indonesia and Timor Leste in Supporting the Sustainability of Beef Cattel Bussines” no “Understanding English Proficiency and Tests for Academic Purposes”.

Partisipa iha Seminariu Sientífiku ne’e maka hanesan , Dosente EZAS no Estudante EZAS.

Média IPTL

Betano, 23 Marsu 2026 Instituto Politécnico de Timor-Leste (IPTL) nia magnífiku prezidente Mestre Alcino da Costa Isaac A. Fernandes partisipa iha atividade ne’ebé realiza hosi diresaun Sertifikasaun Dosente IPTL nian ne’ebé maka serbisu hamutuk ho Gabinete de Certificação e Avaliação do Docente Universitario (GABCEDU) iha resintu IPTL.

Diretór Sertikasaun Dosente IPTL nian Sr. Eduardo Neno afirma katak atividade ida importante tebes liga ho formasaun ida ne’e husu ita hotu atu aproveita didiak hodi sai hanesan referensia ida liga ho prosesu legal sira konabá sertifikasaun Dosente nian.

Iha biban hanesan Diretor Nasional Gabinete de Certificação e Avaliação do Docente Universitario (GABCEDU) hateten agradese lider másimu IPTL nian ho estrutura tomak tamba hili ona UNTL hodi bele serbisu hamutuk no partilla hanoin sira iha area Avaliasaun ba Certifikasaun Docente ninian atu nune’e ba oin bele iha rezultadu dezempeño diak ba futuru.

Alende ne’e mos Magnífiku Prezidente IPTL Mestre Alcino da Costa Isaac A. Fernandes hato’o agradese bo’ot ba tempo no disponibilidade tamba hakarak mai fahe esperiensia no informasaun sira ligado atividade Sertifikasaun Dosente ninian. Nia mos aumenta tan katak los duni ita nafatin kolabora ho UNTL sai hanesan referensia diak ida ba IPTL no ofisialmente abertura formasaun sertifikasaun

Partisipa iha Atividade Formasaun refere maka hanesan; Primeiro Vise Prezidente no Segundo Vise Prezidente IPTL, Inspetor Geral – IPTL, Ekipa GabCEDU-UNTL, Dosentes IPTL. Média IPTL

Betano, 13 Marsu 2026 – Instituto Politécnico de Timor-Leste (IPTL) liu husi Eskola Superior Agronomia no Zootéknika (ESAZ), Kursu Produsaun Animal (KPA) hamutuk ho estudante sira realiza kompetisaun no Semináriu Sientífiku hodi hasa’e mentalidade nudar ema tékniku diak ida nomos hasa’e konesimentu kreatividade no inovasaun iha area produsaun animal nian. Atividade refere hala’o iha Auditório IPTL.

Entretantu kompetisaun refere hetan prémiu primeiro lugar hosi estudante ho naran : Otilia Maria Alves Soares, segundu Lugar ho naran : Arzenio Bruno no terseiru Lugar husi : Frederico Rozindo Coi. Média IPTL

Betano, 13 Marsu 2026 – Instituto Poltécnico de Timor Leste (IPTL) nia Magnífiku Prezidente Sr. Alcino da Costa Isaac A. Fernandes, M.Ed hala’o audiensia ho reprezentante alumni husi Kursu rua Produsaun Animal no Kursu Konstrusaun Sivil hodi diskute kona-bá preokupasaun alumni sira nian resintu IPTL.

Objetivu prinsipal iha sorumutu ida ohin foku liu kona-bá oinsa maka atu hamoris asosiasaun alumni nian sai forte no metin liu tan ba oin tambá alumni mak rekursu instituisaun ne’e nian.

Alende ne’e mos hare kona-bá oinsa maka alumni sira atu mai kontinuasaun ba diploma III ho nia rekezitus no prosesu legal sira, nomos husu atu promove alumni sira husi kursu rua nian inklui koopersaun sira atu nune’e bele sai espellu diak ida iha sosiedade.Partisipa iha audensia refere maka hanesan, Xefi Gabinte IPTL, Jurídiku, Inspetor GIA-IPTL, reprezentante Alumni husi Kursu rua. Média IPTL.

Betano, 12 Marsu 2026 – Instituto Politécnico de Timor-Leste (IPTL) nia Maginífiku Prezidente halo enseramentu ba atividades orientasaun akadémika tinan 2026 iha resintu IPTL.

Iha biban ne’e mos prezidente komissaun Organizadora Sr. Abilio dos Santos, ba Atividade Orientasaun nian hato’o sentimentu orgullu no agradese ba alin estudante foun sira hotu ne’ebé maka durante ne’e esforsu sira ida-idak nian an hodi tuir orientasaun akadémika ida ne’e to remata.

Alende ida ne’e mós magnífiku prezidente IPTL Sr. Alcino da Costa Isaac A. Fernandes, M.Ed, iha ninia intervensaun molok ensera atividade refere hateten apresia ho estudante foun sira tamba bele koiñese ona ambiente IPTL nian durante iha tempu oreintasaun nian nomos hato’o agradese bo’ot ba Inan -Aman sira hotu ne’ebé husik hela sira nia oan hodi mai buka matenek iha Institutu ida ne’e. Nia husu ba estudante foun sira IPTL Mak sai mahon ba imi tamba ne’e husu nafatin fo hatene no sosializa ba komunidade no parte hotu.

Partisipa iha atividade enseramentu ne’e mak hanesan, Primeiro Vise Prezidente ho Segundo Vise Prezidente, Diretór ESAZ, Diretor ESE no Koordenador Kursu sira, Inspetor GIA- IPTL, Xefi Gabineti Prezidente, Xefi Departementu IQA no Xefi Departementu IT, Dosentes husi Kursu rua, ekipa komisaun organizadora nomos estudante foun Sira. Média IPTL

Betano, 11 Marsu 2026, Instituto Politécnico de Timor leste (IPTL) nia Komisaun Organizadora hala’o Orientasaun ba loron daruak ninian iha resintu IPTL.

Iha biban hanesan Ekipa husi Komandu F-FDTL Postu Naval Betano, fo treinamentu Ordem Unida ninian atu bele ajuda estudante foun sira nafatin firme sai forte no produtivu liu tan.

Alende ne’e mos atividade iha introdusaun husi Eskola Superior rua Enjenaria no Agronomia | Zootéknika, liu husi nia Diretores nomos Koordenador no Dosente Disiplina sira. Objetivu atu introduz ba kandidatu estudante foun sira hodi konhese ambiente husu Kursu rua nian nomos atu fo hatene ba kandidatu estudante foun sira ne’ebé maka hili ona IPTL tenki halo adaptasaun didiak iha prosesu orientasaun nian hodi konese diak liu ambiente ho nia ema sira ne’ebé maka inklina an iha IPTL. Média IPTL

Betano, 10 Marsu 2026, Instituto Politécnico de Timor Leste (IPTL) liu husi Magnífiku Prezidente IPTL Sr. Alcino da Costa Isaac A. Fernandes M.Ed, halo abertura ba orientasaun tinan akadémiku 2026 ho nia tema “ Transforma Estudante Ho Karakter Inavotivu, Produtividade No Exelente iha Era Globalizasaun”.

Iha biban hanesan Magnífiku Prezidente IPTL Sr. Alcino da Costa Isaac A. Fernandes M.Ed hato’o bemvindo ba kandidatnu estudante foun sira ne’ebé iha disponibilidade hakarak mai aprende iha Instituto Politécnico de Timor Leste (IPTL), liu husi kursu rua maka hanesan Kursu Enjenaria Sivil no Kursu Produsaun Animal, atu bele aproveita didiak hodi hasa’e abilidade no aumenta skill iha Instituto Politécnico de Timor Leste (IPTL).

Alende ne’e mos iha mos aprezentasaun liu husi Oradores prinsipal sira hosi parte oioin hanesan; Reprezentante Prezidente Autoridade Munisípiu Manufahi, Komandante PNTL Munisípiu Manufahi, Reprezentante Komisariu Komisaun Anti Korupsaun (KAK), inklui, Reprezenta Magnífiku Prezidente IPTL, Vise Prezidente IPTL nomos xefe departamentu IT. Media IPTL

Betano, 11 Marsu 2026, Instituto Politécnico de Timor leste (IPTL) nia Komisaun Organizadora hala’o Orientasaun ba loron daruak ninian iha resintu IPTL.

Iha biban hanesan Ekipa husi Komandu F-FDTL Postu Naval Betano, fo treinamentu Ordem Unida ninian atu bele ajuda estudante foun sira nafatin firme sai forte no produtivu liu tan.

Alende ne’e mos atividade iha introdusaun husi Eskola Superior rua Enjenaria no Agronomia | Zootéknika, liu husi nia Diretores nomos Koordenador no Dosente Disiplina sira. Objetivu atu introduz ba kandidatu estudante foun sira hodi konhese ambiente husu Kursu rua nian nomos atu fo hatene ba kandidatu estudante foun sira ne’ebé maka hili ona IPTL tenki halo adaptasaun didiak iha prosesu orientasaun nian hodi konese diak liu ambiente ho nia ema sira ne’ebé maka inklina an iha IPTL. Média IPTL