Notísia

Dili, 06 Dezembru 2022

Institutu Politékniku Betanu (IPB) nia magnífiku prezidente IPB, sr. Acacio Cardoso Amaral, Ph.D ho nia estrutura sira hala’o sorumutu ho Dr. Marthen L. Mullik no Dr. Imanuel Benu hosi Universidade Nusa Cendana (Undana –Kupang) hodi halo diskusaun kona-bá atu estabelese koperasaun entre parte rua ne’e,iha salaun MEJD, Vila-verde tersa ne’e, 06/12/2022.

Magnífiku Prezidente IPB Acácio Cardoso Amaral,Ph.D hateten katak IPB asina ona nota entidementu barak ho instituisaun, universidade iha nasional no internasional no ohin hala’o sorumutu ho Undana-Kupang atu kria tan planu koperasaun. Ho planu koperasaun ida ne’e atu garantia serbisu kualidade ba IPB no Universidade Nusa Cendana (Undana –Kupang). Ikus liu magnífiku prezidente hato’o agradese no obrigadu barak ba Professor Dr. Marthen L. Mullik no Dr. Imanuel Benu mai iha Timor hodi halo diskusaun ba koperasaun nian.

Professor Dr. Marthen L. Mullik salienta katak agradese tebes ba IPB hodi halo diskusaun hodi kopera serbisu hamutuk liu hosi koperasaun, objetivu hosi sorumutu maka aprezenta pilar importante maka hanesan rekursu umanu liu husi ensinu superior husi area pekuária,peskas no maritimo, peskiza ba area pekuária no programa dezenvolvimentu nian, iha sorin seluk Professor Dr. Marthen L. Mullik introduz kona-bá ezisténsia Universidade Nusa Cendana (Undana –Kupang) ba Maginifiku Prezidente IPB no estrutura sira.

Iha sorumutu ne’e, hala’o diskusaun lubuk ida hosi parte IPB no UNDANA-Kupang hodi aprezenta kona-bá perfil entre instituisaun rua ne’e nia ezisténsia no ikus hamosu konkordânsia iha tinan 2023 nia laran sei asina MOU/MOA tuir konsensu terminadu.

Entretantu,sorumutu ne’e partisipa hosi segundu vise presidente IPB, sr. Amancio Horacio, Diretór Nasional, Administrasaun, Akadémika, Estudantil no IT, (DNAAEIT), Sr.Pedro de Deus, M.Si, Diretór Nasional Aprovizionamentu (DNA) Sr.Marito Soares, Diretór sub Inspesaun auditória,Deolindo Henrique Pereira, Diretór Eskola Superior de Agronomia no Zootéknica (ESAZ) Sr. Gaspar Ferreira Vicente, M.Sc,Diretór Eskola Superior Enjeñaria (ESE), sr.Fernando da C. Fernandes, M.Eng, Xefe departementu rekursu umano, Sr Corado no xefe departementu finansas Sra.Judit.

Media IPB

Betano, 29 Novembro 2022

Institutu Politékniku Betano (IPB) liu hosi Eskola Superior Engeñaria,Kursu Konstrusaun Sivil hetan vizita hosi Eskola Sekundaria Teknika Vokasional Claret (ESTV Claret) kompostu hosi estudante nai’in 94 (Sia Nolu Resin Haat) no Professor nai’in 10 (Sanolu). Vizita nee hala’o iha resinto IPB, tersa, 29/11/2022.

Objetivu hosi vizita nee atu troka hanoin entre estudante IPB no Estudante ESTV Claret hodi hasae koñesementu no abilidade Estudante sira iha kursu Konstrusaun Sivil area Engenharia.

Iha vizita refere estudante sira hosi Eskola Sekundaria Teknika Vokasional Claret (ESTV Claret) hetan pratika mak hanesan parte dahuluk Laboratoriu Dezenho, parte daruak Laboratoriu Material Teste, parte datoluk Topografia, parte dahaat Soldadura no parte da lima Cofragen. Pratika hirak nee fornese hosi estudante Semestre haat, semester nee no apoiu masimu mos hosi dosente Kursu Konstrusaun Sivil.

Partisipa iha vizita nee mak hanesan Inspektur Geral IPB Sr. Roberto da Costa Magno, SP, MM, QIA, Diretor Nasional Administrasaun Akademika, Estudantil no IT (DNAAEIT) Sr. Pedro de Deus, M.Si, Korpu Dosente, Funsionariu no estudante Kursu Konstrusaun Sivil hotu.

Média IPB

Betano, 28 Novembru 2022

Institutu Politékniku Betano nia Magnífiku Prezidente IPB no Sívitas Akadémika hotu hakarak hato’o Parabéns ba povu tomak hodi komemora loron Proklamasaun Indepedénsia Timor – Leste ba dala 47, hodi hanoin hikas ba Eroi sira ne’ebé mak luta ba rai ida ne’e.
Mídia IPB

Betano, 14 Novembru 2022

Institutu Politékniku Betanu (IPB) liuhosi gabinete segundu vise prezidente – Administrasaun, Planu, Finansas no Koperasaun (VP-APFK), Sr. Amancio Horacio ho nia ekipa hodi realiza formasaun bá funsionáriu administrasaun sira durante loron lima (5) hahu hosi loron, 14 to’o 17 Novembru tinan 2022. Formasaun ne’e hala’o iha sala laboratóriu ESAZ-IPB.

Objetivu hosi formasaun ne’e maka atu kapasita funsionáriu administrasaun sira nia serbisu loron-loron ne’ebé sira hasoru hodi garantia kualidade serbisu iha institutu ne’e rasik.

Iha formasaun ne’e rasik, Sr. Amancio sai hanesan aprezentador hodi aprezenta materia ho tópiku mak hanesan jestaun planeamentu, ezekuasaun, relatóriu no jestaun administrasaun.

Partisipa iha formasaun mak hanesan diretór DNAF, Sr. Domingos Faria, Xefe departementu Aprovizionamentu, Sr. Veriato Mendonca, xefe departementu lojistika, Sr. Guido Amaral Alves, funsionáriu administrasaun finansas, funsionáriu akademika no estudantil, funsionáriu inspetór jeral, funsionáriu aprovizionamentu, funsionariu eskola ESAZ no ESE.

Media IPB

Betano, 14 Novembru 2022

Institutu Politékniku Betanu (IPB) nia magnífiku prezidente IPB, sr. Acacio Cardoso Amaral, Ph.D ho nia estrutura sira hala’o enkontru ho estrutura Politécnico Negeri Malang (POLINEMA) hodi diskute kona-bá koperasaun entre parte rua nian, liu hosi “zoom meeting” segunda ne’e, 14/11/2022.  

Objetivu hosi enkontru ne’e atu garante serbisu kooperasaun entre IPB ho POLINEMA atu estabelese kualidade edukasaun hodi hametin liu tán kooperasaun iha futuru.

Iha enkontru “zoom meeting ne’e hala’o diskusaun lubuk ida hosi parte IPB no POLINEMA hodi aprezenta video badak kona-bá perfil entre instituisaun rua ne’e nia ezisténsia  no ikus hamosu konkordânsia iha tinan 2023 nia laran sei asina MOU/MOA tuir konsensu terminadu.

Entretantu, sorumutu ne’e partisipa hosi Inspetor Jeral IPB, Sr. Roberto da Costa Magno, primeiru vise prezidente IPB, Sr. Cipriano Tilman, M.PA, segundu vise presidente IPB, sr. Amancio Horacio, Diretór Nasionál Administrasaun Finansas (DNAF), sr. Domingos Faria, Diretór Nasional Aprovizionamentu (DNA), Sr. Marito Soares, Diretór sub Inspesaun auditória, Sr. Deolindo Henrique Pereira, S.E.,M.Ak, Diretór Eskola Superior Enjeñaria (ESE), sr. Fernando da C. Fernandes, M.Eng.

Media IPB

Betano, 25 Outubru 2022

Institutu Politékniku betano liuhosi eskola superior agronomia no zootéknika kursu produsaun animal hala’o pratika konservasaun ai-han animal husi semestre IV husi Turma A no B.

Kuantidade silajen ne’ebe produs husi estudante sira iha pratika ne’e hamutuk 400Kg. Material prima ne’ebe utiliza ba halao pratika ne’e kompostu husi du’ut Panicum maximun 400 Kg, hare u’ut 40 kg, batar u’ut 20Kg, masimidar 8Kg, Masin 2Kg, EM4 70cc no be’e 20 litru.

Pratika ne’e implementa durante oras 11 ba turma rua. Pratika hala’o loron rua (24-25-10-2022) husi oras 06.00-11.30 dader iha resintu IPB

Media IPB

Dili, 14 Outubru 2022

Institutu Politékniku Betanu (IPB) nia Magnífiku Prezidente Sr. Acacio Cardoso Amaral, Ph.D asina Memorandum of Understanding (siglá Inglez, MOU) ho Yayasan Keluarga Pahlawan Negara, Yogyakarta, Republic Of Indonesia (STIE – YKPN), Professor Dr. Baldric Siregar, MBA, CMA, CA,AK kona-bá formasaun funsionáriu administrasaun sira ne’ebé haknar a’an iha IPB no iha posibilidade ba estudante sira. Serimónia asina MoU no MoA ne’e hala’o iha salaun MEJD, Vila Verde-Dili.

Objetivu hosi akordu ne’e, atu garante servisu koperasaun entre IPB ho YKPN hanesan parte ida atu estabelese koperasaun iha area edukasaun hodi fo bolsa estudu ba dosente, staff administrasaun no estudante sira atu kontinua estudu Lisensiatura no Mestradu.

Magnífiku Prezidente IPB Acácio Cardoso Amaral, Ph.D hateten katak ohin loron, espesiál tebes ba IPB ne’ebé estabelese tan koperasaun ho Yayasan Keluarga Pahlawan Negara, Yogyakarta, Republic Of Indonesia (STIE – YKPN). Ho koperasaun ida ne’e atu garantia serbisu kualidade ba IPB hodi fo oportunidade ba funsionáriu no estudantes sira bele halao estudu iha SITE-YKPN. Alende ne’e Prezidente IPB kontínua esplika istoria no ezistensia IPB ba Professor Dr. Baldric ho nia ekipa sira iha seremónia ne’e.

Professor Dr. Baldric Siregar, MBA, CMA, CA, AK salient katak agradese tebes ba IPB, tamba agora dadaun bele halo tán kooperasaun. Objetivu hosi asina MoU no MoA ne’e hanesan previléjiu bot ba STIE – YKPN. Liuhosi kooperasaun ne’e hodi hametin relasaun servisu entre IPB ho STIE – YKPN, iha sorin seluk Professor Dr. Baldric Siregar introduz kona-bá ezisténsia Yayasan Keluarga Pahlawan Negara, Yogyakarta, Republic of Indonesia (STIE – YKPN) ba Maginifiku Prezidente IPB no estrutura sira.

Partisipa iha asina MoU no MoA ne’e mak hanesan Primeiru Vise Prezidente Sr. Cipriano Tilman, M.PA, Segundu Vise Prezidente IPB, Sr. Amancio Horacio, Diretór Nasionál Aprovizionamentu Sr. Marito Soares, Diretór Nasionál Administrasaun Akadémika no IT (DNAAEIT), Sr. Pedro de Deus, M.Si, Diretor Nasional Administrasaun Finansas (DNAF), Sr. Domingos Faria, Diretor Eskola Superior Agronomia e Zootéknika (ESAZ), Sr. Gaspar Vicente Ferreira, M.Sc, Kordenador Konstrusaun Sivil, Sr. Afranio Glaudes Freitas, ST.MT no Professor Baldric ho nia ekipa sira.

Media IPB

Betano, 10 Outubru 2022 – Institutu Politékniku Betano (IPB) nia magnífiku prezidente IPB, Sr. Acacio Cardoso Amaral ho ekipa departmentu Enjeñaria informatica, Universidade Nasional Timor Lorosae (DEI-UNTL) ensera formasaun sistema Informasaun Jestaun no Akadémika (Siglá Portugéz SIGA) iha sala gabinete prezidente

Partisipa iha enseramentu formasaun mak hanesan prezidente IPB, sr. Acacio Cardoso Amaral, Diretór DNA, Sr. Marito Soares, Diretor Eskola Superior Engenharia Sr. Fernando da Costa Fernandes, Koordenador Kursu Konstrusaun Sivil Sr. Afranio M.G. Freitas , Xefi Departementu Finansas, Sra. Judit, Dosente Engenharia Informattila, Sr. Jose Pinto ho nia ekipa tekniku DEI-UNTL

Media IPB

Betano, 10 Outubru 2022 – Institutu Politékniku Betano (IPB) liu hosi gabinete primeiru vise prezidente IPB, Diresaun Nasionál Administrasaun Akadémika, Estudantil no IT (DNAAEIT) ho ekipa departmentu Enjeñaria informatica, Universidade Nasional Timor Lorosae (DEI-UNTL) abertura ba formasaun sistema Informasaun Jestaun no Akadémika (Siglá Portugéz SIGA). Abertura formasaun ne’e iha sala gabinete prezidente.

Sr. Jose pinto hanesan dosente Enjeñaria informatica salienta “hau lori ekipa ne’ebe durante nee hala’o servisu relasiona ho sistema SIGA ida nee ami iha team ida kona ba oinsa analiza dadus , dezenvolve sistema , kria dokumentasaun no fo treinamentu sistema refere tuir lolos ita hala’o ona antes lansamentu tanba iha komunikasaun ne’ebe diak entre IPB ho DEI-UNTL ohin ita foin mak realiza ita nia formasaun ida nee. Ami nia ekipa ida nee reprezenta hosi departementu informatika ne’ebe kria sistema ida nee laos foin iha IPB maibe ami kria ona iha lina miniisteriu balu. Ami nia ekipa kria sistema nee iha ministeriu hotu-hotu ne’ebe ho koperasaun diak ami senti orgullu no agradese tebes ba ita nia kolaborasaun ne’ebe solidu tebes espera katak ho formasaun ida ne’ebe hahu durante loron tolu nee bele fo pasu diak ba entidades hotu ne’ebe hamotuk hodi dezenvolve sistema ida refere. Aban ami sei fo formasaun tuir user ne’ebe ami kolokadu ona iha sistema refere no formasaun dahuluk ami fo ona ba parte IT durante loron tolu iha DEI-UNTL sira mak sai admin jeral hodi utiliza sistema nee iha IPB”. Liu hosi formasaun ida nee bele motiva ona ita hotu durante loron tolu no espera katak seistema refere bele kontribui ba servisu hotu iha IPB.

Diretor DNAAEIT Sr. Pedro de Deus hato’o mos bemvindo ba ekipa DEI-UNTL afirma mos katak formasaun ida nee hanesan koperasaun ida entre IPB ho DEI-UNTL ne’ebe mak hala’o ona durante tinan ida hahu hosi dezenvolve sistema rekolha dadus, identifika fatin no formasaun faze dahuluk iha IPB, daruak ba tenkniku DNAAEIT-IT iha hera no datoluk mak agora envolve entidades hotu iha IPB ne’ebe mak sei sai utilizador ba sistema refere, “ami espera katak iha prosesu utilizasaun nee lao ho diak karik ami iha difikuldade ruma ami koko atu ita nia koperasaun nee labele termina ba formasaun nee maibe koperasaun nee sei lao ba oin nafatin tanba sistema nee foun ba ami hanoin planu hela atu utiliza iha planu akademiku 2023, iha utilizasaun nee kuaze parte akademiku mak barak liu ne’ebe hahu hosi diresaun ba to eskola superior no dosente sira mak asesu ba sistema refere. Nafatin husu para loron tolu nia laran nee ba kolega diretor sira atu bele informa ba ita nia kolega dosente sira atu bele partisispa ativu iha prosesu refere tanba orsida ita mak nain ba utilizador sistema refere”. Karik iha difikuldade ruma ba utilizador sira nafatin konfirma ho ekipa tekniko IT-IPB hodi hakman difikuldades ne’ebe mak ita hasoru iha sistema nee rasik.

Inspektor Geral IPB Sr. Roberto da Costa Magno hateten “ami iha koperasaun ne’ebe diak entre entidades hotu iha IPB sistema ida ne’ebe maka agora implementa ema hotu-hotu bele kopera no liuhusi formasaun nee bele haforsa koinesementu ne’ebe diak hodi hafasil sistema servisu instituisaun nian, ami fiar katak buat sira ne’ebe ekipa DEI-UNTL hato’o durante formasaun bele sai targetu ba estudante funsionariu no dosente sira hotu iha IPB”. Prezensa DEI-UNTL iha IPB importante tebes durante loron tolu hahu formasaun atu kapasita estudante, funsoinariu no dosente sira iha sistema SIGA atu bele haforsa servisu instituisaun nian ba futuru nune’e abertura mós ba formasaun refere.

Partisipa iha abertura refere mak hanesan Inspektur Geral IPB Sr. Roberto da Costa Magno, Diretor Nasional Administrasaunn Akadémika no IT (DNAAEIT) Sr. Pedro de Deus, Diretor Eskola Superior Agronomia I Zooteknika Sr. Gaspar Ferreira, Diretor Eskola Superior Engenharia Sr. Fernando da Costa Fernandes, Koordenador Kursu Produsaun Animal Sr. Celestino G. Talo Mali, Koordenador Kursu Konstrusaun Sivil Sr. Afranio M.G. Freitas , Xefi Departementu RH, Xefi Departementu Aprovisionamentu no Xefi Departementu Logistik, ekipa tekniku DEI-UNTL

Media IPB