Notísia

Betano, 15 Agostu 2022

Institutu Poliktekniku Betano (IPB) hetan vizita hosi Direção Nacional da Promoção dos Direitos das Pessoas com Difeciencia (DNPDPD) Mtinistériu Solidaridade Sosial hodi koalia kona bá Monitorizasaun no koiñesementu estudante sira kona bá moris difisiente iha IPB.

Sorumutuk vizita nee entre Diretor Nacional da Promoção dos Direitos das Pessoas com Difeciencia (DNPDPD) ho Diretor Nasional Administrasaun, Akademika no Estudantil iha resinto IPB, tersa 15/08/2022.

Objetivu hosi vizita nee atu halo monitorizasaun liu hosi kestináriu ba estudante sira iha IPB hodi proteje no promove estudante sira nia koiñesementu kona bá moris ho difisiente.

Mídia IPB

Betano, 11 Agostu 2022

Institutu Poliktekniku Betano (IPB) liu hosi Eskola Superior Agronomia i Zooteknika Kursu Produsaun Animal realiza serimónia deliberasaun estajiadu tinan Akadémiku 2020 nian. Serimónia ne’e realiza iha resintu IPB kinta, 11/08/2022

Objetivu atu kapasita estudante sira liu hosi estajiu profesionál atu bele dezenvolve matenek intelektual etika disiplina estudante sira, promove sira nia kapasidade pesoál balu liu hosi aprende no prátika hodi partisipa iha ezijensia dezenvolvimentu provas nian.

Prezidente Komisaun Sr. Julio Vicente informa mos katak atividades ida ne’e hanesan atividades estudante sira nian ne’ebé atu aprende no hasae koinesementu liu hosi siensia ne’ebe durante nee sira aprende hodi aplika iha terenu nune bele forma kualidade rekursu ne’ebé mak di’ak.

Estajiu professional tinan ne’e kompostu hosi estudante hamutuk 40 haatnulu no distribui estudante sira ba iha munisipiu haat mak hanesan munisipiu Bobonaro estudante hamutuk nain 6 kompostu hosi feto nain2 no mane nain 4, munisipiu Dili estudante hamotuk nain 16 kompostu hosi feto nain 6 mane no nain 10, munisipio Manufahi estudante hamutuk nain nain 10 kompostu hosi feto nain 6 no mane nain 4, munisipiu Lospalos estudante hamutuk nain 8 kompostu hosi feto nain 3 no mane nain 5 total estudante hamotuk nain 40 kompostu hosi feto nain 17 no mane 23 ne’ebe mak ita deskola ona ba fatin estajiadu iha munisipio sira.

Iha sorin seluk Diretor Eskola Superior Agronomia i Zooterknika Sr. Gspar Ferreira apela mos ba estudante estajiariu sira katak imi sei estajiu iha fatin sira ne’ebe koloka ona durante fulan rua nia laran komesa hosi loron 11 fulan Agostu 2022 no sei fila fali mai IPB iha loron 11 fulan outubru tinan 2022 “imi hanesan estudante tenki responsabiliza ba kna’ar no responsabilidade ne’ebe iha mak hanesan disiplina, unidade, honestidade, saude hanesan estudante professional tenki halo adaptasaun ho ema foun sira iha fatin ne’ebe imi estajiu ba no nafatin halo aprosimasaun ho komunikasaun ne’ebe efektivu. Nunee mós abertura ba serimónia deliberasaun estajiadu.

Iha Fatin hanesan reprezentante Primeiru Vise Prezidente, asuntu Tekniku, Sientifiku, Pedagojika no Estudantil Sr. Pedro de Deus informa mos ba estudante sira katak “disiplina sai hanesan xave ba parte hotu tanba ita mos servisu iha komunidade nia leet, liga ho serviso komunidade imi nain 40 ne ita koloka ba fatin ne’ebe mak diferente no balu iha Instituisaun Governo no balu iha Komunidade tanba ne’e husu ba imi mantein nafatin regras ne’ebe mak ejiste ona iha fatin pratika karik imi difikuldade ruma persiza komunika ba malu atu hetan solusaun diak iha parte hotu, liu hosi baze fundamental mak hanesan disiplina sai hanesan save importante ba imi iha terenu

Partisipa iha serimónia refere mak hanesan prezidente Komisaun organizadora Sr. Julio Vicente, reprezentante Primeiru Vise Prezidente, asuntu Tekniku, Sientifiku, Pedagojika no Estudantil / Diretor DNAAEIT Sr. Pedro de Deus, Diretor Eskola Superior Agronomia I Zooteknika Sr. Gaspar Ferreira, Koordenador Kursu Produsaun Animal Sr. Celestino G. Talo Mali no korpus dosentes hotu hosi Kursu Produsaun Animal.

Mídia IPB

Betano, 09 Agostu 2022

Institutu Politékniku Betano (IPB) liu hosi Eskola Superiór Enjeñaria, Kursu Konstrusaun Sivil (ESE-KKS) realiza serimónia Judisium ba datoluk (III) nian, totál estudante sira partisipa iha judisium ne’e hamutuk 50 kompostu hosi Mane haatnulu resin rua(42) no Feto ualu(8). Serimónia ne’e hala’o iha resintu IPB, tersa ohin, 09/08/2022.

Magnífiku presidente IPB señor Acacio Cardoso Amaral, Ph.D hateten katak judisium ne’e importante tebes bá estudante sira tamba momentu espesiál ne’ebé sira hetan koñesimentu katak sira passa ona depois kumpri kritéria lubuk ida durante sira nia períudu estudu. Iha momentu ne’e hodi familia boot IPB nia naran, hakarak fó parabéns bá judisiáriu sira ne’ebé remata ona sira nia estudu. Nune’e loke abertura ba serimónia Judisium datoluk (III) nian tinan 2022.

“Hau espera ho titúlu ne’ebé imi hetan sei sai bukae atu habelar utilizasaun siénsia matenek no abilidade tuir misaun no misaun ESE no IPB rasik”. Dehan prezidente

Iha sorin seluk prezidente kongratula ba dosente no estudane finalista ESE-KKS 2019 kontribui ona ba buat lubuk ida mak hanesan kampu futsal no bee tatudak (Air mansur) iha resintu IPB

Señor Afraino Marcal G. Freitas, ST, MT hanesan kordenadór Kursu Konstrusaun dehan katak finalista na’in-50 ohin simu judisium ba datoluk nian no parabéns ba imi hotu nia susesu. Nia hatutan valor diploma ne’e la sai sasukat hodi desidi imi nia nivél kapasidade, maibé esperiénsia no prátika reál no atitude maka sai susukat.

Agradese no orgullu tebes ba finalista 2019 tamba sira simu matenek iha dosente sira no sira prátika siénsia iha terenu no realidade hatudu rezultadu iha IPB hanesan laborátoriu, kampu futsal no bee tatudak (Air mansur)”. Dehan kordenadór

Iha fatin hanesan, Diretór Eskola Superiór Enjeñaria Sr. Fernando da C. Fernandes apresia bá kandidatu graduandu sira ohin tuir serimónia judisium, ne’e hanesan prosesu ikus nian, nafatin enkoraja ba finalista sira siénsia ne’ebé ita bot sira hetan tenki aplika iha terenu nune’e presiza kontinua nafatin estuda makas no aprende bebeik importante maka hatudu imi nia matenek, atitude no etika.

Reprezentante Judisiáriu Romaldo de Andrade haktenik katak ohin loron sai hanesan loron ksolok ne’ebe mak ita hotu espera, tamba buat ne’ebé mak durante hein no esforsu maka sai hanesan inisiu iha prosesu estudu tomak. Agradese wain ba estrutura IPB no dosente ESE-KKS ne’ebé kapasita ona sira iha prosesu aprendizajén tomak no koñesimentu ne’ebé mak sira hetan.

Partisipa iha serimónia ne’e hanesan Inspetór jeral, Sr. Roberto da. C. Magno, SP, MM,QIA, Primeiru Vise Prezidente, Sr. Cipriano Tilman, M.PA, Segundu Vise Prezidente Sr. Amancio Horacio, Dirétor DNAF Sr. Domingos Faria, Diretór DNA Sr, Marito Soares, Diretór Eskola Superior Agronomia i Zootéknika Sr. Gaspar Ferreira Vicente, M.Sc, korpu dosente konstrusaun sivil, funsionáriu administrasaun, partisipante no inan-aman judisiarius sira.

Mídia IPB : Elisio

Foto: Elisio

Betano, 08 Agostu 2022

Institutu Politékniku Betanu liuhosi gabinete primeiru vise prezidente IPB ba Asuntu Tékniku Sientífiku, Pedagojka no Akadémiku  hodi realiza formasaun ne’e ba Estudante Asosiasaun  Akadémika Estudantil (AAE) partisipa formasaun hosi oradór UNTL  na’in-3 ho tema importante mak hanesan “Jestaun Lideransa”, “Jestaun Protokolu”, “Jestaun Organizasaun” no “moris nu’udar  estudante univesitáriu”. Formasaun ne’e realiza iha resintu IPB segunda, 08/08/2022

Objetivu maka atu kapasita estudante sira liuhosi formasaun lideransa intelektuál, étika no moral estudante sira, promove sira nia kapasidade pesoál balu, hahalok matenek, integridade pesoál liga ba objetivu servisu ho karaktér edukasaun nian.

Profesór Jacinto de Araujo reprezenta primeiru vise prezidente IPB deklara katak agradese tebes ba oradór  sira nia prezensa mai iha IPB hodi fahe sira nia esperiénsia ba estudante sira tamba ne’e husu ba estudante sira aproveita didiak oportunidade ne’e hosi ita nia oradór sira.

Iha fatin hanesan, señor Janio Tilman salienta katak ida ne’e oportunidade di’ak ba sira no ohin hetan previléjiudala ida tan iha IPB, atu fahe koñesimentu ba estudante sira liliu ho tema ne’ebé mak espesifíku no interesante tebes ba alin estudante sira. Sorin seluk señor Janio introduz mós esperiénsia ne’ebé mak sira iha.

Iha formasaun ne’e oradór UNTL nai’in-3 mak hanesan señor Janio Tilman, L.Ed, MA.Ss, señor Laurensio Suni, L.Ed no señor Hilario Gonçalves de Araujo, L.Ec hodi fasilita formasaun refere ho tema aprezentasaun importante tebes ba estudante sira.

Partisipa formasaun mak hanesan dosente Jacinto de Araujo, señor Janio Tilman, L.Ed, MA.Ss, señor Laurensio Suni, L.Ed, señor Hilario Gonçalves de Araujo, L.Ec no estrutura asosiasaun estudantil.

Mídia IPB

Betanu, 02 Agostu 2022

Institutu Politékniku Betanu (IPB) liuhosi Asosiasaun Desportu Akadémika (ADA) realiza kompetisaun modalidade hamutuk lima (5) no abertura ba atividade ne’e hosi magnífiku prezidente IPB iha resintu IPB Betanu.

Prezidente komisaun organizadora señor Jacinto de Araujo dehan katak atividade ne’e realiza hetan apoiu hosi Ministériu Ensinu Superiór, Siénsia no Kultura (MESSK) hodi hala’o atividade ekstra kuríkular estudante nian ho totál orsamentu dolár amerikanu $2500, maibé iha buat balu la nesesáriu nune’e hamenus orsamentu hodi aprova ba dolár amerikanu $2309. Objetivu hosi kompetisaun ne’e atu komemora loron falintil nomos komemora graduasaun datoluk ba estudante finalista sira.

Magnífiku prezidente IPB, señor Acacio Cardoso Amaral, Ph.D relata atividade refere hetan apoiu orsamentu hosi MESSK ba IPB, tanba ne’e atu konkista estudante sira-nia abilidade, hodi enkoraja sira liuhosi kompetisaun no bele halo mudansa liután estudante sira nia talentu.

Antes ne’e komisaun organizadora sira prepara ba kompetisaun modalidade ne’ebé mak iha ona. Iha modalidade lima (5) mak hanesan Futebol, Voliból, Maratona, Xadrez, Diskursu Sientífiku, nune’e iha mos formasaun lideransa. Dehan señor Jacinto.

Partisipa iha abertura refere mak hanesan Prezidente IPB, Acacio Cardoso Amaral, Prezidente komisaun organizadora, Jacinto de Araujo ho nia membru sira, Asosiasaun ADA, Dosente, Funsionariu Administrasaun no estudante sira.

Mídia IPB

Betano, 01 Agostu 2022

Institutu Politékniku Betanu kontínua hasa’e bandeira kada fulan  ba semana dahuluk, ohin segunda (01/08/2022 responsavél hasaé bandeira hosi estudante Eskola Superior Agronómia no Zootéknika (ESAZ) , Kursu Produsaun Animal iha resintu IPB Betano.

Dahuluk, Magnífiku Prezidente IPB Sr. Acacio Cardoso Amaral, Ph.D, hakarak fó parabéns bá ekipa isar bandeira, tamba ezekuta servisu ho di’ak, kada fulan ita hasa’e bandeira dala ida, hodi fó onra ba erói nasional sira liuhosi hasa’e bandeira tenki hatudu vontade di’ak, disiplina ba tempu.

“Hakarak fo hanoin ba estrutura sira nomós inspetór jerál ne’ebé mak hala’o ona kna’ar, presiza tau matan bá funsionáriu sira ne’ebé la partisipa iha serimónia hasa’e bandeira presiza tau atensaun mós ba asuntu sira ne’e. Dehan Prezidente.

Alende ne’e, Prezidente IPB apela ba estrutura no funsionáriu sira katak iha fulan ne’e ita sei iha akreditasaun institusional ANAAA mai iha IPB, presiza servisu hamutuk nomós tau matan ba enviromentu IPB, nafatin fó hanoin mós ba dosente permanente sira formasaun pedajójia seidauk remata tanba ne’’é kontinua dezeonvolve manual  planu lisaun no planu sensaun tuir komprimisiu ne’ebé sira iha, nune’e apela mós bá estudante finalista sira katak graduasaun sei realiza iha fulan agostu.

Iha sorin seluk, prezidente hakarak kongratula ba funsionáriu IPB sira ne’ebé hadia sintina funsiona ho di’ak nomós kongratula bá dosentes ho estudante kursu konstrusaun sivil sira ne’ebé mak rehabilita ona (Air mancur).

Partisipa iha serimónia hasa’e bandeira ne’e mak hanesan Inspetór Jeral, Sr. Roberto da Costa Magno, Prmeiru Vise Prezidente IPB, Sr. Cipriano Tilman, M.PA Segundu Vise Prezidente IPB Amancio Horacio, Diretór DNAAEIT (Diresaun Nasional Administrasaun Akadémika no IT) Pedro Deus, M.Si, Diretór DNAF Sr. Domingos Faria, Diretór (ESAZ) Eskola Superior Agronomia no Zootéknika Gaspar Vicente Fereira, M.Sc, Kordenador kursu Konstrusaun Sivil (KKS) no kordenador Kursu Produsaun Animal (KPA), Xefe Departamentu Logistica, Xefe departamentu Finansas, Staff Administrasaun, Dosentes no estudante IPB hosi kursu rua (2). Média IPB

Betano, 22 Jullu 2022

Ohin loron sexta, 22 Jullu 2022, Institutu Politékniku Betano nia Magnífiku Prezidente IPB Sr. Acacio Cardoso Amaral, Ph.D ho nia estrutura sira no Sentru Formasaun Polisia Akadémika, Komandante Superintendente Dr. Arquimino ho nia ekipa sira hodi ensera atividade formasaun pedagójia ba dosente IPB nian ne’ebé maka durante ne’e tuir formasaun refere durante semana-rua (2) iha resintu IPB.

Prezidente IPB Sr. Acacio Cardoso Amaral, Ph.D iha nia diskursu hateten katak agradese ba formador/a polisia akadémika tamba durante ne’e ami bele aproveita matenek balu ne’ebé husi ita timor oan, liuhosi formasaun durante semana rua ami aprende ona materia barak. Sorin seluk prezidente esplika mós ezisténsia institutu IPB to ohin loron

“Formasaun ne’e la para de’it iha ne’e, maibé sei nafatin kontinua formasaun kurríkulu no formasaun sira seluk, tamba ita halo ona koperasaun ho polisia akadémika”. dehan prezidenti.

Iha fatin hanesan, komandante Superintendente Dr. Arquimino Ramos iha ninia intervensaun salenta katak agradese tebes ba parte hotu-hotu tamba formasaun durante semana rua ne’e atividade lao ho di’ak, agradese ba konfiansa ne’ebé mai hosi IPB. Iha sorin seluk nia hatutan katak formasaun ida ne’e bele dezenvolve koiñesementu dosente sira nian iha planu kurikulár no mos peskiza  atu garantia bá kualidade.

Iha sorin seluk, Sra. Danina Nunes ne’ebé reprezentante hanesan formandu sira hato’o obrigadu no agradese ba ekipa formador/a hosi sentru formasaun polísia akadémika ne’ebé fahe ona imi nia matenek no fahe ona esperiénsia mai ami durante semana rua. Ikus liu hau atu hatete de’it katak formasaun mak termina ona, maibé sira nia servisu barak sei implementa iha servisu fatin.

Partisipa iha enseramentu formasaun ne’e hanesan Magnifiku Prezidente IPB, Sr. Acacio Cardoso Amaral, Ph.D, Diretor DNAAEIT (Diretor Nasional Administrasaun Akadémiku no IT), Sr. Pedro de Deus, M.Si, Diretor EZAS (Eskola Superior Agronomia e Zootéknika) Sr. Gaspar Vicente Fereira, M.Sc, Diretor ESE (Eskola Superior Engenharia) Sr. Fernando Fernandes, M.Eng, Koordenador KPA (Kursu Produsaun Animal), koordenador KKS (Kursu Konstrusaun Sivil), Komandante Polisia Manufahi Sr. Jonia Viana, Komandante Superintendente ho nia ekipa no dosentes sira

Mídia IPB

Dili, 22 Jullu 2022

Institutu Politékniku Betanu (IPB) nia estrutura sira ohin loron, 22 Jullu tinan 2022 partisipa iha seremónia Lansamentu Avaliasaun no Acreditasaun iha salaun katedral Dili.

Iha Seremónia refere partisipa husi Primeiru Vise Prezidente, Sr. Cipriano Tilman, M.PA, segundu prezidente IPB, Sr. Amancio Horacio, staff DNAEEIT Sr. Martinho da Conceição , Ministériu(MESSK) no Instituisaun publiku, privadu sira iha Timor leste.

Mídia IPB

IPB-Betano, 07 Jullu 2022

Institutu Politékniku Betano (IPB) liu hosi Eskola Superiór Agronomia i Zootéknika, Kursu Produsaun Animal (ESAZ-KPA) realiza serimónia Judisium ba datoluk (III) nian, totál estudante sira partisipa iha judisium ne’e hamutuk 50 kompostu hosi Mane 25 no Feto 25. Serimónia ne’e hala’o iha resintu IPB, kinta ohin, 07/07/2022.

Primeiru Vise Prezidente, Sr. Cipriano Tilman, M.PA reprezenta hosi Magnífiku Prezidente IPB hateten katak ba momentu espesiál ida ne’e finalista hamutuk na’in-50 partisipa judisium, maibé entre sira ne’e estudante ida ho naran Duarte Mouzinho fila hikas ba aman maromak la konsege simu sertifikadu. Vise hatutan katak dezáfiu no obstakulu sira maka Institutu ida ne’e hasoru, maibé imi la lakon esperansa kontinua la’o bá oin i ohin loron imi konsege finaliza imi nia estudu, maske liu hosi sofrementu ida ke bo’ot. Hafoin loke abertura ba serimónia Judisium datoluk (III) nian tinan 2022.

Sr. Celestino Goncalves T. Mali, M.Ec.Dev nu’udar kordenadór kursu Produsaun Animal hato’o ba estudante sira katak ohin loron ne’e espesiál tebes ba judisiáriu sira no parabéns ba imi hotu nia susesu. Estudante sira konsege ultra pasa dezáfiu sira no remata sira nia estudu. Nafatin husu ba estudante sira labele kontenti deit ho rezultadu ne’ebé mak iha, maibé koñesimentu ne’ebé ita bo’ot sira hetan husi kursu ida ne’e, tenki hatudu imi nia matenek iha komunidade sira.

Iha fatin hanesan, Diretór Eskola Superiór Agronómia i Zootéknika Sr. Gaspar Ferreira Vicente, M.Sc hateten iha momentu ida ne’e marka tán istória ida tan hodi realiza serimónia judisium ba datoluk (III) nian. Ita hotu senti orgullu maské institutu ne’e foun maibé konsege realiza judisium refere. Iha sorin seluk, Diretór hatutan ba judisiáriu sira katak matenek ne’ebé mak ita bot sira iha atu bele implementa koñesimentu sira ne’ebé mak iha, bele kria servisu ba an rasik no ba ema seluk.

Partisipa iha serimónia ne’e hanesan Primeiru Vise Prezidente, Sr. Cipriano Tilman, M.PA, Segundu Vise Prezidente Sr. Amancio Horacio, Dirétor DNAF Sr. Domingos Faria, Diretór DNA Sr, Marito Soares, Diretór Eskola Enjeñaria Sr. Fernando da Costa Fernandes, M.Eng, Diretór Eskola Superior Agronomia i Zootéknika Sr. Gaspar Ferreira Vicente, M.Sc, Kordenádor Kursu Enjeñaria Sivil Sr. Afranio M. G. Freitas, ST, MT,  korpu dosentes produsaun animal, funsionáriu administrasaun, partisipante no inan-aman sira.

Mídia IPB