Notísia

Betano, 07 Outubru 2021 (IPB)

Institutu Politékniku Betano liu hosi Eskola Superiór Agronomia i Zootéknika, Kursu Produsaun Animal (ESAZ-KPA) realiza serimónia deliberasun ba datoluk nian, totál estajiáriu sira ne’e hamutuk limanulu resin-ida(5) hodi hala’o estájiu ba iha komunidade sira durante fulan rua (2) nia laran. Serimónia ne’e hala’o iha kampus IPB.

Mídia IPB

Betano, 13 Outubru 2021

Institutu Politékniku Betano liuhosi Diresaun Nasionál Administrasaun Finansa (DNAF) hamutuk ho Primeiru Vise Prezidente Cipriano Tilman, M.PA hodi hala’o enkontru ho ekipa Ministériu Finansa hodi ko’alia kona-bá asuntu monitorizasaun servisu kontabilidade no hodi rona mos difikuldade husi parte Finansa nian no inklui prepara kondisaun hodi realiza Treinamentu Jestaun Finansa públika ne’ebé tuir planu realiza iha IPB.

Partisipa iha enkontru refere mak hanesan Vise Prezidente Cipriano Tilman, M.PA, Diretór Amancio DNAF IPB, Xefi departementu AFL, Funsionáriu DNAF parte kontabilidade no tezouru, Kordenadór monitorizasaun kontabilidade hosi Ministeriu Finansa ho nia ekipa.

Mídia IPB

Betano, 24 setembru 2021 (IPB)Institutu Politékniku Betano realiza serimónia asina Nota Entendimentu entre Imprensa Nasionál Timor-Leste (INTL) ho Federasaun Desportu Akadémika Timor-Leste (FDA-TL), nomós halo lansamentu ba estrutura Asosiasaun Desportu Akadémika (ADA-IPB) iha sala enkontru kampus IPB.

Iha serimónia ne’e, asina akordu entre IPB no INTL hodi entrega mós dokumentus ofisial refere no fahe informasaun kona-bá produtu hosi INTL. Iha fatin hanesan, kontinua programa lansamentu Asosiasaun Desportu Akadémika entre IPB ho FDA-TL.

Prezidente IPB Sr. Acacio Cardoso Amaral, P.hD iha diskursu relata katak iha lansamentu asina akordu ne’e agradese tebes ba servisu koperasaun nian hodi halo atividade prinsipál rua hanesan asina akordu parséria INTL, lansamentu asosiasaun ADA-IPB no pose ba estrutura ADA-IPB foun. Alende ne’e mos Prezidente esplika kona-bá istória IPB ne’ebé eziste to’o agora.

Sr. Jaime Coreia hanesan prezidente INTL hateten katak agradese tebes ba koperasaun ne’e liu hosi akordu entendimentu entre instituisaun rua, ne’e signifika katak IPB iha hanoin ona hodi salva guarda Orsamentu Jerál Estadu nian, tamba ne’e ba oin koperasaun servisu sai di’ak liu-tán entre instituisaun rua ne’e.

Alende ne’e, iha lansamentu desportivu diriji toma pose hosi Sr. Cipriano Tilman, M.PA nu’udar Prezidente Orgaun Asembleia Jeral ADA-IPB no kontinua fó pose ba estrutura ADA-IPB foun hodi simu kargu ba periodu 2021 to’o 2025.

Iha fatin hanesan Sr. Jacinto de Araújo nu’udar Prezidente Eleitu Orgaun Ezekutivu iha nia diskursu salienta katak ohin loron IPB marka istória foun ida ne’ebé dala-uluk hosi FDA-TL nivél nasionál mai hahu hodi harii ona Asosiasaun Disportivu Akadémiku (ADA-IPB) ne’ebé mak bele hamahan-an iha FDATL.

Liu hosi estabelesimentu estrutura asosiasaun ida ne’e ita sei la hakotu koperasaun ho komponente tomak, katak sei koopera ho intidade hotu no espera katak ho ekipa ida ne’e iha nia mandatu bele hamorin Institutu IPB iha Munisípiu, Rejional, Nasional no Internasional.

Iha sorin seluk Prezidente FDA-TL Sr. Zeferino Tilman, iha nia diskursu akresenta katak agradese ba parte hotu hotu tamba prepara ona fatin no konsege realiza serimónia lansamentu asosiasaun desportu iha Munisípiu Manufahi no Tome Pose ba estrutura ADA-IPB .

Alende ne’e iha mos aprezentasaun kona-bá Lalaok desportu Timor-Leste, Rezultadu alkansadu ADA hamutuk 15 koperasaun sira, Programa fiksu, atividade sira Reitor Cup no seluk tan.

Partisipa iha serimónia refere mak hanesan Presidente Sr. Acacio Cardoso Amaral, Ph.D, Primeiru vise Prezidente Sr. Cipriano Tilman, M.PA, Diretór DNAF Amancio Horacio, Diretór ESAZ Sr. Pedro de Deus, Kordenadór ESAZ no ESE, Dosentes sira, Vise Prezidente INTL ho nia ekipa, Prezidente FDA-TL ho nia ekipa no partisipante sira.

Mídia IPB

Betano, 22 Setembru 2021 (IPB) – Institutu Politékniku Betano nia estrutura tomak hala’o sorumutu ho ekipa monitorizasaun hosi Diresaun Nasionál Ensinu Superiór Tékniku (DNEST) kona-bá prestasaun servisu iha sala enkontru IPB.

Iha monitorizasaun ne’e, hala’o sorumutu ho diresaun hotu-hotu mak eziste iha Institutu Politékniku Betano hodi hare’e direitamente ba lalaok ka atividade servisu ba aspetu hotu iha IPB.

Hosi monitorizasaun refere hala’o ba komponente hotu hanesan Estrutura, Dosentes, Funsionárius no Estudante sira mak hamahon aan iha IPB.Objetivu hosi monitorizasaun ida ne’e hodi hare’e direitamente ba lalaok ka atividade servisu ba aspetu hotu iha IPB hanesan prestasaun servisu, ezekusaun orsamentu, planu estratéjiku, utilizasaun veíkulu no prosesu ensinu aprendizajen mak sirkula iha IPB ne’e rasik.

Monitorizasaun hala’o durante loron rua, hahú husi loron 22 – 23 fulan Setembru tinan 2021.

Mídia IPB

Betano, 25 Agostu 2021 (IPB-KRXG)Institutu Politékniku Betano liuhosi Gabinete segundu Vise Prezidente, señor Paulo da Silva, M.Eng ne’ebé reprezenta hosi Primeiru Vise Prezidente Asuntu Akadémiku, señor Cipriano Tilman, M.PA hodi hala’o sorumutu ho ekipa Inspetória Jerál – Ministériu Ensinu Superiór Siénsia no Kultura (IJ-MESSK) kona-bá monitorizasaun medida isensaun pagamentu propinas no subsídiu asesu internet, iha resintu IPB.

Objetivu hosi monitorizasaun ne’e, hodi hatene prosesu pagamentu propinas no asesu internet ba estudante sira ne’ebé ativu iha semester impar.

Mídia IPB

Betanu, 26 Agostu 2021 (IPB-KRXG)Institutu Politékniku Betanu (IPB), nia segundu Vise Prezidente señor Paulo da Silva, M.Eng, simu audiénsia hosi Ekipa Inspetória Komisaun Anti Korupsaun (siglá portugés, CAC) hodi diskuti kona-bá atividade aprendizajén ne’ebé relasiona ho dosente sira, iha sala gabinete presidénsia, kinta(26/08).

Objetivu hosi audiénsia ne’e, hodi diskuti kona-bá prosesu atividade aprendizajén servisu nian bá dosente kontratadu, destakadu no permanente hodi justifíka informasaun ne’ebé ho lolós, nune’e mós bá servisu administrasaun nian hanesan subsídiu akadémika.

Iha konkluzaun ikus katak hosi parte ekipa inspetória CAC agradese ba estrututura IPB ne’ebé fahe ona informasaun ho detallu, liuhosi komunikasaun ne’ebé lós ou lalós, maibé presiza dokumentus mak sai hanesan evidénsia forte ne’ebé ligadu ho asuntu sira ne’e.

Partisipa iha sorumutu refere mak hanesan Diretór DNAF, señor Amancio Horacio, Diretór DNA, señor Marito Soares, Diretor Eskola Superiór Enjeñaria , señor Fernando Fernandes, Diretór Eskola Superiór Agronomia no Zooteknika señor Pedro de Deus no Diretór Ezekutivu CAC ho ninia ekipa tomak.

MÍDIA IPB

Dili, 01 Setembru 2021 (IPB-KRXG)Institutu Politékniku Betano nia estrutura partisipa iha aprezentasaun kona-bá Sistema Informasaun Akadémika (SIA) hosi Departementu Enjeñaria Informática, Fakuldade Enjeñaria Siénsia no Teknolójia, Universidade Nasionál Timor Lorosa’e, (DEI-FEST-UNTL) iha resintu kampus Enjeñaria Hera, (01/09).

Iha aprezentasaun ne’e, Ekipa DEI-FEST aprezenta demonstrasaun sistema SIA-FEST mak hanesan, oinsá atu halo sistema jestaun ba servisu Akadémika nian, liu-liu ba dadus informasaun hanesan Funsionáriu, Dosente, Estudante no seluk-seluk tan.

Iha fatin hanesan, hosi parte IPB kongratula ba Ekipa DEI-FEST ne’ebé mak hato’o ona iha aprezentasaun sistema SIA-FEST ne’e, interesante tebes ba IPB atu nune’e hodi implementa sistema refere. IPB nia esperansa ba DEI-FEST nafatin kopera hamutuk hodi apoiu sistema informasaun Dijitál hodi implementa ba IPB nia di’ak i ba futuru.

Partisipa iha aprezentasaun refere mak hanesan Prezidente IPB Acácio Cardoso Amaral, Ph.D, Vise Prezidente Paulo da Silva, M.Eng, Diretór DNAF Amancio Horacio, Diretór DNA Marito Soares, IT IPB, Diretór Vosco Pereira, DEI-FEST ho nia ekipa tomak.

Mídia IPB

Betano, 17 Setembru 2021 (IPB) – Institutu Politékniku Betano liu hosi Eskola Superiór Enjeñaria, Kursu Konstrusaun Sivil (ESE-KKS) realiza serimónia Judisium ba daruak nian ho totál estudante sira hamutuk na’in tolunulu resin-lima (35) no serimónia ne’e hala’o iha resintu IPB Manufahi, ohin (17/09).

Señor Afraino Marcal G. Freitas hanesan kordenadór Kursu Konstrusaun Sivil hateten katak ohin realiza serimónia judisium hanesan tempu ne’ebé importante tebes ba judisiarius sira, matenek ne’ebé mak ita bo’ot sira hetan iha kursu ne’e tenki hatudu no implementa iha sosiedade sira nia le’et, tamba ne’e nafatin fuan bot no esperansa ba ita bot sira susesu ba oin.

Iha serimónia ne’e, hanesan Primeiru Vise Presidente señor Cipriano Tilman, M.PA ne’ebé reprezenta hosi Magnifíku Prezidente IPB hodi partisipa iha Judisium refere.Alende ne’e, Primeiru Vise Prezidente señor Cipriano Tilman, M.PA iha nia diskursu hateten katak iha momentu ida ne’e, estudante sira kompleta ona prosesu ensinu aprendijazen hodi husik hela knua IPB hodi ba moris ho komunidade sira. Ohin loron ita hare’e judisiarius sira oin midar ida ne’e signifika katak iha momentu ne’e, hamosu mos kontenti balu ba sira nia fuan katak terus ne’e hahu to’o ohin loron realiza duni sira nia mehi.

“Husu nafatin ba judisiarius sira labele kontenti de’it iha ne’e, maibé nafatin buka dalan atu bele kontinua prosesu ba iha futuru hodi kompete. Utiliza koñesimentu ne’ebé mak iha hodi implementa iha imi ida-idak nia munisípiu no neneik ba bebeik ita bo’ot sira nia futuru sei mudansa” Haktuir Primeiru Vise Prezidente.

Iha fatin hanesan, señor Fernando Fernandes, M.Eng hanesan Diretór ESE-KKS salenta katak iha momentu judisium ne’e hanesan etapa ikus ba judisiarius sira, tamba antes to’o iha etapa ne’e hasoru prosesu dezafiu barak no fin judisiarius sira alkansa ona sira nia objetivu durante sira hasoru, alende ne’e mos abertura ba serimónia judisium.

Iha sorin seluk, Reprezentante Judisiariu Frederico de Araújo iha nia diskursu haktenik katak agradese wain ba IPB ne’ebé simu sira hosi inisiu to’o ohin loron sira termina ona judisium, ba ESE-KKS ne’ebé kapasita ona sira iha prosesu aprendizajen tomak no koñesimentu ne’ebé mak sira hetan bele implementa iha komunidade sira.

Partisipa iha serimónia ne’e mak hanesan Primeiru Vise Prezidente Sr. Cipriano Tilman, M. PA, Diretór Eskola Superior Enjenharia Sr. Fernando da Costa Fernandes, M.Eng ho nia Kordenadór Sr. Afranio Marsal Glaudes Freitas, Kordenadór, Sr. Celestinu Gonsalves Tali,MEc.DEv Mali, Korpu Dosentes no partisipante sira.

Mídia IPB

.Betano, 27 Outubru 2021Institutu Politékniku Betano liuhosi Eskola Superior Enjeñaria – Kursu Konstrusaun Sivil realiza semináriu ba daruak nian ho tema “You and Only are responsible for Life Choices and Decisions”. Seminar ne’e hala’o iha kampus IPB.

Koordenador Afraino Marcal G. Freitas hateten liu husi seminariu ida ne’e ita bele hetan hanoin no matenek ruma husi ita nia orador sira no nia dehan semináriu ida ne’e mak hanesan reuniaun ida iha grupu atu hamutuk buka no enkontra solusaun sientifika ida atu hetan solusaun ba iha prolema ida no mos liu husi seminariu ida ne’e ita fokus liu ba ita nia objetivu atu hariku ita nia mind set / hanoin, atu ita la tauk monu hodi hakat ba oin.

Iha fatin hanesan, Diretór Eskola Superior Enjeñaria (ESE) salienta katak agradece ba oradór sira ne’ebé mak mai ho fuan bo’ot hodi fahe sira nia experiénsia, tanba ne’e nia husu ba estudante sira atu aproveita didiak oportunidade ida ne’e hodi aprende didiak tópiku sira ne’ebé mak interesante tebes ba estudante sira.

Prezidente IPB Acacio Cardoso Amaral, Ph.D iha nia diskursu hateten katak agradese ba Nai Maromak tamba ita konsege realiza seminár ba dala-rua, ho tema ne’ebé interesante “ You and only you are responsible for your life choices and decisions””Hau fiar katak, orador sira sei fahe bukae oinsa atu prepara an ba future depois de husik hela Institutu. Ha’u la iha duvida ba sira nia kapasidade, tamba ne’e hau mós sei la koalia barak, maibe hau hakarak fo bukae iha aspeitu seluk, aspeitu spiritual. Alénde neé prezidente mos konta istoria breve kona-bá IPB, hanesan Institutu Politékniku Betano halo koperasaun ho organizasaun oinoin, iha rai laran no rai li’ur. Instituisaun sira ne’e mak hanesan MOP, MAP, UNTL, CNEFP, CCI-TL no mos halo parseria balu iha rai liur hanesan iha Portugal ho Instituto Politécnico Braganca (IPB)”, Haktuir Prezidente IPB

Ikus liu hanesan Presidente IPB, hakarak dala ida tan hato’o agardesementu ba oradór sira neebe bele hakat to’o iha ami-nia fatin remota ida ne’e. Agradese mós ba estrutura Escola Superior Enjeñaria ba sira nia inisiativa realiza eventu ida ohin loron atu prepara ita-nia joven sira ne’e atu hasoru futuru ne’ebé kompetitivu. Abertura mos ba Semináriu ne’e.

Hosi aprezentasuan ne’e oradór sira mak hanesan”Orador dahuluk Sr. Armando de Almeida ho tópiku ”Way to be an Entrepreneur’’ Dalan oinsa atu sai Emprezariu, orador daruak Sr. Fernando C. Gomes ho tókipu‘’What’s Next after your Diploma Degree’’Saida mak ita sei halo depois hetan Diploma degree, oradór datoluk Sr. Leonardo G. Marçal ho tópiku ‘’From Students to be Professionais’’ Hosi estudante sai hanesan ba Professional.

Mídia IPB

Dili, 21 Juñu 2021 (IPB) – Institutu Politékniku Betano liuhosi Konsellu Jerál IPB no estrutura tomak realiza “Eleisaun Presidente IPB períudu 2021 to’o 2025“ ba dahuluk nian ne’ebé ofisialmente hala’o iha resintu auditóriu Fakuldade Engeñaria, Siénsia no Teknolojia Hera-Dili,(21/06).

Liuhosi Prezidente Konsellu Jerál IPB nian, Doutor Rui Daniel de Carvalho deklara katak ba eleisaun Prezidente IPB nian, hanesan faze dahuluk hodi realiza eleisaun Prezidente IPB ba tinan ida ne’e, nafatin tau konfiansa ba kandidatu nai’n-2 ne’ebé kompete ba eleisaun ne’e ba periudu 2021 to’o 2025 hodi kontribui dezenvolvimentu ba institutu ida ne’e di’ak ba futuru.Iha eleisaun refere,kandidatu nain-2 kompete ba eleisaun Prezidente IPB nian mak hanesan kandidatu dahuluk Profesór Acacio Cardoso Amaral, Ph.D no kandidatu daruak Profesór Claudio Filipe Ximenes Belo, M.Sc. nomos iha sesaun aprezentasaun programa ba kandidatu na’in-2 ba mandatu tinan 5 tuir mai.

Iha prosesu rezultadu eleisaun dahuluk, votasaun hosi kompozisaun Konsellu Jerál IPB nian hamutuk na’in-12 ne’ebé hili kandidatu dahuluk Profesór Acácio Cardoso Amaral, Ph.D hetan totál votu ne’en (6) no kandidatu daruak Profesór Claudio Filipe Ximenes, M.Sc totál votu ne’en (6) ho totál votus ba Kandidatu na’in-2 hanesan (drow), nune’e hosi parte Konsellu Jerál IPB deside hodi halo votasaun ba daruak nian.

Aleinde ne’e, iha votasaun ba daruak nian rezultadu dahuluk profesór Acacio Cardoso Amaral, Ph.D ho votu hamutuk sia (9) no kandidatu daruak Profesór Filipe Ximenes, M.Sc. ho votu hamutuk tolu (3) no ikus-liu Kandidatu dahuluk Profesór Acácio sai hanesan eleitu ba prezidente IPB ba períudu 2021 to’o 2025.

Iha fatin hanesan, Ministru Ensinu Superiór Siénsia no Kultura Doutor Longuinhos dos Santos, MM, kongratula ba Prezidenti eleitu foun hodi lidera IPB, maibé nafatin husu Prezidente foun presiza hadia kualidade formasaun, nune’e bele prepara ba rekursus diak ba nasaun hodi kompete ba kampu traballu.

Iha kongresu ne’e, partisipa hosi Ministru Ensinu Superior no Kultura Doutor Longuinhos dos Santos, MM, Ministru Agrikultura no Peskas Doutor Pedro dos Reis, Presidente Komisaun Funsaun Públiku Doutor Faustino Cardoso Gomes, Reitór UNTL Profesór Doutor João Soares Martins, MPH, Ph.D, Reitor IOB Doutor Pedro Ximenes, Diretór Ezekutivu ANAAA Doutor Edmundu Viegas, Diretór ADN Renato M. Monteiro da Cruz, Diretora Ezekutiva Laboratóriu Nasionál Saúde Sra. Endang S. da Silva, Profesór Cancio Monteiro dekanu FEST-UNTL, Diretora Ezekutiva Fundu Dezelvolvimentu Kapital Umanu Sra. Leila C. dos Santos, Pe. Nivio Lebre, FdCC, Konsellu Jerál IPB, Estrutura IPB, Funsionarius, Dosentes no estudante IPB.

Mídia IPB