Notísia

Betano, 12 Novembru 2025 – Institutu Politékniku Betano(IPB) nia Magnífiku Prezidente IPB, Estrutura no Sívitas Akadémika hotu hato’o Onra no omenajén ba juventude timoroan hodi hanoin hikas ba komemorasaun Masakre Santa Cruz ba dala-34 ne’ebé la hamutuk ona ho ita ne’ebé fó sira nia moris ba pátria no fiar ba sira ne’ebé kontinua hari’i futuru iha rai ida ne’e. Media IPB

Betano, 06 Novembro 2025, Institutu Politékniku Betano liu husi Eskola Superior de Agronomia I Zootéknika (ESAZ) Kursu Produsaun Animal(KPA) nia Dosente sira Aprezenta rezultadu Peskija ba estrutura máximu IPB durante fulan ida nia

Objetivu husi monitorizasaun ne’e atu bele hatene influensia adubu organiku (bokasi) ba kresimentu sorgum (Bioguma no super-9) ba plantasaun refere tuir nia klasifikasaun sira nomos hodi hatene tuir tempu kuda nian hodi bele hatene nia kresimentu ba plantasaun. Entretantu peskija refere hala’o iha Suku Betano – aldeia lalika. Marka prezensa iha fatin peskiza maka hanesan, Magnífiku prezidente IPB, Inspetor Geral IPB, Primeiro Vise-Prezidente IPB, Dosente EZAS nomos reprezentante departamentu peskija sientífiku IPB. Média IPB

Betano, 07 Novembru 2025 – Instituto Politékniku Betano (IPB) nia estudante hamutuk nai’in-Sanulu (10) akompañia ho dosente hodi partisipa iha seminár kona-bá Haburas Literásia Dijitál, Hametin Lia-loos iha Timor Leste ne’ebé organiza husi Timor Leste Press Union (TLPU). Semináriu ne’e realiza iha salaun formasaun sandalo (CEFOBOM) Manufahi.

Objetivu husi semináriu ne’e atu partilla informasaun ba estudante sira atu utiliza media sosial ho di’ak, maibé ho responsabilidade atu garante informasaun ne’ebé ho los (Hoax ka Fake) no uza teknolójia ho krítiku, seguru no responsavél.

Partisipa iha semináriu maka hanesan Dosente Sr. Eduardo Neno, estudante Ensinu Basiku, ensinu pre-sekundáriu, ensinu sekundáriu, Prezidente TLPU Sr. Candido, Prezidente KI, Reprezentante PAMM, reprezentante SECOMS no profesores sira. Média IPB

Betano, 16 Outubru 2025 – Institutu Politékniku Betanu liu husi Eskola Superior Agronomia no Zootéknika (ESAZ), Kursu Produsaun Animal (KPA) nia estudante sira hala’o atividade prátika Kulinária kona-bá materia emprendedorismu utiliza Manu Broiler (Frango de Corte). Atividade ne’e hala’o iha resintu kampus IPB.

Objetivu hosi atividade prátika Kulinária bá estudante sira maka atu eleva estudante sira nia koñesimentu iha area Kulinária, kapasita estudante kona-bá negosiu no estudante iha koñesimentu ona halo planu wainhira halo negosiu ruma. Media IPB

Betano, 16 Outubro 2025 Institutu Politékniku Betano (IPB) liu husi Eskola Superior de Agronomia no Zootéknika (ESAZ) kursu Produsaun Animal, ohin hetan sosializasaun husi ekipa Ministériu Agrikultura Pekuaria Peskas no Florestas (MAPPF) kona-bá programa Inseminasaun Artifisiál maka téknika pekuária modernu.

Objetivu prinsipál maka atu hadi’a kualidade jenétiku hosi animál hakiak sira ho lalais no efisiente, hadi’a produtividade, no aselera moris hosi animal sira ho kualidade.

Diretór Ezas Sr. Abilio hateten liga ho Sorumutu ida ohin importante tebes husi sosializasaun ida ne’e ba estudante sira relevante tebes konabá siensia liga ho aprendizazem iha kursu Produsaun Animal nian.

Diretór Geral Pekuaria hakarak hato’o agradese tebes tamba bele mai iha IPB pela premeira vez husi diresaun Pekuaria no Veterinaria iha ninia intervensaun liga ho progarama refere oinsá maka atu sosializa no habelar informasaun kontenti hodi fo hanoin hamutuk siensia aplikavel liga ho produsaun animal nian.

Nia akresenta tan katak, programa ida naran Inseminasaun Artifisiál oinsá maka atu ba tó ba iha prosesu fertilizasaun hodi hasa’e produtividade ba animal sira nian hanesan “Karau, Bibi, Fahi no Manu” liu-liu ba hakiak nain sira, nia mos husu ba hakiak nain husi suku betano no estudante sira atu habelar liu tan informasaun ida ne’e sosiedade sira tambá animal sira ne’e mos nudar valor ekonómiku ne’ebé bo’ot tebes presija tau atensaun hodi hasa’e pupolasaun ba animal sira.

Iha fatin hanesan Primeiru Vise Prezedente IPB Sr. Cipriano Tilman apresia los programa ida ne’e atu bele introduz hodi bele kompreende diak liuk kona bá programa Inseminasaun Artifisiál. Nia mos hatutan katak presija tebes apoiu governu nian hodi bele ultrapasa situasaun ne’ebé maka komunidade sira enfrenta, apresia mos ho siensia sira ne’e ba alin estudante sira atu bele aproveita didiak hodi bele aplika iha futuru. Alende ne’e loke mos sesaun ba atividade programa Inseminasaun Artifisiál refere. Partisipa iha sorumutu ida ohin maka hanesan, Inspetor GIA – IPB, Autoridade Lokal Suku Betano Estudante no ekipa husi Ministériu. Media IPB

Betano, 14 Outubro 2025 – Institutu Politékniku Betano nia Estrutura no Sivítas Akadémika tomak presta Omenajen ikus ba matebian Deonega Nunes Pereira Viana nu’udar mos funsionáriu ida husi IPB, ne’ebé maka hakotu ona ninia jornada moris nian iha loron 12 Outubru 2025.

Inspetor GIA Sr. Roberto da Costa Magno, reprezenta Institutu Politékniku Betanu hato’o ninia agradese ba Matebian nia di’ak tomak durante hala’o iha serbisu fatin, ne’ebé sakrifika nia-an ho vontade diak hanesan ema ne’ebé lahatene hirus, ema ne’ebé serbisu ho nonok pasensia no hatudu tebes ninia loyalidade ba Instituisaun ne’e.

Depois despedida ikus, akompañia ho familia matebian nian hodi partisipa misa requem iha Igreja Paróquia São João Baptista Betano hodi simu bensaun ikus hafoin lori ba halot iha semitériu.

𝑨𝒅𝒆𝒖𝒔 𝑫𝒆𝒐𝒏𝒆𝒈𝒂 𝑵𝒖𝒏𝒆𝒔 𝑷𝒆𝒓𝒆𝒊𝒓𝒂 𝑽𝒊𝒂𝒏𝒂 𝑫𝒆𝒔𝒌𝒂𝒏𝒔𝒂 𝒆𝒎 𝑷𝒂𝒛

Media IPB

Malázia, 14 Outubro 2025 – Instituto Politékniku Betano (IPB) nia Magnífiku Prezidente IPB, Mestri Alcino da Costa Isaac A. Fernandes, M.Ed partisipa iha Diálogu Polítika EU_ASEAN Hasa’e Talentu no Dezenvolvimentu Abilidade Liuhusi Internasionalizasaun iha Pullman Hotel Kuala Lumpur Malázia iha loron 14 to’o 15 Outubro durante loron rua (2). Media IPB

Betano,10 Outubro 2025 Instituto Politékniku Betano (IPB) realiza serinónia solene liu husi graduasaun ba dala-6 nian ho tema prinsipal mak hanesan “Os graduados demonstram competência para promover o bem-estar da sociedade, por meio da sua kontribuição dos produtos pecuários em Timor-Leste” serimónia ne’e realiza iha loron sexta 10/10/2025.

Ohin loron, IPB realiza graduasaun ba dala-6 nian ho total graduasaun hamutuk na’in 111 hosi eskola Superior Agronomia i Zootéknika,kursu Produsaun Animal ho total graduadu hamutuk na’in-62 no hosi Eskola Superior Enjeñaria Kursu Konstruisaun Sivil ho total graduadu hamutuk na’in 49.

Prof. Acacio Cardoso Amaral hanesan prezidente sesante nudar mos “Orador Sapient” ba graduasaun Daneen (6) iha IPB 2025, iha ninia intervensaun dehan ba graduadu husi konstrusaun Sivil no Produsaun animal, liu husi dezenvolvimentu sustentavel no dezeña infraestrutura sira nune’e mos hasa’e kresimentu ba produsaun sira tuir koñesimentu no abilidade ne’ebé ita hetan ho kareira professional hodi ajuda forma Nasaun ida ne’ebé forte saudevel no sustentabel. Ema matenek ida harii fundasaun iha fatuk leten laos iha rai henek, fatuk ne’e maka maromak nia sabedoria, bainhira ita tau uluk maromak ita sei harii serbisu forte, metin no signifikadu ba Timor-Leste.

Prezidente IPB, Mestre Alcino da Costa Isaac A. Fernandes,M.Ed, iha nia diskursu hateten katak finalista sira tenki servisu makas tamba sociedade hein hela ita bo’ot sira nia kontribuisaun parabens ba ita boot sira nafatin asegura ita bo’ot sira nia almamater IPB.

Nia mos salienta tan katak ba graduadu sira susesu liu husi kapasidade akademika, kontinuidade determina husi maturidade, comportamental no independente iha servisu. Nia mos hato’o agradesimentu ba Orador Sapientia, parebéns ba Inan-Aman sira tamba bele husik sira nia Oan mai eskola iha IPB betano.

Iha fatin hanesan Ministro Ensino Superior Siencia no Kultura (MESSK), Mestre Jose Honorio da Costa P. Jeronimo hato’o parabens ba graduadus sira hotu hosi eskola superior Agronomia i Zootéknika Eskola superior Enjeñaria, liamenon ba estudante sira tenki respeitu malu, estudante sira mos tenki iha obrigasaun respeitu Profesor sira, tamba ita kuandu matenek mais ita nia atitude la diak nee hanesan deit tenik nia.

Partisipa iha Serimónia solene graduasaun refere maka hanesan, Prezidente Komisaun D parlamentu nasional, Diretór Nasional, Diretor Munisipais, Komandante PNTL munisípiu ho nia ekipa, Komandante F-FDTL postu naval Betano, Komisaun Funsaun Públika nia Reprezentante, Autoridade lokal, Sekretaria Ezekutivu INCT, UNTL, IBTL, OPS suku Betano, ekipa Telkomcel, Atase Pendidikan Indonesia, Inan- Aman husi Graduadu sira no konvidadus. Media IPB