Notísia

Betano, 28 de Agostu 2025, Ekipa tékniku sira husi MESCC no IPB akompaña kompañia sira hodi ba hare “Site Visit” ba fatin foun atu kontrui edifisiu IPB nian iha Futuru atu nune’e bele sai hanesan referensia hodi hare estimasaun atu bele mos tuir tenderizasaun iha tempu badak. Media IPB

Betano, 28 Agostu 2025, Instituto Politékniku Betano (IPB) nia Magnífiku Prezidente sr. Alcino da Costa Isaac A. Fernandes, akompaña husi Vise-Prezidente nain rua ohin hamutuk ho superior sira husi IPB inklui Ekipa husi Ministeriu Ensinu Superior Siênsia no Kultura husi Diretor Jeral diresaun Planeamentu administrasaun no Finanasas, halo diálogu ho Komunidade “Benefisiarius” suku Betano diálogu ne’e hala’o iha IPB.

Iha Fatin hanesan Magnífiku Prezidente IPB, Sr. Alcino da Costa I. A. Fernandes, M, Ed hateten ba benefisiariu sira katak ita tenke kolabora no tau hanoin hamutuk hodi oinsa ita asesu estrada ba edifisiu Foun. Hanesan betanu oan no manufahi oan tenke orgullu tamba Instituto Politekniku ne’e hanesan ICON ida husi Munisípiu Manufahi.

Xefe suku betano Sr. Filipe de Araujo hato’o intervensaun katak hanesan autoridade suku Betano Prontu kopera ho entidades hotu kona-bá Dezenvolvimentu IPB, tamba rai ne’e persiza naroman no ba oin labele hela hanesan ne’e de’it tenki iha mudansa, ne’ebé aman sira iha ne’e hau fiar katak ohin mai iha nee ho hanoin sira ne’ebé konsultivu ba rai ida ne’e liu-liu ba IPB nia prosesu dezenvolvimentu.

Entretantu Diretor Jeral Planeamentu Administrasaun no Finanas Sr. Trinito Sarmento (MESSK) iha ninia intervensaun mos hateten katak IPB sei sai Institutu Poliitékniku Timor-Leste iha futuru tambá ne’e nia husu ba benefisiariu sira atu kontribui ho fuan no Laran hodi hamorin Betano ba Timor-leste nomos Mundu Internasional, tamba ne’e IPB naran bo’ot laos deit husi Estadu maibe mai husi ita hotu nia kontribuisaun.

Alende ida ne’e mos ekipa tékniku husi Gabinete IPB hatudu Foto, Video konaba mapamentu ba dalan atu konstrui hodi asesu ba konstrusaun edifisiu foun IPB nian.

Depois de diálogu hotu iha mos konkordansia asina akta husi parte IPB, MESSK, Autoridade lokal sira hamutuk ho Kumunidade “ benefisiarius” hodi sai hanesan matadalan ida atu nune’e bainhira iha prosesu levantamentu dadus karik tuir konkordansia ne’ebé maka asina hamutuk ona.

Partsisipa iha diálogu refere maka hanesan Primeiro Vise-Prezedente IPB, Segundu Vise-Prezidente IPB, Autoridade Lokal husi Suku Betano, Lia-Nain, ekipa Tékniku husi Ministériu Ensinu Superior Siensia no kultura no mos Komunidade “ benefisiarius “ sira. Media IPB

Betano, 27 de Jullu 2025, Instiuto Politékniku Betano (IPB) nia Magnífiku Prezidente IPB Sr. Alcino da Costa Isaac A. Fernandes hamutuk ho gabineti no estrutura superior sira hala’o reuniaun ho ekipa husi Ministériu Ensinu Superior Siênsia no Kultura (MESSK), Diresaun Planeamentu Finansas hodi halo diskusaun lubuk ida ba preparasaun kona-bá prosesu atu loke dalan hodi asesu ba kampus foun IPB nian iha futuru. Tamba antes ne’e iha ona konkordansia no asina akta husi parte Autoridade lokal Suku Betano ho IPB rasik hodi fortifika prosesu sira hotu.

Objetivu prinsipál maka husi parte Ministériu rasik hamutuk ho IPB elabora hamutuk ajenda balun hodi nune’e bele aprezenta tuir planu ba komunidade afetadu sira husi Suku Betano, tambá ne’e informasaun detaillu kona-bá prosesu sira hotu enkontru nian sei akontese iha Loron aban kinta, 28/08/2025. Média IPB

Betano, 26 Agostu 2025 – Atividade ohin nia objetivu atu produs Bokasi nu’udar adubu orgániku hodi utiliza ba pesquiza dezenvolvimentu Sorgum no randominizasaun ba lokal peskiza nian iha Aldeia Lalica, Suku Betano, Posto Administrativu Same, Munisipiu Manufahi.

Atividade Peskiza entre peskizador husi dosente IPB no dosente Departemento Agro- Pecuaria, FAGR-UNTL hamutuk ho estudante kursu produsaun animal

Betano, 19 Agostu 2025 – Institutu Politékniku Betano(IPB) nia Magnífiku Prezidente Mestre Alcino da Costa Isaac A. Fernandes hamutuk ho Estrutura, Korpu Dosente no Funsionáriu Administrasaun hakarak hato’o Parabéns ba aniversáriu loron FALINTIL bá-dala lima-nulu (50).

Imi nia luta mak ami nia liberdade no povu tomak nia liberdade. Mai ita hotu-hotu hasa’e Onra no Gloria ba Heroi no Heroina ho Matíres da Patria sira hotu, atu Nai Maromak haraik fatin dignu ba sira hotu. Media IPB

Binani, 16 Agostu 2025 – Instituto Politékniku Betano (IPB) nia Magnífiku Prezidente IPB, Mestre Alcino da Costa Isaac Andrade Fernandes, akompaña husi Inspetor Geral IPB no estrutura Gabinete Prezidente nomos Diretor ESE ho Estudante IPB husi kursu rua CC no PA partisipa iha serimónia Soléne Komemorasaun Loron FALINTIL 20 Agostu iha Binani, Suku Mindelo, Postu Administrativu Turiscai.

Iha momentu ne’ebé hanesan Prezidente IPB hamutuk ho estudante sira akompaña ho Falintil Forsa Defesa Timor-Leste (F-FDTL), lao ain hahu husi Osnako ba to’o iha Binani hodi hatudu sentidu patriotismu no hanoin hikas aswain sira ne’ebé fo sira nia isin lahatene kolen hodi liberta rai ida ne’e ba ukun rasik an.

Partisipa iha selebrasaun ne’e, Exelensia Prezidente da Republika, Dr. Jose Ramos Horta, Prezidente Autoridade Munisipiu Luis Marçal da Costa Tavares, Sua Exelénsia Visi Ministru Asuntu Parlamentar, Aderito Hugo, Maijor Tanente Jeneral Falur Rate Laek ho Ekipa, Maijor Tanente Jeneral Reformadu Lere Anan Timur, Reprezentante Ministeriu Planeamentu Investimentu Estratejiku, Komandante PNTL Munisipiu, Prezidenti Kombatentes Libertasaun Nasional Manufahi, Lideransa Komunitáriu, Komandante APC ho ekipa, Cruz Vermelha de Timor-Leste, Sossiedade Sivil no Ajénsia Internasionál sira. Media IPB

Kovalima, 07 de Agostu 2025, Instituto Politékniku Betano (IPB) liu husi Eskola Superior Enjeñaria (ESE), Kursu Konstrusaun Sivil (KKS) hala’o atividade Estudu kampu liu husi estudante turnu 2025 akompaña mos ho Dosente disiplina sira maka hanesan Ingles para Enjeñaria, Gestão de Obra, Estrutura Betão Armado, hala’o vizita estudu iha auto Estrada (Jalan Tol) no Ponte Mola Zumalai iha Kovalima durante loron rua, 07-08 Agostu 2025.

Objetivu husi vizita estudu kampu ne’e hasa’e koñesimentu estudante sira kona-bá lala’ok oinsa halo Ponte no lala’ok Estrutura Ponte nian ba estudante sira hodi bele hatene projetu implementasaun real iha terenu atu nune’e bele mellora diak liu-tan koñesimentu hodi hasa’e kapasidade tékniku diak ida ba futuru.

Iha loron tuir mai dosente hamutuk ho estudante sosializa kona-bá misaun kursu konstrusaun sivil nian, rekursu humanus, fasilidade no infra-estrutura kursu konstrusaun sivil nian ba estudante iha Eskola Secundária Geral Publiku de Zumalai.

Iha fatin hanesan, estudante sira no dosente halo vizita ba eskola sekundaria tékniku vokasional Akar laran hodi hare diretamente fasilidade hanesan fatin ba diretor eskola, fatin ba adjuntu, aula ba professores, aula apredizajen, haris fatin, asrama ba mane no feto no mos fasilidade sira seluk tan.

Iha sorin seluk maka, estudante konstrusaun Sivil turnu 2025 halo jogu amizade ho joventude suku Labarai postu administrativu Zumalai Munisípiu Covalima, partisipa iha jogu refere xefi suku Labarai, kominidade Labarai, Koordenador Konstrusaun Sivil, dosente Konstrusaun Sivil no estudante sira.

Partisipa iha atividade refere mak hanesan Koordenador Kursu konstrusaun Sivil, dosente IPB, estudante KKS turnu 2025, Diretor eskola, Professores no estudante iha Eskola Secundária Geral Publiku Zumalai. Media IPB

Betano, 29 de Jullu 2025, Magnífiku prezidente IPB Sr. Alcino da Costa I. A. Fernandes hamutuk ho estrutura IPB nian halao enkontru ho autoridade lokal suku Betano nian hodi hare hamutuk plano servisu liga ba dalan foun ne’ebé atu halo markasaun tuir nesesidade Intitutu nian.

Iha nia intervensaun mos hateten agradese tebes ba kooperasaun entre IPB ho Autoridade lokal sira iha suku betano ne’ebé maka hakarak los atu kontribui ba dezenvolvimentu iha rai Betano.

Iha fatin hanesan tékniku sira husi IPB mos demostra video badak ida konaba markasaun area mapamentu pontu husi dalan entrada no saída nian hodi hare hamutuk hanesan referensia ida ba plano implementasaun iha futuru.

Alende ida ne’e Xefi Suku Betano iha ninia intervensaun heteten prontu kopera ho parte Intituisaun nomos governo hodi lori dezenvolvimentu mai Suku betano, maibé presija kria diálogu ida mais profunda tenki define lolos atu nune’e fo hatene ba benefisiarius sira labele dúvidas.

Entretantu durante enkontru ne’e mos hosi parte rua hamosu akta ou deklarasaun ida asinadu husi Instituisaun nomos parte Auridade lokal nian hodi distribui serbisu ligadu ho serbisu tekniku nian hodi aselera prosesu sira hotu iha tempu besik.

Marka prezensa iha enkontru ohin maka hanesan , Lider Komunitariu sira husi Suku Betano, Lia-Nain, Superior Sira hosi Institutu Politékniku Betano. Media IPB

Betano, 28 Jullu 2025 Instituto Politékniku Betano IPB nia Magnífiku Prezidente IPB, Sr. Alcino da Costa I. A. Fernandes, M.Ed. ho Estrutura sira partisipa iha aprezentasaun produtu telkomcel kona-bá servisu dijitalizasaun akadémia husi Ekipa Telkomcel ne’ebé ligadu ho Produtu Telkomcel nian mak hanesan SIMAK, Portal ho TPAY. Atividade hala’o iha sala biblioteka IPB.

Magnífiku Prezidente IPB, Mestre Alcino da Costa I. A. Fernandes, M.Ed. hato’o bemvindo ba ekipa telkomcel, depois de hasoru malu hodi formaliza ita nia koperasaun. Iha asina koperasaun servisu dijitalizasaun iha parte tolu mak hanesan sistema simak, portal, no T-Pay. Ho prezensa Ekipa Telkomcel atu aprezenta produto ne’ebé ligadu mos ho sistema ne’ebé IPB iha ona, atu nune’e hodi kompleta sistema atendimentu servisu akadémiku diak-liu tan iha futuru.

Iha fatin hanesan, Sra. Marina Neno reprezenta husi ekipa telkomcel hato’o agradese ba IPB ne’ebé fo ona oportunidade mai ami, hodi aprezenta produtu Telkomcel nian ne’ebé foka liu bá servisu akademia.

Alende ne’e mos Manager Interprise Sr. João A. de F. Pereirra hateten Objetivu husi Aprezentasaun Sistema ne’e, atu Fasilita no hodi garantia diak liu tan ba sistema atendimentu akadémiku nian no mos sistema Portal monitorizasaun ba Funsionariu sira no Dijitalija mos sistema pagamentu ba estudante sira.

Depois de aprezentasaun husi ekipa Telkomcel no halo diskusaun lubuk ida entre IPB ho Telkomcel no kontinua kedas aprezentasaun sistema SIGA husi tekniku departementu IT-IPB. Ikusliu iha konkordansia katak foka ba Sistema SIGA ne’ebé mak utiliza hela lokal atu integra ba IP-Public, sistema pagamentu propinas no mais tékniku liu ba oin sei komunika ho tékniku IT IPB sira.

Partisipa iha Aprezentasaun ne’e mak hanesan Inspetor Jeral IPB Sr. Roberto da Costa Magno, Primeiro Vise Prezidente IPB Sr. Cipriano Tilman, MPA, Segundo Vise Prezidente IPB Sr. Amancio Horacio, Diretór DNAF Sr. Domingos Faria, Diretór DNA Sr. Veriato Rafael Mendonça, Koordenador Kursu Produsaun Animal, Koordenador Laboratorium Kursu Produsaun Animal no Tékniku husi Telkomcel no tekniku Departementu IT. Media IPB