Notísia

Betano, 24 de Jullu 2025 – Instituto Politekniku Betano nia Magnífiku Prezidente IPB Mestre Alcino da Costa I. A. Fernandes, M.Ed ho estrutura akompaña ho ekipa Ministériu Ensinu Superiór, Siénsia no kultura (Sigla Portugues, MESCC), liu husi Diresaun Jeral Planeamentu Finansas direta mai hala’o vizita bá fatin konstrusaun edifisiu foun IPB.

Objetivu prinsipal maka atu hare progresu servisu anterior sira ne’ebé maka lao hela maibé seidauk termina, entaun husi parte Ministériu no IPB rasik apela ba kompañia responsavel atu bele aselera servisu ne’ebé maka konstrui ona hodi hare fali servisu sira seluk.

Depois de vizita fatin konstrusaun, parte rua iha mos enkontru hodi deside atu halo plano ida ba oin hosi Ministériu bele atribui karta rekoñesimentu legal balun, tanto husi Institutu mos hodi bele kontrola fatin konstrusaun atu nune’e bele garantia hela servisu implementasaun ida ne’ebé diak liu husi parte rua ne’e.

Alende ne’e, ko’alia kona-bá plano konstrusaun ba edifisiu foun IPB nian, iha mos hanoin balun ne’eb’e sei ko’alia liga ho Lisensiamentu Ambiental nian kona-bá implementasaun projetu konstrusaun ba edifisiu nian iha Futuru. Média IPB

Betano, 23 Jullu 2025 – Institutu Politékniku Politékniku Betano liuhusi Eskola Superior Enjeñaria (ESE) – Kursu Konstrusaun Sivil (KKD) realiza Exame Traballu Final ba estudante finalista periúdu VI tinan akadémiku 2022-2025 iha sala laboratoriu ESE – IPB Betano.

Ho Objetivu atu Estudante rasik hatene Defesa nia Títulu Traballu Final Kursu iha aprezentasaun, hodi Defende Teoria no Prátika ne’ebé simu husi Dosente sira no iha Fatin Estajiu Professional. Media IPB

Betano, 23 Jullu 2025 – Institutu Politékniku Politékniku Betano liuhusi Eskola Superior Agronomia i Zooteknika (ESAZ) – Kursu Produsaun Animal(KPA) realiza Exame Traballu Final ba estudante finalista periúdu VI tinan akadémiku 2022-2025 iha sala laboratoriu Esaz.

Ho Objetivu atu Estudante rasik hatene Defesa nia Títulu Traballu Final Kursu iha aprezentasaun, hodi Defende Teoria no Prátika ne’ebé simu husi Dosente sira no iha Fatin Estajiu Professional. Media IPB

Betano, 01 Jullu 2025 Instituto Politékniku Betano (IPB) nia Magnífiku Prezidente IPB, Mestre Alcino da Costa I. A. Fernandes, M. Ed hala’o Enkotru dahuluk ho Estrutura IPB iha sala Gabinete Prezidente.

Objetivu husi enkontru ne’e kada gabinete, diresaun no departamentu sira atualiza progressu serbisu durante ne’e bá Magnífiku Prezidente IPB atuál.

Alende ne’e, remata enkontru no kontinua kedas hala’o vizita ba gabinete, Diresaun sira no Laboratorium IT, Biblioteka no fatin Pratika kursu Produsaun Animal no Kursu Konstrusaun Sivil. Media IPB

Betano, 02 Jullu 2025 – Instituto Politékniku Betano (IPB) liu husi Diresaun Nasional Administrasaun Akadémika, Estudantil no IT (DNAAEIT) halo Pagamentu Subsidiu Eskolár ba estudante sira hosi fulan Abril to Maio 2025.

Subsídiu ne’e halo Pagamentu ba Estudante hosi Tinan 2022 to’o 2025 hosi kursu Produsaun Animal. Media IPB

Dili, 01 Jullu 2025 – Instituto Politècnico Betano(IPB) nia Magnífiku Prezidente IPB, Mestre Alcino da Costa I. A. Fernandes, M.Ed asina akta estabelesimentu rede SUN ho ekipa unidade de missão para o Combate ao Stunting(UNMICS) iha timor plaza.

Movimentu Scaling Up Nutrition (SUN Movement) hanesan movimentu global ne’ebe lansa hosi ONU hodi mobiliza parte hotu atu esforsu hamutuk atu kombate malnutrisaun no inseguransa ai-han iha Timor-Leste.

Objetivu prinsipal iha asinatura refere maka liu husi Ministériu Ensinu Superiór,Siésia no kultura (MESCC), no Unidade de Missão para o Combate ao Stunting (UNMICS), hamutuk ho Magnífiku reitores sira husi sira hodi hare konkordansia estabelesimentu rede SUN iha Timor-Leste. Media IPB

Dili, 01 Jullu 2025, Instituto Politècnico Betano (IPB) nia Magnífiku Prezidente IPB, mestre Alcino da Costa Isaac A. Fernandes M.Ed, halao sorumutu dahuluk ho ekipa husi telkomcel hodi hare plano kooperasaun servisu entre IPB ho Telkomsel ba futuru liga ho produtu dijitalizasaun sira ne’ebé maka atu estabelese iha IPB. Antes ne’e asina ona MoU ho Telkomcel iha semana kotuk. Media IPB

Dili, 30 Juñu 2025 – Instituto Politècnico Betano (IPB) nia Magnífiku Prezidente IPB Mestre Alcino da Costa Isaac A. Fernandes M. Ed, partisipa iha atividade enseramentu no anunsiu rezultadu ba manan nain ba kompetisaun videografia Dalan ba Igualidade ne’ebé maka Organiza husi Ministériu Ensino Superior Siensia no Kultura iha (MESSK) no SEI (Secretariado de Estado da Igualdade) iha Sala auditoria Fundasaun Oriente.

Sekretaria de Estado da Igualidade, Sra. Elvina Sousa Carvalho iha ninia diskursu hateten husu ba Ensino Superior atu bele promove dalan ba igualidade no inkluzaun iha teritoriu Timor laran liu husi papel servisu Ministeriu Ensino Superior nian “Viva igualidade dala ida tan mai ita promove igualidade iha ita nia rain, tenik Sra.Elvina“.

Iha fatin hanesan Ministro Ensino Superior Siensia no kultura (MESSK), Mestre José Honório da Costa Pereira Jerónimo, iha ninia intervensaun katak iha Timor-Leste mos iha prioridade hodi promove feto sira ho persentajen ne’ebé mak diak liu-liu iha vida politika.

Iha momentu ne’e mos Ministro husu atu tau atensaun máximu ba partisipasaun feto sira iha pólitika, iha fatin servisu nomos prosesu Akadémiku sira, hodi bele hatene balansu dezenvolvimentu iha Igualidade Jéneru iha Timor-Leste.

Aleinde ida ne’e iha mos anunsiu rezultadu ba manan nain husi kompetisaun “Kurta Metragem”

entretantu sai hanesan primeiru lugar ba kompetisaun refere husi ICFP, ho nia total orsamentu hamutuk; $1.250,00 no Segundu Lugar husi UNTL ho nia total orsamentu hamutuk; $1000.00 Terseiru Lugar mos husi UNTL, ho totalk orsamentu $750.00 Kuartu Lugar husi IOB ho total orsamentu hamutuk $500.00.

Partisipa iha kompetisaun Kurta Metragem kompetisaun video husi instituto publiku no privadu Ensino Superior Sira iha Timor-Leste, Diretór Jeral do Planeamentu no Finansas, Sr. Trinito Sarmento no konvidadus sira. Media IPB

Betano, 27 Juñu 2025 – Instituto Politékniku Betano (IPB) liu husi Diresaun Nasional Administrasaun Akadémika, Estudantil no IT (DNAAEIT) halo Pagamentu Subsidiu Eskolár ba estudante sira hosi fulan Abril to Maio 2025.

Subsídiu ne’e halo Pagamentu ba Estudante hosi Tinan 2022 to’o 2025 hosi kursu Konstrusaun Sivil. Media IPB