Betano, 09 Agostu 2023 – Institutu Politékniku Betano(IPB) nia Magnífiku Prezidente IPB Prof. Assoc. Adj. Sr. Acacio Cardoso Amaral, Ph.D ho nia estrutura hamutuk ho Ministériu Finansas – Diresaun Jeral Jestaun Patrimómiu Estadu (MF-DJJPE), diretór jeral – DJJPE Sr. Januario da Gama ho nia ekipa sira abertura formasaun jestaun Patrimóniu durante loron tolu (3), formasaun ne’e hahu iha loron 09 to’o 11 fulan Agostu 2023 iha sala laboratóriu ESAZ.
Magnífiku prezidente IPB hateten katak ho formasaun ida ne’e importante ba funsionáriu tomak ne’ebé haknaar an serbisu iha IPB liliu iha funsionáriu logistik. objetivu ida hadia diakliu tan jestaun patrimonia estadu nian hodi fasilita serbisu hodi serbi ba nasaun ida ne’e. tamba ne’e agradese tebes ba Sr. DJJPE ho nia ekipa nia prezensa mai iha IPB. Alende ne’e abertura formasaun direta hosi Magnífiku prezidente IPB A/Prof. Acacio
“Aproveita oportunidade ida ne’e bele dezenvolve koiñesementu iha jestaun patrimóniu estadu nian nune’e hodi hadia patrimóniu estadu nian ho di’ak no uza ho responsabilidade”. Haktuir Sr. Prezidente IPB.
Iha fatin hanesan, Sr. Januario de Gama hanesan diretór jeral Patrimóniu dehan katak onra bot ida hodi reprezenta Ministériu Finansas mai hamutuk ho ita bo’ot sira hodi aprezenta kona-bá jestaun politika patrimóniu estadu nian.
“Formasaun durante loron 3 ne’e espetivamente sei halo esplikasaun ba ita bot sira akompaña intendimentu di’ak ba prosedimentu ne’ebé iha tamba ne’e agradese tebes ba estrutura IPB fo oportunidade ida ne’e atu ekipa DJJPE halo diskusaun produtivu ba jestaun kontrolu patrimóniu nian”. Tenik Diretór jeral DJJPE.
Reforsa tan katak, Materia ba aprezentasaun formasaun refere kompostu hosi siklu hat (4) mak hanesan Jestaun Inventariu, Jestaun Identifikasaun no rejistrasaun patrimóniu , jestaun viatura estadu no jestaun alineas bens moveis. Nune’e kontinua kedas ho formasaun ba loron dahuluk nian.
Betano, loron 08, fulan Agostu 2023 (IPB) – Institutu Politékniku Betano hetan vizita hosi Sua Excia Ministru Ensinu Superior Siénsia i Kultura (Siglá Portugéz, MESCC) Sr. José Honorio no Sua Excia Ministru Obras Públika (MOP) Sr. Samuel Marçal, hala’o sorumutu ho estrutura IPB koalia kona-ba projetu konstrusaun foun IPB.
Iha sorumutu ne’e Magnífiku Prezidente IPB, A/Prof. Acacio Cardoso Amaral, Ph.D dahuluk agradese ba 90 guvernu sua exelênsia Ministru MESCC, Ministru MOP, Prezidente EDTL, Diretór jeral ADN, Diretor Jeral Planeamentu no Finansa (MESCC) ho ekipa sira nia prezensa mai vizita direta iha IPB.
haktuir hosi Prezidente IPB katak aproveita ho tempu ida ne’e, husu apoiu nafatin ba exelénsia sira tau matan nafatin ba planu ne’ebé maka iha ona, tuir duni planu estratéjiku dezenvolvimentu nasional 2011-2030 ne’ebé mak konstrui ona hanesan IPB. Hosi sorin seluk prezidente IPB esplika mós kona-bá estabelesimentu ezisténsia IPB ba sua exelénsia ho nia ekipa sira.
Iha fatin hanesan, Ministru Obras Públika (MOP) Sr. Samuel Marçal hateten katak objetivu mai vizita iha IPB hodi rona informasaun sira hosi estrutura IPB, saida maka IPB presiza hodi nun’e ami bele hato’o ba iha nivel altu hodi buka solusaun hamutuk.
Reforsa tan katak “Hau ho Sr. Ministru Ensinu Superior foin simu kna’ar ida ne’e iha 90 governu foin mak fulan rua nia laran. Iha loron 120 ne’e ami nia konsentrasaun ba de’it mak planu sira hanesan hadia lei organika sira, orsamentu ratifikativu no programa sira seluk ba tinan-5 nian hodi hetan aprovasaun iha Parlamentu, balun passa ona no balun seidauk”. Dehan Sr. Ministru Obras Públika.
Iha sorin seluk, Ministru Ensinu Superior salienta katak hanesan membru governu foun hahú ona planu programa no lei organiku sira mak pasa ona iha Parlamentu. Teni tan katak iha programa ba tinan 5 nian, propoin IPB nia projetu ba faze daruak kontinua iha tinan 2024 no sei aprezenta mos lei bázika ministerial Ensinu Superior iha Konsellu ministru hodi bele hetan aprovasaun hosi Parlamentu. Ikus hakarak agradese ba estrutura IPB tomak ne’ebé mak simu ami ho di’ak. Sorumutu ne’e hala’o iha sala Gabinete Prezidente IPB, tersa ohin, (08/08/2023).
(IPB-Betano 01 Agostu 2023) – Instituto politékniku Betano (IPB) nia estrutura IPB, Dosente no funsionáriu partisipa iha partisipa iha aprezentasun kona-bá Sistema Sertfikasaun Dosente Universitáriu (Siglá Portugéz, CEDU) no Sistema Jestaun Biblioteka(Siglá Portugéz, SIGEB) no Sistema E-learning hosi Departamentu Enjenaria Informatika – Universidade Timor Lorosa’e (DEI-UNTL) Sr.Jose Pinto ho nia ekipa iha sala Gabinete Prezidente IPB durante loron-2.
Betano, 25 Jullu 2023 – Institutu Politékniku Betano (IPB) liuhosi Eskola Superior Agronomia i Zootéknika (ESAZ), Kursu Produsaun Animal (KPA) realiza peskiza dahuluk iha resintu iha IPB Betano.
Peskiza ne’e realiza nu’udar planu husi EZAS liu husi kursu Produsaun Animal ne’ebé hala’o koperasaun ho Dosente UNTL husi Departemento Agro-Pecuaria. Pekiza ne’e hahu realiza iha loron 16 fulan Jullu 2023 no material ba peskiza nian kursu produsaun animal mak prepara ho orsamentu peskiza EZAS nian ne’ebé alokadu iha orsamentu tinan 2023.
Peskiza ne’e sei halao iha fulan 2 nia laran ho topiku peskiza dahuluk nian kompostu husi; 1). Efetu Dencidade luhan ba kresimentu Manu Broiler iha idade DOC no starter, 2). Subtituisaun parsial ai-han lokal fermentadu ho ai-han Komersial, 3). Kualidade Karkasa Broiler ho aplikasaun substituisaun parsial ai-han lokal fermentadu ho ai-han Komersial no 4. Kauza parasite internal ba kresimentu manu broiler iha idade DOC no Grower.
Peskiza ne’e hala’o iha IPB Betano nu’udar serbisu hamutuk entre IPB – Betano liu husi eskola superior de Agronomia e Zootéknika ho departemento Agro-Pecuaria, Fakuldade Agricultura UNTL. Iha peskiza ne’e sei involve dosente hotu iha kursu produsaun animal iha faze dahuluk nian.
Espera katak ho peskiza ida ne’e sei motiva no enkoraja dosente sira atu bele halao aktividade peskiza barak liu tan iha tinan oin no bele halao deskobrementu barak liu tan.
Peskiza ne’e kordena husi Sr. Abilio dos Santos, M.Pt no Dosente husi UNTL kompostu husi Sr. Graciano Soares Gomes, Ph.D, Sr. Carlito Mali Code de Araujo, Ph.D, Sr. Acacio Cardoso Amaral, Ph.D no dosente husi kursu produsaun animal hotu.
Betano, 24 Jullu 2023 – Institutu Politékniku Betano(IPB) nia Magnífiku Prezidente IPB Prof. Assoc. Adj. Sr. Acacio Cardoso Amaral,Ph.D ne’ebé reprezenta hosi primeiru vise prezidente IPB, Sr. Cipriano Tilman, M.PA ho nia estrutura no dosente sira hamutuk ho Sentru Formasaun Polisia Akadémia (Siglá Portugéz, CFPA-Comoro), Komandante superintendente xefe polisia Dr.Cand. Arquimino Ramos ho nia ekipa hodi abertura formasaun pedagojia kontinuanidade ba dosente hamutuk nain-14 iha resintu IPB, formasaun ne’e durante semana rua hahu iha loron 24 Jullu to’o 04 Agostu 2023.
Primeiru vise prezidente IPB Sr. Cipriano Tilman, M.PA ne’ebé mak reprezenta Magnífiku prezidente IPB hateten katak ho formasaun ida ne’e importante tebes ba dosente sira bainhira kompleta sira nia grau presiza mós formasaun atu garantia serbisu bá dosente sira hodi dezenvolve koiñesimentu implementasaun planu kurikulár no Peskiza iha IPB. Formasaun ida ne’e ba daruak nian, bazeia ba formasaun tinan kotuk kompostu hosi dosente permanente na’in-16 ne’ebé finaliza ona formasaun pedagojia no tinan ne’e, kontinua realiza formasaun ba dosente hamutuk nain-14 kompostu hosi dosente permanente na’in-10 no kontratadu na’in-4.
“Aproveita oportunidade ida ne’e bele dezenvolve koiñesementu dosente sira nian iha planu kurikulár no mos peskiza nune’e bele hadia ita nia koñesimentu liliu ba atividade aprendijazen loron loron ba estudante sira”. Akresenta Sr. Vise prezidente IPB.
Komandante Superintendente Dr. Arquimino Ramos hateten dahuluk hakarak agradese ba parte hotu hotu no agradese ba konfiansa hosi IPB tamba ne’e formasaun ne’e kontinua ba daruak nian signifika katak fomasaun tinan kotuk ne’e fo vantajen di’ak ba IPB entaun tinan ne’e kontinua formasaun daruuak nian.
“Hau nia hanoin,formasaun ba daruak nian ne’e, dosente sira ne’ebé maka partisipa iha formasaun ne’e rona ona informasaun lubuk ida hosi dosente ne’ebé maka tuir ona formasaun tinan kotuk no espera tinan ne’e, imi mellora di’ak liu tan halo perfeitu imi nia obra signifika hetan rezultadu ne’ebé di’ak. Dehan Sr. Komandante.
Sorin seluk maka Sr. Dr. Arquimino akresenta katak formasaun ne’e hau fiar katak bele ajuda ita boot sira sai hanesan mata dalan ba dosente sira no fiar katak ita bot sira sei dezenvolve planu hotu tuir mata dalan ne’ebé ami fo hau fiar ba futuru sei hatudu progressu ne’ebé di’ak ba Institutu IPB no ba nasaun Timor Leste.
Partisipa iha abertura formasaun nee hosi IPB mak hanesan inspetor jeral IPB, Sr. Roberto Magno, Primeiru Vise Prezidente IPB, Sr. Cipriano Tilman, MPA, Segundu Vise Prezidente IPB, Sr. Amancio Horacio, Diretor DNAAEIT (Diretor Nasional Administrasaun Akadémiku no IT), Sr. Pedro de Deus, M.Si, inspetór jeral Diretor ESE (Eskola Superior Engenharia) Sr. Fernando Fernandes, M.Eng, no dosentes IPB.