IPB Partisipa Iha Aprezentasaun Sistema GAB-CEDU Ho SIGEB Hosi DEI-UNTL

(IPB-Betano 16 Maiu 2023) – Instituto politékniku Betano (IPB) nia primeiru vise Prezidente IPB, Sr. Cipriano Tilman, M.PA ho nia funsionariu Administrasaun no Dosente sira partisipa iha aprezentasun kona-bá Sistema Sertfikasaun Dosente Universitáriu (Siglá Portugéz, CEDU) no Sistema Jestaun Biblioteka(Siglá Portugéz, SIGEB) hosi Diretór Departamentu Enjenaria Informatika – Universidade Timor Lorosa’e (DEI-UNTL) Sr.Vosco Pereira, M.Eng ho nia ekipa iha sala Gabinete Prezidente IPB.

Primeira vise Prezidente IPB,Sr.Cipriano Tilman hato’o Benvindu ba ekipa ne’ebé mak ho laran luak bele to’o mai iha fatin ne’e hodi bele fahe Esperiensia liu-liu Sistema GAB-SEDU ho SIGEB ne’ebé mak dezeuvolve hosi DEI hodi mai aprezenta Sistema ba faze dahuluk nian.

“Sorumutu ida ne’e ita atu rona direta aprezentasaun hosi Diretór ho nia ekipa liu-liu iha relasaun ho situasaun real ne’ebé maka iha institutu ne’e infrenta ita sei fo hanoin ba malu atu hare ida ne’ebé esensial liu ligadu ho ita nia kanar ne’ebe ita hala’o iha ne’e mak ita bele utilija ho di’ak. Tamba koalia kona-bá sistema dijilitasaun ne’e ami persija tebes ita bo’ot sira nia apoiu ba iha momentu ida ne’e”. Dehan Vise prezidente.

Iha fatin hanesan Diretór DEI-UNTL Sr.Vosco Pereira, M.Eng aproveita biban ida ne’e lori Departementu Engeñaria Informatika UNTL nia naran hato’o agradese wain ba parte IPB ne’eb’e mak bele resposta ami nia karta ne’ebe urjente iha semana kotuk, liu hosi segundu vise ho primeira vise bele resposta karta ida ne’e ita bele realiza atividade ne’e.

Sr. Vosco hateten ho Vijita ida ne’e ba daruak nian hosi DEI sei halo aprezentasaun ba iha sistema. Aprezentasaun ida ne’e importante tebes ba ita hotu, bazeia ba karta koiñesimentu ne’ebe mak mai iha nia ajenda laran ne’e aprezenta ba sistema rua Gestaun biblioteka no mos sertifikasaun Dosente ho rzjaun ida atu esplika tan deit katak la inklui E-Learning tamba hare ba sistema tolu ne’e ami kompara katak Sistema E-Learning ne’e fasil persiza altera tan uitoan ho razaun ida ne’e ami prioridade liu ba iha sistema rua hanesan Gestaun Biblioteka ho Sertifikasaun Dosente.

Aprezentasaun ne’e partisipa hosi Inspetor Geral IPB, sr.Roberto da Costa Magno, segundu vise prezidente IPB, sr. Amancio Horacio, diretór DNAAEIT, Sr. Pedro de Deus, M.Si, diretór DNAF sr. Domingos Faria, Diretór ESAZ, sr. Gaspar F. Vicente, Kordenadór kursu produsaun animal M.Sc, Diretór ESE, sr. Fernando da Costa Fernandes, kordenadór kursu konstrusaun sivl, dosentes no funsionariu tékniku IPB.

Media IPB