Elisio Ximenes

Presidente do Instituto Politécnico de Betano e Civítas AcadémicaFelicitam o dia da Proclamação da Independência – 28 de Novembro 1975-2025 (50 anos). VIVA TIMOR LESTE

Betano, 26 Novembro 2025 – Instituto Politékniku Betano (IPB) nia Magnífiku Prezidente IPB partisipa iha atividade formasaun kona-bá “ Hamutuk Promove Paz no dame hodi Forma Juventude Ne’ebé Nakonu Ho Espíritu Nasionalismu no Patriotismo”.

Objetivu husi formasaun refere atu kapasita joven foinsae sira hodi bele hamriik metin defende lia los, no badinas estuda no buka esperiensia, prátika lia los hodi bele dezenvolve ita nia rai iha futuru. Iha formasaun ne’e mos foku liu ba joventude sira hanesan fini ida ba rai Timor, tamba ne’e tenki servisu makas hodi bele lidera rai ne’e iha futuru. Atividade formasaun refere hala’o iha IPB.

Partisipa iha formasaun refere mak hanesan, estudante sira, reprezentante GIA-IPB, Funsionariu IPB, nomos Ekipa Brigada Choke. Media IPB

Betano, 26 Novembro 2025 – Instituto Politékniku Betano nia Magnífiku Prezidente IPB, Sr. Alcino da Costa Fernandes partisipa iha atividade formasaun kona bá Lideransa iha area enjeñaria sivil hodi abertura ba formasaun refere ne’ebé maka hala’o husi eskola Superior Enjeñaria (ESE), Kursu Konstrusaun Sivil (KKS) ne’ebé maka marka prezensa mos husi Formador Nasional sira. Atividade ne’e realiza iha salaun IPB Betano.

Objetivu prinsipal mak presija tau atensaun nafatin hodi kontribui ba koñesimentu estudante no tau prioriedade liu ba estudante sira nia prátika no formasaun profisional sira iha futuru.

Magnífiku Prezidenti hato’o agradese ba formador husi nasional nebe maka ho disponiblidade bele mai fahe esperiensia diak sira hodi sai hanesan bukae ida ba alin estudante sira kursu konstrusaun sivil nian, hodi kompriende didiak koanba papel lideransa nian liga ho area enjeñaria nian.

Koordenador Kursu konsrusaun Sivil Sr. Aquino hato’o agredese no bemvindu ba Formador ne’ebé maka fo ona tempu hodi bele mai fahe esperiensia ba alin estudante sira atu aumenta koñesimentu iha liderensa nian iha area Enjeñaria Sivil rasik.

Iha biban ne’e mós Diretor Eskola Superior Enjeñaria Sr. Alexandre Marques, agradese ba oportunidade ida ne’e ho formasaun refere bele aumenta alin estudante atu aproveita didiak atu nune’e bele hasa’e koñesimentu iha lideransa liga ba area enjeñaria nian.

Entretantu iha fatin hanesan Ir. Ambrosio Martins Nuno nudar formador ba atividade refere na kualidade hanesan Xefi laboratorium ADN ho nia papel no responsabilidade supervisor iha Kampo, nia dehan ba estudante sira atu bele kompriende didiak lala’ok hanesan ema enjineiro ida iha futuru bainhira ita bo’ot tama ona ba iha kampo traballu, nia mos dehan importansia husi materia ba ohin loron atu bele hatene kona-bá lideransa diak no justu iha area enjeñaria iha futuru.

Partisipa iha atividade refere hanesan, reprezentante Inspetor GIA_IPB, Xefi departamentu, Estudante husi kursu konstrusaun sivil. Media IPB

Betano, 12 Novembru 2025 – Institutu Politékniku Betano(IPB) nia Magnífiku Prezidente IPB, Estrutura no Sívitas Akadémika hotu hato’o Onra no omenajén ba juventude timoroan hodi hanoin hikas ba komemorasaun Masakre Santa Cruz ba dala-34 ne’ebé la hamutuk ona ho ita ne’ebé fó sira nia moris ba pátria no fiar ba sira ne’ebé kontinua hari’i futuru iha rai ida ne’e. Media IPB

Betano, 06 Novembro 2025, Institutu Politékniku Betano liu husi Eskola Superior de Agronomia I Zootéknika (ESAZ) Kursu Produsaun Animal(KPA) nia Dosente sira Aprezenta rezultadu Peskija ba estrutura máximu IPB durante fulan ida nia

Objetivu husi monitorizasaun ne’e atu bele hatene influensia adubu organiku (bokasi) ba kresimentu sorgum (Bioguma no super-9) ba plantasaun refere tuir nia klasifikasaun sira nomos hodi hatene tuir tempu kuda nian hodi bele hatene nia kresimentu ba plantasaun. Entretantu peskija refere hala’o iha Suku Betano – aldeia lalika. Marka prezensa iha fatin peskiza maka hanesan, Magnífiku prezidente IPB, Inspetor Geral IPB, Primeiro Vise-Prezidente IPB, Dosente EZAS nomos reprezentante departamentu peskija sientífiku IPB. Média IPB

Betano, 07 Novembru 2025 – Instituto Politékniku Betano (IPB) nia estudante hamutuk nai’in-Sanulu (10) akompañia ho dosente hodi partisipa iha seminár kona-bá Haburas Literásia Dijitál, Hametin Lia-loos iha Timor Leste ne’ebé organiza husi Timor Leste Press Union (TLPU). Semináriu ne’e realiza iha salaun formasaun sandalo (CEFOBOM) Manufahi.

Objetivu husi semináriu ne’e atu partilla informasaun ba estudante sira atu utiliza media sosial ho di’ak, maibé ho responsabilidade atu garante informasaun ne’ebé ho los (Hoax ka Fake) no uza teknolójia ho krítiku, seguru no responsavél.

Partisipa iha semináriu maka hanesan Dosente Sr. Eduardo Neno, estudante Ensinu Basiku, ensinu pre-sekundáriu, ensinu sekundáriu, Prezidente TLPU Sr. Candido, Prezidente KI, Reprezentante PAMM, reprezentante SECOMS no profesores sira. Média IPB