Betano, 23 Fevereiru 2026 – Institutu Politékniku Timor Leste (IPTL) liu Eskola Superior Enjeñaria Kursu Konstrusaun Sivil husi estudante Kursu Konstrusaun Sivil turnu 2024 konstrui Gruta mahein santu antonio ida iha resintu IPTL nian.
Institutu deside hili Ilhas Santo António atu sai hanesan Mahein ba Instituisaun refere. Alende ne’e mos fo bensaun ba Gruta Santo António liu husi Pe. Sabino Sousa Gama – Paroquia São João Baptista Betano Média IPTL
Betano, 23 Fevereiru 2026 – Instituto Politekniku Timor-Leste (IPTL) Selebra aniversariu ba dala sia-9 ho Nia tema ” Unidos Pelo Conhecimento e Exelencia” au mesmo tempu Asina mos MoU ho Komisaun Anti Korupsaun (siglá Portugéz, CAC) iha salaun IPTL.
Magnifiku Prezidente IPTL Mestre Alcino da Costa I. A. Fernandes hateten katak ohin Ita halibur malu iha Fatin Ida nee hodi Selebra Aniversario ba Instituto Politekniku Timor-Leste(IPTL) ba dala sia-9, Instituto Politekniku Betano eziste no hahu dezenvolve Nia Aan maka Agra daudaun Nia transforma ona ba Instituto Politekniku Timor-Leste (IPTL) tuir planu estratejia 2011 too 2030 kriasaun Instituto Politekniku Betano nebe Mak hahu ho kursu Rua Mak hanesan Kursu Produsaun Animal (KPA) no Kursu Konstrusaun Sivil (KKS) Nia hari bazeia ba dekkretu Lei no.45/2016 09 Novembro.
Tuir dokumentu politika sei loke tan Eskola tekniku Sira hanesan Peskas i Marinhas iha Manatuto, Turismo no Hotelaria iha Lautem, Engenharia iha Covalima nomos integrasaun hosi Eskola Superior Ciencia i Peskiza de Cafe iha Ermera mai IPTL, nia dehan tan katak Betano mak sei sai hanesan Centru ba Instituto Politekniku de Timor-Leste (IPTL). Akademista ne’e mos aumenta tan katak mai hamutuk lori Institutu ne’e ba oin “Together We Start “.
Iha biban hanesan Komisariu Comisaun Anti Corupsaun (CAC) Sr. Rui Pereira dos Santos fo parabéns ba IPTL tamba selebra ona tinan ba dala sia-9, nia aumenta tan katak alende ita selebra aniversáriu ita mos sei asina MoU ho nia objetivu prinsipal atu realiza atividade balu nomos partilla informasaun sira relasiona ho CAC nia serbisu.
Nia mos informa hela ba sívitas akadémika ne’ebé maka partisipa iha ne’e katak CAC agora daudaun dezenvolve hela kurríkulum Anti Korupsaun, atu nune’e bele introduz ba iha konsellu ministro no Ministériu Ensino Supérior hodi hetan aprovasaun atu ba oin institutu sira no universidade tenki introduz matéria Anti Korupsaun ba iha Eskola Ensino Superior sira.
Alende ne’e reprezentante Ministériu Ensino Superiór Siênsia no Kultura (MESSK) liu husi nia Xefi gabineti, nia dehan iha Timor- Leste reprezentante Universidade Estatal ne’e mak UNTL ho IPTL, no entanto ba oin iha mos oportunidade ba UNTL no IPTL atu bele simu mos estudante sira hosi Países ASEAN ne’ebé maka ita adere bá. Ministériu Ensino Superiór afirma ho sira konabá mudansa tuir dekretu Lei Nú. 28 / 2025 19 de Agostu ne’ebé maka aprova hodi halo kriasaun ba Institutu Politékniku Timor Leste (IPTL).
Depois de diskursu hotu iha mos lansamentu ba Matadalan husi Centro Peskiza Sientífiku IPTL, nomos Lansamentu ba kompetisaun Dezeñu Logo Foun IPTL ho Marsa IPTL nian, ne’ebé maka lansa hosi Magnífiku prezidente IPTL ho Konvidadus de Onra sira hotu.
Nomos distribui Cerfikadu de Apresiasaun inklui entrega prémiu ba manan nain sira ne’ebé mak durante ne’e prienxe atividade desportu ho modalidade hanesan, Futebol, Voleibol, Dadatali, Futsal nomos Maraton.
Partisipa iha atividade Dies Natalis refere mak hanesan, Diretór Ezektivu ANAAA, Magnífiku Reitór UNTL ho nia Ekipa, INTL, INCT, Telkomcel, Comando Polisia Munísipiu Manufahi, Comando Postu Naval Betano, Institutu de Bambo I.P. reprezentante TIC Timor, Xefi Suku Betano, ETCI Ermera , Funsionáriu no Dosente inklui Alumni IPTL no Estudante IPTL. Média IPTL
Betano, 21 Fevereiru 2026, Institu Politécnico Betano (IPB) liu husi Magnífiku Prezidente IPB Mestre Alcino da Costa I. A. Fernades, hamutuk ho Primeiro Vise – Prezidente asuntu akadémiku nian Sr. Pedro de Deus, akompaña kongresu alumni husi Eskola Supeior de Engenharia (ESE) nian ba daruak ne’ebé maka hala’o iha recinto IPB.
Iha biban hanesan Koordenador ESE Sr. Aquino agradese no mantein katak husi kursu nafatin loke odamatan ba alumni sira no husu nafatin alumni sira nia kontribuisaun mai iha kursu tamba iha informasaun konabá mudansa ba Institutu Politécnico Timor Leste (IPTL), no nafatin rona preokupasaun sira alumni nian konabá dimploma nivel akadémiku ninian sei tau iha konsiderasaun iha futuru.
Diretór ESE mos Sr. Alexandre Marques Akresenta tan katak bemvindo tamba bele mai fali imi nia uma, hosi kursu nafatin valoriza ita nia alumni sira iha no rona sugestaun sira hotu hodi bele kontribui diak liu ba iha Kursu.
Magnífiku Prezidente aumenta alumni mak sai hanesan rekursu ita nian, agradese tamba bele marka prezensa iha ne’e maske la maioria maibé husu nafatin ba alumni sira atu asegura naran Instituto Politécnico Timor Leste (IPTL). Nia mos husu ba alumni atu bele kontrubui nafatin nafatin no hamutuk ita hahu “ Together We Start”.
Alende ne’e mos iha abertura refere loke hosi Primeiro-Vise Prezidente Asunto Akadémiku nian. Marka prezenza iha atividade ne’e maka, docente sira hosi ESE, Alumni ESE. Média IPB.
Betano, 20 Fevereiru 2026, Instituto Politécnico Betano (IPB) nia Magnífiku Prezidente Mestre Alcino da Costa I. A. Fernades hamutuk ho membro konsellu Jeral (KJ) – IPB nian hasoru malu hodi hare progresu servisu no atinjimentu sira inklui difikuldades ne’ebé maka hasoru durante ne’e nomos diskuti konabá informasaun mudansa IPB ba IPTL ne’ebé maka sei denunsia iha tempo besik atu bele iha preparasaun diak hodi bele sai hanesan Instituto Politécnico Timor Leste (IPTL) ba oin. Média IPB
Betano, 12 Fevereiru 2026, Instituto Politécnico Betano (IPB) nia Magnífiku Prezidente IPB, Sr. Alcino da Costa I. A. Fernandes hetan vizita hosi Ekipa Comissão Anti Corupção (CAC) hodi hala’o enkontru atu estabelese asuntu servisu kooperasaun nian entre parte rua iha futuru, iha sala gabinete prezidente.
Iha biban hanesan Magnífiku Prezidente IPB Sr. Alcino da Costa I. A. Fernandes ho nia estrutura hato’o bemvindo no agradese ba ekipa hosi CAC ninian tamba iha disponibilidade bele mai to IPB hodi ko’alia hamutuk kona-bá serbisu iha asuntu kooperasaun nian liga ho MoU ne’ebé maka sei asina hosi parte rua nian iha loron balu tuir mai.
Alende ne’e mos hosi parte CAC ninian agradese ba oportunidade tamba bele hasoru malu ho estrutura másimu IPB nian hodi hare hamutuk serbisu iha asuntu kooperasaun nian ne’ebé maka ligadu ho dokumentu legal sira ne’ebé maka ita tenki hare hamutuk hodi bele realiza ita atividade asinatura MoU ne’ebé maka sei akontese iha tempo badak.
Entretantu objetivu prinsipal hosi enkontru ne’e mak hosi parte rua azusta malu ona hodi ho define no hare konabá oinsa maka atu produz dokumentu ofisial ba MoU nian ba asuntu serbisu kooperasaun ligadu ho baze legal sira atu nune’e ba oin realiza tuir konkordansia entre parte rua nian. Partisipa iha Enkontru refere maka, Estrutura Máximu IPB no Ekipa CAC. Media IPB
Betano, 11 Fevereiru 2026, Instituto Politécnico Betano (IPB) liu husi Konsellu Koordenasaun (KK) hala’o enkontru hodi hare hamutuk Planu Aprovizionamentu IPB nian ba tinan 2026. Enkontru refere hala’o iha Sala do Gabinete IPB
Entretantu enkontru refere aprezenta hosi Diresaun Nasionál Aprovizionamentu (DNA -IPB) hodi relata kona-bá rezultadu proposta sira ne’ebé maka submete liu husi diresaun sira hodi tetu hamutuk ba tinan ida ne’e bazeia ba kalendáriu implementasaun nian.
Objetivu hosi enkontru refere atu fo hatene ba diresaun tutelada sira inklui eskola superior rua, hodi hatene konabá lala’ok implemementasaun durante submissaun proposta sira ho total orsamentu ne’ebé maka define hosi proposta nain sira atu bele hatene tuir nia implementasaun no ezekuta tuir kalendariu.
Partisipa iha enkontru refere, Magnífiku Prezidente IPB, akompaña hosi Vise Prezidente nain rua, Diretór husi Eskola Superior Enjeñaria(ESE) no Eskola Superior Agronomia I Zootéknika (EZAS), Diretór Nasional Planeamento Finansas (DNFP) no Gabineti Inspesaun E Auditoria – GIA IPB. Média IPB.
Dili, 10 Fevereiru 2026 – Instituto Politékniku Betano (IPB) representa husi Magnífiku Prezidente IPB, Sr. Alcino da Costa Isaac A. Fernandes, M.Ed asina akordu koperasaun ho Banco Nacional e Comerçio Timor – Leste (BNCTL), representa husi Presidente Komisaun Executiva, Sr. Marcelo da Cruz Carvalho iha Edifisiu BNCTL Mandarin, Dili.
Objetivo hosi kooperasaun mak hodi fasilita pagamentu propinas ba estudante sira, depositu no servisu sira seluk nebe estipula iha akordu koperasaun refere. Assinatura akordu ne’e partisipa hosi Primeiru vise prezidente IPB, Sr. Pedro de Deus, segundu vise prezidente IPB, Sr. Xisto Constantino Pinheiro, Jurista Deolindo Sarmento da Silva, Sr. Zelio B. Amaral da Costa hanesan Jerente Divizaun Operasional BNCTL ho nia ekipa. Media IPB
Dili, 09 Fevereiru 2026, Instituto Politékniku Betano (IPB) ho Universidade Nasional Timor Lorosa’e (UNTL) konsentra hamutuk iha Ministériu Ensino Superiór, Siênsia no Kultura ohin hodi anunsiu rezultadu final atu asesu mai Ensino Superór Públiku rua maka UNTL ho IPB.
Tamba bazeia ba aprovasaun Diploma Ministerial (Diploma Ministerial N.0 20/2025 de 09 de Julho ) liu husi Diploma refere hodi fo kompetensia ba Comissão Coordenadora de Acesso ao Ensino Superior (CAES) hodi responsabiliza ba atividade hotu -hotu relativa ba asesu Ensinu Superior Públiku. Komisaun ne’e kompostu husi elementu MESSK, UNTL no IPB.
Entretantu iha oportunidade refere estabele rejime rua hodi asesu ba Ensino Superior Públiku, maka hanesan Rejime Jeral (fo oportunidade ba finalista husi ensinu sekundariu geral no ensinu sekundariu tékniku vokasional ) no Rejime Espesial ( fo oportunidade ba kandidatu sira ne’ebé maka sei iha instituisaun exsesional. Ho rezultadu refere númeru totál kandidatu sira ne’ebé maka admitidu ba instituisaun públiku rua hanesan UNTL hamutuk 5.358 no IPB hamutuk 343 ho total hamutuk : 5.701.
Iha biban refere atu fo hatene mos katak konabá rezultadu finál, hanesan lista ho naran kandidatu sira ne’ebé “ Admitidu “ Sei fo sai liu husi Website Ministériu Ensinu Superior, Siensia no Kultura (https://mescc.gov.tl), Website Universidade Nasional Timor Lorosa’e (www.untl.edu.tl), website IPB ( https://ipb.edu.tl ) nomos liu husi pájina Facebook MESCC, UNTL no IPB.
Partisipa iha komunikadu Imprensa ou Anunsiu ohin maka hanesan, Ekipa CAES, Tékniku Ministériu Ensino Supeior, UNTL no IPB.
