Betanu, 25 Fevereiru 2022
Institutu Politekniku Betanu simu estudante foun Anu Letivu 2022 nian hamutuk 345 no UNTL 6007 husi kanal Rejime Jerál no Rejime Oportunidade, ne’ebé durante ne’e halo selesaun husi Komisaun Asesu Ensinu Superior (KAES), inklui Reprezentante husi UNTL, Instituto Politékniku Betano (IPB) no Ministerio Ensinu Superiór, Siénsia no Kultura.
Bele download Lista kandidatu iha link tuir mai ne’e:
Institutu Politékniku Betanu liuhosi komisaun organizadora Dies Natalis IPB tinan 2021 realiza kompetisaun hamutuk 5 hodi komemora loron Dies Natalis IPB nian iha resintu IPB Betano orseik, loron 22 fulan fevereiru tinan 2022.
Antes ne’e atividade ne’ebé mak durante komisaun organizadora sira prepara ba kompetisaun durante semana rua (2) nian hodi hala’o tuir programa ne’ebé mak iha ona. Atividade ne’e iha programa lima (5) mak hanesan Futebol, Volibol, Maratona, Xadrez no Dada-tali. Iha kompetisaun ne’e kompostu Funsionáru administrasaun, Dosentes no estudante Sira.
Aniversáriu Institutu ba tinan 5 ne’e bele fortalese eziste nian iha Timor-Leste, liuliu estudante sira ne’ebé maka iha talentu hodi partisipa iha atividade sira ne’e hodi konkista estudante sira-nia abilidade, hodi enkoraja sira bele halo mudansa liután.
Maské iha difikuldade barak, maibé estudante sira partisipa másimu nune’e dezenvolve di’ak liután sira-nia talentu.
Partisipa iha eventu refere mak hanesan Prezidente IPB, Acacio Cardoso Amaral, 1 vise Prezidente, Sr. Cipriano Tilman, 2 vise Prezidente Sr. Amancio Horacio, Diretor Nasional Administrasaun no Finansa Sr. Domingos Faria, Diretór DNAAEIT, Sr. Pedro de Deus, Diretor Eskola superior agronomia e zootecnica Gaspar Ferreira Vicente, Diretór Eskola Superior Enjeñaria Sr. Fernando Fernandes, Dosente, Funsionario Administrasaun no estudante sira hotu.
Mídia IPB
Betano, 21 Fevereiru 2022
Institutu Politékniku Betano liuhosi Gabinete Primeiru Vise Prezidente Asuntu Akadémiku, señor Cipriano Tilman, M.PA hamutuk ho ekipa Diresaun Nasional Ensinu Superiór Tékniku (DNEST), Diresaun Nasional Ensinu Superiór Universitáriu (DNESU) no Inspetoria jeral (IG) Ministériu Ensinu Superiór Siénsia no Kultura (MESSK) hala’o monitorizasaun kona-bá prosesu pagamentu izensaun propinas semestre daruak nian, iha resintu IPB.
Objetivu hosi monitorizasaun ne’e, hodi hatene prosesu pagamentu propinas ba estudante sira ne’ebé ativu iha semester par hodi halo tuir orientasaun MESSK nian ne’ebé mak hatur ona.
Maibe prosesu Pagamentu ne’ebé maka Diresaun Nasional Admin, Akadémiku Estudantil IT (DNAAEIT) halo pagamentu ba benefisiariu sira iha IPB mak hetan apoiu orsamentu husi MESSK hamutuk, 7.824,00 dolares ba estudante nain 368 (atus tolu neenulu resin walu). Pagamentu refere tuir prosesu normal atinji ona 91% ba totál benifisiáriu 301 (atus tolu resin ida) ho montante orsamentu $7,086.00 no estudante balu maka seidauk halo pagamentu hamutuk 67 (nen nulu resin hitu) ho montante 738,00 dolares amerikanu ho razaun estudante hirak ne’e sei feriadu hela.
Partisipa iha enkontru refere mak hanesan Primeiru Vise Prezidente Sr. Cipriano Tilman, M.PA, Sr. Diretór DNAF, Domingos Faria no apoiu tékniku DNAAEIT Sra. Paula ho ekipa monitorizasaun DNEST-MESSK.
Mídia IPB
Betanu, 14 Fevereiru 2022
Institutu Politékniku Betano liuhosi Diresaun Nasionál Aprovizionamentu (DNA) loke konkursu públiku foun no konvida vendor/supplier sira ne’ebé iha interese sosa dokumentus, sei fó preoridade iha dezempeñu servisu a’as no iha kualidade.
Bele download iha ne’e:
Betanu, 15 Fevereiru 2022
Institutu Politékniku Betanu liuhosi Asosiasaun Dseportiva Akadémika (ADA-IPB) ohin loron 14 Fevereiru tinan 2022 realiza torneiu hodi komemora loron Dies Natalis ba dala V.
Iha eventu refere kompostu hosi klubu Funsionáriu Administrasaun, Dosente , Estudante Eskola Superior Agronomia no Estudante Eskola Superior Enjeñaria ho nia modalidade mak hanesan Football, Voliból, Dada-tali no Marathona.
Partisipa iha eventu refere mak hanesan Reprezentante Prezidente IPB Sr. Gaspar Fereirra, Diretor Nasional Administrasaun no Finansa Sr. Domingos Faria, Diretor Eskola superior agronomia e zootecnica, Dosente no Funsionario Administrasaun.
Mídia IPB
Instituto Politékniku Betano nia Segundu Vise Prezidente Sr. Amancio Horacio ho nia estrutura hala’o sorumutu daruak ho Diretór Departementu Enjeñaria Informatika, Fakuldade Enjeñaria Siensia no Teknolojia, Universidade Nasional Timor – Lorosa’e (Siglá Portugés, DEI-FECT UNTL) Sr. Vosco Pereira M. Eng, ho nia ekipa. Sorumutuk ne’e ho obajetivu atu rekoila dadus informasaun hosi IPB hodi estabelese Sistema Informasaun Jestaun Akadémika (Siglá Portugés, SIGA). Enkontru ne’e hala’o iha sala gabinete prezidente IPB hosi oras 14.30 – 15.30 Otl.
Sr. Amancio Horacio hanesan Segundu Vise Prezidente IPB agradese tebes ba ekipa DEI-UNTL ne’ebé to ona iha resintu IPB no liuhosi meius komunikasaun oioin ita bele serbisu hamutuk hodi fornese dadus ba malu, tamba ne’e importante tebes IPB atu fornese dadus informasaun IPB nian ba ekipa DEI-UNTL, nune’e iha tinan ida ne’e IPB, bele iha sistema SIGA rasik hodi jere serbisu akadémika nian bele lalais no fasil.
Alende ne’e, Diretór DNAAEIT (Diresaun Nasional Administrasaun Akadémika no IT) Sr. Pedro Deus, M.si salienta katak ajenda importante maka rekolla dadus hosi IPB, ohin loron parte IPB liu-liu iha akadémiku bele fornese dadus hotu ne’ebé presiza ba ekipa DEI-UNTL, maibé iha dadus balu maka sei prepara hela hosi tekniku sira. Dadus dadus ne’ebé mak iha ona bele fornese no servisu hotu atu lao ho diak no lalais depende ba dadus ne’ebé mak IPB fornese ba ekipa DEI-UNTL. Wainhira atu hetan dadus ida no prezisa tempu to’o semana ida, sei impede ba prosesu hotu. Tan ne’e ekipa IPB esforsu atu fornese lalais dadus tuir tempu ne’ebé mak termina ona. Iha sorin seluk, hakarak agradese ba ekipa ne’e, tamba bele to’o iha direita iha IPB hodi hare kondisaun jeral ne’ebé IPB no hakarak serbisu hamutuk ho ekipa hodi elabora servisu ne’e di’ak liu tan.
Iha fatin hanesan Sr. Vosco Pereira, M.Eng n’udar Diretór Departementu Enjeñaria Informatika hateten katak agadrese ba parte IPB ne’ebé simu ona ekipa iha fatin ida ne’e. Hau hanesan parte Sistema nian no Sr. Nicolau iha parte Infrasturtura nian, asuntu dahuluk mak faze rekolla dadus. Tamba ne’e iha sistema ne’ebé ita implementa bazeia ba nesesidade IPB nian no funsionamentu iha laran bazeia ba dadus ne’ebé mak iha. Sistema ne’e fahe ba parte rua; ida maka sistema informasaun no ida mak parte akadémika nian. Iha parte akadémiku nian tenke kompleta atributu sira iha komponente tolu ne’ebé importante tebes mak hanesan Dosentes, Estudante no Kurikulu.
Iha sorumutu ne’e partisipa hosi Segundu Vise Prezidente IPB, Sr. Amancio Horacio, Diretór DNAAEIT Sr. Pedro de Deus, M.Si, Kordenador Kursu Produsaun Animal, IT, Admin IPB, reprezenta hosi Kursu Konstrusaun Sivil, Diretór DEI,Sr. Vosco Pereira, M.Eng no Sr.Nicolau IT-DEI hosi Infrastrutura nian.
Betano, 03 Fevereiru 2022
Prezidente Konsellu Tékniku Sientífiku Pedagojika Institutu Politékniku Betano (IPB) Sr. Acacio Cardoso Amaral, Ph.D ho nia membru sira hamutuk nain hitu (7), mak partisipa iha enkontru refere hodi koalia kona-bá Atributu IPB nian hanesan Kazaku Almamater, Atributu graduasaun estudante no seluk tan, nune’e bele hetan aprovasaun husi Konsellu Tékniku Sientífiku Pedagojika sira hotu. Enkontru ida ne’e hala’o iha sala Gabinete Prezidente.
Husi sorumutu ne’e, Sr. Pedro de Deus, M.Si hanesan Diretór DNAAEIT, aprezenta Atributu IPB nian hodi bele diskuti no ikus bele hetan aprovasaun no apresiasaun husi Konsellu Tékniku Sientífiku Pedagojika, ne’ebé mak planeadu ona.
Partisipa iha enkontru refere mak hanesan Prezidente IPB Sr. Acacio Cardoso Amaral, Ph.D, Primeiru Vise Prezidente Sr. Cipriano Tilman, M.PA, Segundu Vise Prezidente Sr. Amáncio Horácio, Diretór Nasional Administrasaun Akadémiku Estudantil.IT(DNAAE.IT) Sr. Pedro de Deus, Diretór Eskola Superior Agronomia i Zootéknika (ESAZ) Sr. Gaspar Ferreira no Diretór Eskola Superior Enje (ESE) Sr. Fernando da Costa Fernandes, Kordenador Kursu Konstrusaun Sivil, Sr. Afranio M. G. Freitas no Sr. Claudio F. Ximenes.
Mídia IPB
Dili, 31 Janeiru 2022
Institutu Politékniku Betano nia Magnífiku Prezidente IPB Sr. Acacio Cardoso Amaral, Ph.D asina akordu tékniku ho Magnífiku Reitór UNTL Dr. João Soares Martins, MPH, Ph.D atu estabelese sistema informasaun akadémika ne’ebé implementa ona husi Fakuldade Enjeñaria no Siénsia Teknolójia, Departementu Enjeñaria Informatika (FEST-DEI) ho naran Sistema Informasaun Akadémika (SIA) no IPB iha interese tebes atu implementa programa ida ne’e. Tamba programa ida ne’e fasil atu halao jestaun ba sitema informasaun akadémiku nian ho diak no lalais. Serimónia asina akordu tékniku ne’e hala’o iha sala Auditoria Gabinete reitoria UNTL iha loron 31 fulan Janeiru tinan 2022.
Iha serimónia ne’e, Magnífiku Prezidente IPB esklarese katak agradese no apresia tebes ba Magnifiku Reitor estrutura tomak hodi realiza asina akordu tékniku ida ne’e, tamba presiza tempu ne’ebé kelur uitoan atu halao negosiasaun ho entidade hotu-hotu to’o ohin bele realiza asina akordu ida ne’e nu’udar Koperasaun entre UNTL ho IPB ba estabelesimentu Sistema Informasaun Akadémika iha IPB atu nune’e bele hametin liu tan koperasaun entre Universidade no IPB ba futuru.
“Antes ne’e IPB halo ona koperasaun ho Departementu Enjeñaria Sivil UNTL no agora estabelese tan koperasaun ho Departementu Enjeñaria Informatika UNTL liliu iha programa SIA online nian no ita rasik presiza identifika Timoroan ne’ebé mak ne’ebé iha kapasidade atu halao serbisu hodi desenvolve rai ida ne’e no tenki fo konfiansa ba matenek ne’ebé sira iha hodi implementa iha instituisaun ne’ebé de’it laos IPB de’it maibé tenki implementa mós iha fatin seluk”, dehan Prezidente IPB.
Iha fatin hanesan Magnífiku Reitór Dr. João Soares Martins, MPH, Ph.D reálsa katak afinal UNTL iha siénsia ne’ebé implementa no pozitivu tebes no Instituisaun seluk hanesan IPB bele aprende tan husi UNTL no ba futuru UNTL loke a’an atu laos ba instituisaun públiku, maibé bele mos ba universidade privada sira. Husi sorin seluk Magnífiku Reitór agradese tebes ba Prezidente IPB ho nia estrutura tomak hodi halo koperasaun ho Universidade UNTL liliu iha programa sistema Informasaun Akadémiku ne’ebé dadaun ne’e FEST-DEI-UNTL implementa ona no espera iha tinan ne’e, IPB mós implementa sistema refere.
Partisipa iha serimónia ne’e hanesan Segundu Vise Prezidente IPB, Sr. Amancio Horacio, Diretór Eskola Superior Agronómia no Zootéknika,Sr. Gaspar Ferreira Vicente, Diretór Eskola Superior Enjeñaria Sr. Fernando da Costa Fernandes, Diretór Administrasaun Akadémika no IT, Pro Reitora ba Asuntu Koperasaun, Profesora Dra. Lídia Gomes, Pro Reitora ba Asuntu Estudantíl, Profesora Eng. Lígia T. Correia, M.Sc.,, Dekanu FEST, Diretór Vosco Pereira, M.Eng no Vise Diretór DEI-FEST UNTL, Profesor Frederico Cabral, M.Eng no ekipa UNTL
Mídia IPB
Betano, 19 Janeiru 2022
Prezidente Konsellu Koordenasaun Institutu Politékniku Betano (IPB) Sr. Acacio Cardoso Amaral, P.Hd ho nia membru sira hamutuk nain hitu (7), mak partisipa iha enkontru refere hodi koalia kona-bá Regulamentu no Prosedimentu Ezekusaun Orsamentu Jeral Estadu (OJE) tinan 2022 nune’e bele hetan aprovasaun husi konsellu koordenasaun sira hotu. Enkontru ida ne’e hala’o iha sala Gabinete Prezidente iha loron 19 kuarta feira, fulan janeiru, tinan 2022.
Husi sorumutu ne’e, Sr. Amáncio Horácio hanesan segundu Vise Prezidente IPB, aprezenta Regulamentu no Prosedimentu Ezekusaun OJE 2022 hodi bele diskuti no ikus bele hetan aprovasaun no apresiasaun husi konsellu koordenasaun nune’e bele autoriza unidades no diresaun tomak atu ezekuta OJE 2022 tuir programa sira ne’ebé mak planeadu ona.
Partisipa iha enkontru refere mak hanesan Prezidente IPB Sr. Acacio Cardoso Amaral, Ph.D, Primeiru Vise Prezidente Sr. Cipriano Tilman, M.PA, Segundu Vise Prezidente Sr. Amáncio Horácio, Diretor Nasional Administrasaun no Finansa (DNAF) Sr. Domingos Faria, Diretór Nasional Administrasaun Akadémiku Estudantil.IT(DNAAE.IT) Sr. Pedro de Deus, Diretór Eskola Superior Agronomia i Zootéknika (ESAZ) Sr. Gaspar Ferreira no Diretór Eskola Superior Enje (ESE) Sr. Fernando da Costa Fernandes. Rezultadu apresentasaun ba OJE 2022 hetan aprovasaun no apresiasaun husi membru Konsellu Koordenasaun por unaminidade.
Mídia IPB.
