ELEISAUN BA PREZIDENTI ASOSIASAUN ESTUDANTÍL IPB BA DARUAK NIAN
Betano, 03 Fevereiru 2021 (IPB) – Estudante Institutu Politékniku Betano hala’o kampañia ba eleisaun hodi hili Prezidente Asosiasaun Estudantíl ba Daruak nian iha tinan 2021 iha resintu Kampus IPB.Iha eleisaun ne’e, Kandidatura hosi kursu rua hanesan kursu Konstrusaun Sivil ho kursu Produsaun Animal, hosi kursu ne’e delega estudante Ida kada kursu hodi kompete ba eleisaun ne’e.
Estudante na’in-2 ne’ebé mak kompete ho naran mak hanesan Avelino M. Ramos hosi (Produsaun Animal) no Herminio da Costa hosi (Konstrusaun Sivil).Antes hahu kampañia ne’e, Vise Prezidenti I Cipriano Tilman, M.PA hanesan Asuntus Akadémiku relata katak iha momentu ne’e, IPB hakarak buka fini ida hodi reprezenta estudante hotu-hotu nune’e hodi luta imi nia futuru signifika katak eleisaun ne’e esensiál.
Entre kandidatura na’in-2 hetan konfiansa hosi estudante sira no imi mak sai fontes atu lori estudante sira ba futuru. Husu ba kandidatura na’in-2 tenki iha planu ne’ebé di’ak oinsá mak bele hato’o iha forum Ida ne’e, hodi hetan konfiansa hosi estudante siraIha kampañia ne’e, kandidatura na’in-2 aprezenta sira nia diskursu relasiona ho sira ninia planu ne’ebé maka sira prepara no entre kandidatura na’in-2 ne’e ida mak sei eleitu ba Prezidente Asosiasaun Estudantíl hodi implementa programa ne’ebé mak sira hato’o ona.Ikus liu, kandidatura ho naran Avelino Mendonça Ramos hosi Kursu Produsaun Animal mak sai hanesan eleitu ba Prezidente Asosiasaun Estudantíl foun iha tinan 2021.
Partisipa hosi Vise Prezidente I Cipriano Tilman M.PA, Diretór, Kordenadór Konstrusaun Sivil no Produsaun Animal, dosentes no estudante sira hotu.
Mídia IPB