Notísia

Betano, 12 Novembru 2021Institutu Politékniku Betano nia Magnífiku Prezidente IPB no Sívitas Akadémika hotu hakarak hato’o Onra no Homenajén ba Juventude Loriku Asuwa’in sira ne’ebé luta ba rai ida ne’e, hodi hanoin hikas ba Mártires da Pátria hosi Masakre Santa Cruz, 12 Novembru 1991.

Mídia IPB

Betano, 09 Novembru 2021Institutu Politékniku Betano nia funsionariu ho estudante sira hetan Treinamentu husi parseiru TIC TIMOR hodi hatene Prosesu/lalaok atividade hosi TIC TIMOR nian no oinsá atu servisu hamutuk hodi halo koperasaun di’ak ba planu dezezsnvolvimentu Teknologia modernu nian ba iha IPB. Treinamentu ne’e hala’o iha sala laboratóriu IPB.

Dahuluk, Sr. Domingos Faria hanesan Xefe Finansa ne’ebé reprezenta hosi primeiru vise Prezidente IPB hodi partisipa iha treinamentu ne’e hateten katak agradese no bemvindu ba ekipa TIC TIMOR lubuk ida mai to’o ona iha ami nia fatin, hodi fahe siénsia teknolojia matenek ba funsionáriu no estudante sira liliu iha sistema teknolojia servisu nian.

Iha fatin hanesan, Diretór Divizaun Dezenvolvimentu Sistema no aplikasaun, Sr. Justu Fernandes sai hanesan oradór ba treinamentu ne’e iha ninia esplikasaun kona-bá Aplikasaun no Suporta Infraestrutura mak hanesan Estrategia no Politika nebe’e TIC TIMOR agora dadaun lao hela.

“Papel no resposabilidade TIC TIMOR rasik ba iha Dezemvolvimentu Teknologia iha Estadu Timor Leste nian oinsa atu uza Internet iha Setór Publiku no setór privadu no mos oinsá atu regista Sistema Jestaun Dokumento hodi rai didiak dokumentu serbisu nian ida ne’e sei fo vantajen diak ba ita”. Haktuir Diretór Justo

Iha sorin seluk, Diretór Divizaun Infraestrutura Sr. Andre Felix iha ninia aprezentasaun koalia kona-bá servisu infraestrutura nia servisu hala’o to’o agora.Iha treinamentu refere, ekipa TIC TIMOR hato’o aprezentasaun ne’ebé mak interesante tebes liliu iha area teknolójia modernu foka liu ba servisu administrasaun nian.

Materia ne’ebé mak ekipa refere aprezenta mak hanesan Sistema rekursu umanu, Vicall no Cloud Sharing, Sistema korespondénsia formuláriu elektróniku no Sistema edukasaun sira seluk.

Treinamentu ne’e partisipa hosi Xefe Finansas Sr. Domingos Faria, Xefe Aprovizionamentu Sr. Veriatu, ekipa TIC TIMOR, Funsionariu DNAF, Asuntuk Akadémiku, Administrasaun kursu, aprovizionamentu no estudante sira.

Mídia IP

Betano, 28 Maiu 2021(IPB) – Relasiona ho diploma II ne’ebé mak agora dadaun IPB implementa, Institutu Politekniku Betano hala’o sorumutu ho ekipa Jurídiku Ministériu Ensinu Superiór Siénsia no Kultura (MESSK) ho ekipa Diresaun Nasionál Ensinu Superiór Tékniku (DNEST) hala’o deziminasaun kona-ba Lei base edukasaun diploma II iha resintu IPB, (sexta-feira, 28/05/2021).

Objetivu hosi deziminasaun lei base edukasaun ne’e hodi komprende didiak kona-ba lalaok atribuisaun diploma II nian no oinsá bele halo mudansa ba diploma refere.Aleinde ne’e, iha mos aprezentasaun hosi Asesór jurídiku MESSK Edmundo da Cunha esplika kona-ba Lei edukasaun nivél diploma II nian ba Sivitas Akadémika tomak hanesan korpu dosentes, funsionáriu administrasaun no estudante sira hotu.

Iha sorumutu refere, partisipa hosi vise prezidente IPB, Cipriano Tilman, MPA, Xefe Departementu Finansas, Domingos Faria, Diretór Eskola Superior Agronomia no Zooteknika Pedro de Deus, Diretór Eskola Superior Engenharia Fernando da Costa, kordenadór kursu Produsaun Animal, kordenadór Konstrusaun Sivil, Asesor jurídiku MESSK Edmundu da cunha, Diretór DNEST Carlito M.Pereira ho nia ekipa, korpu dosentes, funsionáriu administrasaun, estrutura estudantil no estudante IPB tomak.

Mídia IPB

Betano, 27 Maiu 2021(IPB) – Institutu Politékniku Betano hetan vizitasaun hosi ekipa Diresaun Nasionál Ensinu Superiór Tékniku (DNEST) ne’ebé halo monitorizasaun ba estrutura IPB, korpu dosentes, no funsionáriu adminstrasaun iha resintu IPB.

Objetivu hosi monitorizasaun hodi hare’e kona-ba prestasaun servisu, ezekuasaun Orsamentu, observa planu asaun atividade, utilizasaun fasilidade hosi estrutura, dosentes, funsionárius nomos estudante sira liliu ba fasilidade suporta servisu no fasilidade prátika.

Mídia IPB

Dili, 27 de Maio de 2021. O Presidente do IPB Asina Memorando de Intendimento entre o Ministério do Ensino Superior, Ciência e Cultura e o Instituto Politécnico Betano para implementação da medida de apoio relativa à isenção de pagamento de propinas por parte dos estudantes de ensino superior Nacional durante o ano letivo de 2021 @ Hotel Novo Turismo, Dili

Same, 29 Marsu 2021 (IPB) – Institutu Politékniku Betano nia Vise Prezidente I, Cipriano Tilman, M.PA partisipa sorumutuk kona-ba Vasina Astrazeneka (COVID-19) iha salaun administrasaun Munisípiu Manufahi, (segunda, 29/03).

Objetivu hosi sorumutuk ne’e, Ministériu Saúde Manufahi servisu hamutuk ho Organizasaun Saúde Mundiál (OMS) no Prezidente Autoridade Munisípiu Manufahi hanesan prezidente komisaun ba Covid-19 hodi partilla informasaun efetivu ne’ebé mak relevante ho Surtu Covid-19 hodi bele prepara no implementa Vásina Astrazeneka (COVID-19) iha munisípiu Manufahi ne’ebé sei realiza Iha atividade refere ba faze dahuluk iha fulan abril nia laran.

Iha tempu badak nia laran sei hala’o lansamentu Vásina Astrazeneka iha loron 07 fulan abril tinan 2021 iha Nasionál, Sentru Konvensaun Dili (Siglá Portugés, CCD) no sei implementa iha teritóriu Timor laran tomak.Ikusliu nafatin kumpri regulamentu protokolu saúde atu proteje ema hotu no reduz moras refere, bele proteje ita hosi komplikasaun sériu no hakotu Covid-19 iha Timor Leste.

Mídia IPB

Betano, 20 Marsu 2021(IPB) – Institutu Politékniku Betano liuhosi Vise Prezidente ba Asuntu Akadémiku ne’ebé reprezenta Magnífiku Prezidente IPB hodi responde ba pedidu hosi Ministériu Solidariedade Sosiál no Inkluzaun ( MSSI) ne’ebé fasilita hosi Prezidente Juventude Manufahi kona-ba apoiu ba estudante sira maka oras ne’e enfrenta hela ba serka-sanitária iha ida-idak nia munisípiu mak hanesan Dili, Baukau, Vikeke, Kovalima no Oekusi ho totál estudante hamutuk na’in-144.

Relasiona apoiu refere ne’ebé mak oferese ba estudante sira iha mós prezensa hanesan Prezidente Autoridade Munisípiu Manufahi, Diretóra MSSI, Diretór EDTL, Komandante Bombeirus no hamutuk estrutura IPB

Ikus liu, estudante sira maka hetan apoiu refere simu ho kontenti tamba bele responde mós ba sira nia moris iha tempu balun nia laran.

Mídia IPB

Same, 04 Marsu 2021 (IPB) – Institutu Politékniku Betano nia 1° vise prezidente, Cipriano Tilman MPA, reprezenta hosi Magnífiku Prezidenti IPB, sai hanesan oradór ba formasaun ne’ebé realiza hosi SHC “Learning Center” iha same.Formasaun ne’e foka liu ba treinamentu vokasionál ba foin-sa’e sira hodi bele foti desizaun ba sira nia futuru.

Iha formasaun refere, 1° Vise Prezidente Cipriano Tilman, MPA iha nia palestra foka liu bá iha oportunidade ba estudante sira bele kontinua edukasaun formal, liliu asesu ba iha IPB.

Iha palestra ne’e, vise prezidenti salienta ba jovén sira katak IPB hanesan instituisaun públiku Ida ne’ebé tuir planu governu nian iha tinan 2011-2030 bele produz ona nia rekursu rasik hodi dezenvolve di’ak liu tan iha futuru oin mai.

“Ikus jovén mak sai hanesan fontes ba futuru Nasaun nian, ema ida mesak sei labele maibé ita hamutuk bele lori povu no Timor doben ida ne’e ba moris di’ak”. Tenik Vise Prezidente

Mídia IPB

Betano, 02 Marsu 2021(IPB) – Institutu Politékniku Betano liuhosi estudante sira ho estrutura IPB realiza enkontru ohin (02/03) iha kampus IPB, hodi ko’alia kona-ba preokupasaun estudante sira nian ne’ebé mak durante ne’e sira infrenta hela.

Iha enkontru refere, estudante sira mós kestiona preokupasaun kona-ba asuntu sira mak hanesan Diploma (D2), subsídiu eskolár, osan ba rejistrasaun, biblioteka no servisu funsionáriu ho kualidade.

Partisipa iha enkontru ne’e, hosi Magnífiku Prezidente IPB Acácio Cardoso Amaral Ph.D, Vise PrezidenteI Cipriano Tilman M.PA, Vise Prezidente II Paulo da Silva M.Eng, Diretór Eskola Superiór Enjeñaria, Diretór Eskola Superiór Agronomia no Zootéknika, Kordenadór Produsaun Animal, Kordenadór Konstrusaun Sivil no estudante sira hotu.

Mídia IPB

Betano, 23 Fevereiru 2021 (IPB) – Institutu Politékniku Betano selebra aniversáriu ba dahaat (IV) nian, iha kampus IPB Betano-Manufahi, (23/02)Magnífiku Prezidenti IPB Acácio Cardoso Amaral, Ph.D, iha nia diskursu hateten katak hato’o agradesimentu no bemvindu ba konvidadus sira hotu nia prezensa haksolok iha loron espesiál ida ne’e, loron ne’ebé importante tebes ba IPB ne’ebé mak eziste ba tinan haat (4) nia laran.

Ho Dies Natalis ba IV nian, fiar katak hasa’e abilidade liuhusi kumpri nafatin vizaun no misaun hodi lori IPB sai di’ak liu iha futuru. Maibé iha komitmentu atu kumpri nafatin vizaun no misaun ne’ebé mak hatur ona iha estatutu, maske institutu ida ne’e foun. IPB mós hala’o ona kooperasaun ho entidades lubuk ida, prinsipalmente UNTL no sentru formasaun Tibar atu bele oferese intensivu ba estudante sira hodi hala’o prátika.

Iha tinan kotuk liu-bá (27/11/2020), IPB konsege halo graduasaun dahuluk ho totál graduadu hamutuk 158 no tinan ne’e ami iha planu atu halo tan graduasaun, antes fin de anu.Tuir planu refere (PEDN), politika Ensinu Superior mak iha Edukasaun pos Ensinu Sekundáriu (TECVOC no ESEG) sei kontinua ba ramu rua hanesan, sira ne’ebé remata ESEG sei kontinua ba Universidade atu sira aprende siénsia no Arté. ESTV sei kontinua ba Ensinu Superiór Tékniku, ida ne’e sei inklusi Kursu ne’ebé spesífiku iha Politékniku.

Alende ne’e tuir planu estratejiku, iha Timor-Leste sei hari’i Politékniku 3 no Akadémia Peska ida. Tamba ne’e kriasaun IPB hanesan implementasaun ba planu estratejiku 2011-2030 nian.“Tinan ida ne’e liuhosi Ensinu Superiór preve orsamentu iha fundus infrastrutura hamutuk tokon ida liu, atu inísiu konstrusaun ba edifísiu foun iha rai Betano ektáres sanulu (10)”. Haktuir Prezidenti IPB.

Iha fatin hanesan, reprezentante Ministru Ensinu Superiór, Siénsia no Kultura (MESSK), Diretóra Jerál Fernanda Lay iha nia diskursu salienta katak ba selebarasaun dahaat nian ne’e importante tebes no parabéns ba prezidenti, vise prezidenti no estrutura IPB ba servisu tomak, ba empeñu dedikasaun ne’e iha kbiit no forsa atu lao nafatin ba oin.

Tamba hahu tinan ida ne’e, asumi totalidade nia kompeténsia, atu asumi nu’udar Instituisaun Ensinu Superiór, akadémika, finanseira, administrativa no patrimonial ba susesu IPB. “IPB sei iha kondisaun infrastrutura, rekursus umanus ne’ebé seidauk sufisiente atu atinji kualidade exelensia ba formasaun nian, atu atinji Ensinu Superiór ba kualidade Institutu refere sai mós dezafiu bo’ot ida, maibé tempu sai hanesan obrigasaun ida ba sosiedade rai ne’e nian, tamba ne’e presiza kontinua servisu makas, kompeténsia, konsiénsia atu servi Timor Leste. Iha intervensaun ikus ne’e, MESSK nafatin apoiu no kolaborasaun ba Institutu IPB ne’ebé dezempeña ba papel fundamental atu dezelvolve rai ida ne’e”. Tenik Diretóra Lay.

Hafoin serimónia IPB dahaat (IV) nian, akompaña hosi Prezidenti IPB, Vise prezidenti no estrutura tomak lori reprezentante Ministru Ensinu Superiór Dr. Lay, ho ninia ekipa, Reitór UNTL ho ninia ekipa, komandante polisia PNTL Munísipiu Manufahi no konvidadu sira hodi vizita laboratóriu prátika IPB nian.

Partisipa iha selebrasaun ne’e, Magnífiku Prezidenti IPB Acácio Cardoso Amaral Ph.D, Vise Prezidenti I, Cipriano Tilman, M.PA, Vise Prezidenti II Paulo da Silva M.Eng, Diretór Eskola Superiór Enjeñaria no Agronomia no Zootéknika, Kordenadór Eskola Superiór Enjeñaria no Agronomia no Zootéknika, Sivitas Akadémika IPB, Korpu Dosentes IPB, Ministru Ensino Superior reprezentante Diretór Jerál Fernanda Lay, Diretór Jerál Administrasaun no Finansas, Reprezentante Administradór Munísipiu Manufahi, Reitór UNTL Dr. João Soares Martins, MPH, Ph.D, Vise Reitora Asuntus Estudantíl UNTL, Ekipa Reitorál UNTL, Komandante PNTL munísipiu, Komandante F-FDTL postu Betano, Diretór Nasionál Ensinu Superiór Tékniku, Diretor Jerál Nasionál Universtáriu, Diretór Edukasaun Munísipiu Manufahi, INFORDEPE Manufahi, reprezentante hosi ANAA, estudantes no konvidadu sira hotu.

Mídia IPB