Iha Eventu abertura ne’e, ho tema ba Festivál Desportu Akadémiku Timor-Leste (FESDATIL)) 2021 mak “Promove Fíziku Saudável, Kakutak Matenek, Liman-ain Badaen no Neon Badinas”.
Alende ne’e, iha eventu kompetisaun FESDATIL, Estrutura ADA-IPB lori reprezentante kada modalidade ho kuantidade hamutuk na’in-15 ho ofisiais na’in-3 hodi partisipa iha abertura refere.
Eventu refere ne’e Partisipa hosi Prezidente Ezekutivu ADA-IPB Sr, Jacinto de Araujo ho nia ekipa no membru estudante IPB, kompostu hosi Universidade hamutuk na’in-4 (haat) no hosi Institutu hamutuk na’in-12 (sanulu-resin ida)
Institutu Politékniku Betano ho Komisáriu CAC (siglá Portugéz, Comissão Anti Corrupção) hodi realiza sensibilizasaun kona-bá prevene no kombate korupsaun iha resintu IPB, same Manufahi, ohin kinta, (18/11/2021).
Dahuluk, Magnifíku Prezidente IPB Acacio Cardoso Amaral, Ph.D hateten katak Bemvindu no kongratula ba Sr. Luis de Oliveira Champaio hanesan Adjuntu Komisaun ba diresaun prevensaun no sensibilizasaun, Sr. Rosario Salsinha de Araujo hanesan Diretór Jerál ho nia ekipa sira, ne’e hanesan dahuluk ida ba ekipa CAC hakat ona mai iha resintu IPB. Objetivu hosi komisariu CAC mai iha ne’e hodi hakbiit ba estudante, dosentes no funsionáriu administrasaun sira nia koñesimentu kona-bá kombate korupsaun hodi promove partisipasaun ativu iha prosesu luta kontra korupsaun. Alende ne’e abertura mós eventu ida ne’e.
“Ohin loron ita hamutuk iha fatin ne’e, hodi rona aprezentasaun hosi Komisáriu CAC sira no espera katak ba estudante, dosentes no funsionáriu administrasaun sira bele aproveita oportunidade ida ne’e ligadu ho asuntu Kombate Korupsaun. Hau fiar katak ita nia komisáriu koalia kona-bá kombate anti korupsaun ba ita no halo sensabilizasaun ida ne’e ita bele sai parseiru ho CAC sira para prevene korupsaun atu kria administrasaun ne’ebé mos, ita hatene katak CAC hanesan instrumentu estadu nian atu kombate ida ne’e presiza kopera servisu hamutuk” Haktuir Prezidente IPB.
Iha fatin hanesan, Komisáriu CAC Sr. Luis de Oliveira Champaio hanesan Adjuntu Komisaun ba diresaun prevensaun no sensibilizasaun salenta katak onra ida ba komisariu hodi to’o mai iha fatin hodi hasoru ho interese ida katak sira buka parseiru hodi hatutan servisu komplexu, laos CAC de’it mak de’it mak infrenta rekursu umanu limitadu maibé kuazé Instituisaun administrasaun Públiku hotu-hotu sofre limitasaun rekursu umanu, bele mos rona bebeik Nai ulun sira iha deklarasaun politíka iha fatin fatin sempre afirma kombate korupsaun hatudu sira nia linguajen ne’ebé di’ak, maibé realidade la refleta sira nia mensajen sira koalia sai. Istoria nasaun hatudu balu susesu liuhosi index prestasaun tinan tinan hatudu rezultadu partisipasaun sosiedade nian sai xave prevene korupsaun nian.
“CAC hanesan instrumentu governu ida ne’ebé sei servisu hamutuk ho ita bo’ot sira husu apoiu tomak hodi luta ba oin, ami mesak automatikamente la ba oin. Tamba ne’e ami mai iha fatin ne’e presiza estudante sira nia partisipa tamba estudante sira mak sai hanesan jerasaun foun maka nain ba nasaun sira mak promove ba nasaun ne’e, tamba ne’e kuandu halo sensibilizasaun ne’e alvu ne’e buka autor ba estudante sira, tamba sira mak bele hatutan luta ida ne’e atu nune’e hodi hakotu kombate korupsaun ne’e” Tenik Sr. Luis.
Alende ne’e, Sr. Luis de Oliveira Champaio hanesan hanesan Adjuntu Komisaun ba diresaun prevensaun no sensibilizasaun iha ninia aprezentasaun ko’alia kona-bá Servisu Kompeténsia Lei Korupsaun nian, Asaun sensibilizasaun servisu kona-bá asaun kriminál no selu seluk tán.
Partisipa iha sensibilizasaun ne’e mak hanesan Prezidente IPB, Acacio Cardoso Amaral, Ph.D, Diretór Finansas Amancio Horacio, Diretór Eskola Superior Agronomia no Zootéknika Pedro de Deus, Kordenador sira, Dosentes, funsionariu administrasaun no estudante sira.
Website Ofisiál IPB ida ne’e ninia objetivu hodi hatene/asesu informasaun akadémika IPB nian ba Públiku sira hodi asesu informasaun refere liliu iha atividade akadémika nian, bele asesu iha link ne’e: https://ipb.edu.tl/
Alende ne’e, Ajénsia TIC TIMOR, I.P distribui mós sertifikadu apresiasaun ba tékniku informátika IPB ne’ebé tuir ona treinamentu ba website IPB nian no durante ne’e kontribui ona ideia hodi kopera hamutuk ho tékniku TIC TIMOR Divizaun Dezenvolvimentu Sistema no Aplikasaun hodi elabora informasaun sira ne’e hotu ba iha website refere.
Institutu Politékniku Betano realiza seremónia Graduasaun ba daruak nian ho tema prinsipál mak hanesan “Oferese Tékniku ho Kualifikadu no Kompetitivu ba iha Dezenvolvimentu Nasional” iha resintu IPB Betano, Same Manufahi iha Loron 10 kuarta feira, fulan Novembru tinan 2021.
Ohin loron, IPB marka istória ida tan ba graduasaun daruak nian ho totál graduadu hamutuk na’in 83. Hosi Eskola Superior Agronómia i Zootéknika, Kursu Produsaun Animal ho totál graduadu hamutuk nai’n 48 no husi Eskola Superior Enjeñaria Kursu Konstrusaun Sivil ho totál graduadu hamutuk nai’n 35. Hodi estrutura IPB no sivitas akadémika hotu hakarak hato’o sentido kondolénsia ba familia estudante Bendito da Costa de Jesus ne’ebé la konsege gradua hamutuk ho graduadu na’in 82 iha graduasaun ne’e, tanba la hamutuk ona ho ita no fila hikas ba hamutuk ona ho Aman Maromak.
Magnífiku Prezidente IPB, Doutor Acacio Cardoso Amaral iha nia diskursu hateten katak ohin loron, imi sai ona membru foun ba alumni IPB no sei ba hamutuk ho komunidade sira hodi bele duni sira nia mehi ba sira-nia kareira. Enkoraja alumni sira tenki mantein nafatin komunikasaun ho IPB tanba, tinan-tinan sei fornese formasaun Agríkula iha Israel. Programa ne’e la’os foun, maibe IPB mak foin partisipa iha programa ida ne’e ba tinan ida ne’e sei kontinua nafatin ba oin. Total graduasaun tinan ne’e tu’un kompara ho graduasaun dahuluk totál graduadu hamutuk nain 158.
“Hau-nia liamenon ikus ba graduadu sira, iha tinan 2018 katak inan-aman sira lori imi mai entrega iha IPB hodi bele kapasita imi nia koñesimentu tuir ida-idak nia kursu, maibe ohin loron, hodi IPB nia naran hakarak entrega fila-fali ita-nia oan sira ba fali inan-aman no ba komunidade sira maske tinan ha’at ho IPB maibe sira hotu fila ho kondisaun saudavel. Tuir mai ami husu deskulpa karik durante ne’e iha naksalak ruma mak akontese entre estrutura, funsionário no dosente ba estudante sira nafatin husu deskulpa, tanba nu’udar ema maksalak la perfeitu. Teni tan dalan ne’ebé de’it mak imi hili ba imi-nia futuru, hau fiar katak bukae ne’ebé IPB fó liu hosi eskola superior no kursu rua sufisiente atu imi bele hasoru dezafiu ne’ebé imi sei hasoru iha imi ida-idak nia kapitulu foun iha imi-nia moris”. Haktuir hosi Prezidente IPB.
Doutor Matias Da Silva Tavares, S.Pt., M.Anim.St., hanesan Oratio Sapientia ba Graduasaun Periudu Daruak, Instituto Politecnico de Betano iha nia diskursu salenta katak Iha loron espesiál ida ne’e, fó biban mai ha’u atu kongratula graduadu hotu ne’ebé finaliza ona sira nia estudu/kursu iha IPB, no moos ba inan/aman/família husi graduadu sira hotu ba susesu oan sira nian. hakarak hato’o parabéns ba Sívitas Akademika IPB, ne’ebé iha loron importante ida ne’e oferese tan ninia alumni hamutuk na’in ualunulu resin tolu/83, ne’ebé oras ne’e dadaun iha hela prosesu luta atu liberta povu doben Timor-Leste husi kiak, mukit, no ba moris di’ak.
“Atu hadi’a kualidade Edukasaun iha Timor-Leste, Ita hotu presiza serbisu maka’as ho kompromisu forte. Edukasaun hanesan objetivu ida ba tempu naruk. Hanesan prosesu kuda aihoris ne’ebé ita rasik la konsege ku’u ai-fuan husi ai-horis ne’ebé ita rasik kuda. Edukasaun Orasio Sapientia ba Graduasaun Periudu Daruak hanesan prosesu aprende durante moris tomak, ‘kontinua dezenvolve koñesimentu no abilidade ne’ebé ita aprende ka esperiénsia hafoin remata tiha edukasaun formál iha ita nia moris tomak”. Tenik Doutor Matias.
Iha fatin hanesan reprezentante Ministru Ensinu Superior, Siénsia no Kultura (MESSK) Diretóra Jerál Maria Filomena Lay hakarak hato’o onra no agradese ba Prezidente IPB Senhor Doutor Acacio Cardoso Amaral ho nia Estrutura tomak no Docente sira iha komunidade IPB nian ne’ebé susesu hodi realiza graduasaun daruak, hodi prepara rekursu umanu ne’ebé kualifikadu ba Rai doben Timor Leste ne’ebé presiza iha futuru.Institutu Politékniku Betano konsege ona prodúz no gradua ba estudante finalista sira hodi hasa’e rekursu umanu ne’ebé kualifikadu hodi dezenvolve sosiedade no nasaun Timor Leste.
Iha sorin seluk Isac Agostinho da Cruz sai hanesan mellor estudante husi Ensinu Superior Enjenaria fo honra no agradese ba Aman Maromak nia grasa no nia bensaun nebe’e haraik ba Nia no nia maluk estudante graduadu sira seluk husi Ensinu Superior Zooténico kursu Produsaun Animal no Ensinu Superior Enjenaria kursun Konstrusaun Sivil nebe’e iha loron kmanek ida ne’e halibur hamutuk iha fatin murak ida ne’e. Nia mos hateten ida ne’e hanesan Luta ida nebe’e mak lao hela no laos ikus ona ba ne’e maibé, jornada foin hahu tamba durante ne’e simu materia ka lisaun husi dosente sira nudar bukae ida atu enfrenta moris iha loron tuir mai no nia dehan ida ne’e seidauk to’o atu sai nudar servidor ba sociedade no komunidade sira nia le’et no kompete iha kampu traballu nebe’e sei mai iha futuru.
Hodi estrutura IPB no sivitas akádemika hotu nia naran hakarak hato’o parabens ba graduadu sira, Inan aman sira no parabens ba Instituto Politecnico Betano, espera ba futuru ne’ebé brillante presiza kontinua aprende hodi bele ganha esperiensia ne’ebé diak bele responde imi nia metas.
Partisipa iha serimónia graduasaun mak hanesan Estrutura IPB, funsionáriu IPB, S.E Ministro do Ensino Superior Siensia no Kultura, Dr. Longinos dos Santos ne’ebe reprezenta hosi DGESC, Sra Filomena Lay Guterres, Sr. Ministro Obras Publica, Sr. Eng. Salvador Pires, ne’ebe reprezenta hosi Sr. DG obras publika, Sr. Eng. Rui Hernani Freitas Guterres, S.E. Ministro Agricultura e Pesca, Sr. Pedro dos Reis, Ne’ebe reprezenta hosi S.E. Vice Ministro, Sr.Abilio Xavier de Araujo, Presidente Comição G PN, Antonio Verdial ka nia reprezentante Magnifico Reitor UNTL, ne’ebe reprezenta hosi Nia Pro reitor assuntus de administrasaun, finansas no AG UNTL, Sr. Helio Augusto da Costa Xavier Mauquei, Presidente Conselho Geral, Dr. Rui Daniel de Carvalho ho nia membru tomak, Sr. Presidente INCT, Dr. Jose Cornelio Guterres, Diretor Divizaun Dezenvolvimentu Sistema no Aplikasaun TIC, Sr. Justo Fernandes, Diretor Divizaun Infrastrutura Sr. Andre Felix, Administrador Municipio Manufahi, Arantes Isac Sarmento, Presidente Comição Função Publica, Dr. Faustino Cardoso Gomes, Diretor Ezekutivu ANAAA, Dr. Edmundo Viegas ka ninia reprezentante, Inspecção Geral MESSC, Higino Alves, Diretor Municipal sira, Estrutura no membru komisaun instaladora hotu, Superintendente PNTL Municipio Manufahi, Komadante F-FDTL postu Naval Betano, Sr. Veterano sira Municipio Manufahi, Diretor Educação Municipio Manufahi, Sr. Trinito Sarmento, L.Ed, Xefe Suku Betano no nia estrutura tomak, kompaña sira (internasional no nasional), Inan-aman no konvidadu sira.
Institutu Politékniku Betano liu hosi Eskola Superiór Agronomia i Zootéknika, Kursu Produsaun Animal (ESAZ-KPA) realiza serimónia Judisium ba daruak nian, totál estudante sira partisipa iha judisium ne’e hamutuk 48 kompostu hosi Mane 25 no Feto 23. Serimónia ne’e hala’o iha kampus IPB.
Dahuluk Sr. Celestino Talo Mali nu’udar kordenadór kursu Produsaun Animal hato’o mensajén ba estudante sira katak ohin loron ne’e espesiál tebes ba judisiáriu sira no parabéns ba imi hotu nia susesu. Maské kursu Produsaun Animal lakon nia estudante ida iha ita hotu nia le’et, maibé nafatin reprezenta nia familia ida hodi partisipa iha serimónia ne’e. Nafatin husu ba estudante sira labele kontenti deit ho imi nia rezultadu ne’ebé mak iha, maibé hakarak hato’o ba judisiáriu sira koñesimentu ne’ebé ita bo’ot sira hetan husi kursu ida ne’e tenki hatudu imi nia matenek iha komunidade nia le’et no ba fatin sira mak imi hela ba. Salienta mos ba judisiáriu sira katak tenki iha planu ne’ebé dia’k hodi bele implementa koñesimentu sira mak iha, bele kria servisu ba an rasik no ba ema seluk.
Hanesan Primeiru Vise Prezidente, Sr. Cipriano Tilman, M.PA reprezenta Magnífiku Prezidente IPB iha nia diskursu salienta mos katak ba momentu espesiál ida ne’e, imi nia prezensa lahanesan bai-bain, wainhira ita hare’e alin sira kontenti tebes, tanba alin sira finaliza ona imi nia estudu. Husi parte seluk haktuir mos istoria balun katak, iha tinan 2018 alin sira hahú prosesu aprendizajen, hatudu katak imi mos senti duni furak no aat sira, dezáfiu no obstakulu sira maka Institutu ida ne’e hasoru, maibe imi la lakon esperansa kontinua lao ba oin i ohin loron imi konsege finaliza imi nia estudu, maske liu hosi sofrementu ida ke bo’ot. Haktuir mos ba judisiariu sira katak ba sira ne’ebé mak hetan valór mellór tuir despaixu ministeriál valór 3.00 ba leten, Institutu bele enkamiña ba Ministériu hodi bele hetan bolsu estudu ba kontínua estudu iha Universidade sira seluk. Ikus atu taka enkoraja nafatin estudante sira katak valor Muito Bom, Bom no Sufisiente ne’e la sai sasukat ba ita bo’ot sira nia moris, maibé atu hetan servisu ou lae depende ba ida-idak nia esforsu.
Iha fatin hanesan, Diretór Eskola Superiór Agronómia i Zootéknika Sr. Pedro de Deus iha nia diskursu hato’o parabéns ba estudante finalista sira ne’ebé mak ohin loron konsidera espesíal hodi realiza serimónia ida ne’e, mesmu hasoru dezafiu ne’ebé ita bo’ot sira infrenta maibé konsegue finaliza to’o nia rohan. Salienta mos Judisium ida ne’e hanesan faze ida hosi prosesu hotu ne’ebé mak atu termina iha Institutu ida ne’e, antes to’o iha graduasaun tenki hala’o judisium, importante tenki kompleta rekezitus administrasaun hotu ne’ebé estabelese iha fatin ida ne’e. Iha parte seluk informa mos ba finalista sira katak haree ba lei baze edukasaun Institutu ida ne’e atribui Diploma “D2” ne’ebé haktuir mos iha estatutu provizóriu IPB nian. Lei mak regula ita, liliu iha lei baze edukasaun, iha artigu 20º Institutu sira ne’e iha prosesu ensinu nian to’o iha Diploma “D2”. Maibe nafatin enkoraja katak labele haree ba grau sira mak iha, importante mak imi nia koñesimentu sira mak imi hetan husi Instituto ida ne’e bele kadi nafatin no aprende diak liu tán ba oin. Ikus taka haktuir, mudansa ba futuru iha ema ida-idak nia a’an rasik. “Hafoin ikus liu loke abertura ba serimónia Judisium daruak 2021.
Institutu Politékniku Betano liu hosi Eskola Superiór Agronomia i Zootéknika, Kursu Produsaun Animal (ESAZ-KPA) realiza serimónia Judisium ba daruak nian, totál estudante sira partisipa iha judisium ne’e hamutuk 48 kompostu hosi Mane 25 no Feto 23. Serimónia ne’e hala’o iha kampus IPB.
Dahuluk Sr. Celestino Talo Mali nu’udar kordenadór kursu Produsaun Animal hato’o mensajén ba estudante sira katak ohin loron ne’e espesiál tebes ba judisiáriu sira no parabéns ba imi hotu nia susesu. Maské kursu Produsaun Animal lakon nia estudante ida iha ita hotu nia le’et, maibé nafatin reprezenta nia familia ida hodi partisipa iha serimónia ne’e. Nafatin husu ba estudante sira labele kontenti deit ho imi nia rezultadu ne’ebé mak iha, maibé hakarak hato’o ba judisiáriu sira koñesimentu ne’ebé ita bo’ot sira hetan husi kursu ida ne’e tenki hatudu imi nia matenek iha komunidade nia le’et no ba fatin sira mak imi hela ba. Salienta mos ba judisiáriu sira katak tenki iha planu ne’ebé dia’k hodi bele implementa koñesimentu sira mak iha, bele kria servisu ba an rasik no ba ema seluk.
Hanesan Primeiru Vise Prezidente, Sr. Cipriano Tilman, M.PA reprezenta Magnífiku Prezidente IPB iha nia diskursu salienta mos katak ba momentu espesiál ida ne’e, imi nia prezensa lahanesan bai-bain, wainhira ita hare’e alin sira kontenti tebes, tanba alin sira finaliza ona imi nia estudu. Husi parte seluk haktuir mos istoria balun katak, iha tinan 2018 alin sira hahú prosesu aprendizajen, hatudu katak imi mos senti duni furak no aat sira, dezáfiu no obstakulu sira maka Institutu ida ne’e hasoru, maibe imi la lakon esperansa kontinua lao ba oin i ohin loron imi konsege finaliza imi nia estudu, maske liu hosi sofrementu ida ke bo’ot. Haktuir mos ba judisiariu sira katak ba sira ne’ebé mak hetan valór mellór tuir despaixu ministeriál valór 3.00 ba leten, Institutu bele enkamiña ba Ministériu hodi bele hetan bolsu estudu ba kontínua estudu iha Universidade sira seluk. Ikus atu taka enkoraja nafatin estudante sira katak valor Muito Bom, Bom no Sufisiente ne’e la sai sasukat ba ita bo’ot sira nia moris, maibé atu hetan servisu ou lae depende ba ida-idak nia esforsu.
Iha fatin hanesan, Diretór Eskola Superiór Agronómia i Zootéknika Sr. Pedro de Deus iha nia diskursu hato’o parabéns ba estudante finalista sira ne’ebé mak ohin loron konsidera espesíal hodi realiza serimónia ida ne’e, mesmu hasoru dezafiu ne’ebé ita bo’ot sira infrenta maibé konsegue finaliza to’o nia rohan. Salienta mos Judisium ida ne’e hanesan faze ida hosi prosesu hotu ne’ebé mak atu termina iha Institutu ida ne’e, antes to’o iha graduasaun tenki hala’o judisium, importante tenki kompleta rekezitus administrasaun hotu ne’ebé estabelese iha fatin ida ne’e. Iha parte seluk informa mos ba finalista sira katak haree ba lei baze edukasaun Institutu ida ne’e atribui Diploma “D2” ne’ebé haktuir mos iha estatutu provizóriu IPB nian. Lei mak regula ita, liliu iha lei baze edukasaun, iha artigu 20º Institutu sira ne’e iha prosesu ensinu nian to’o iha Diploma “D2”. Maibe nafatin enkoraja katak labele haree ba grau sira mak iha, importante mak imi nia koñesimentu sira mak imi hetan husi Instituto ida ne’e bele kadi nafatin no aprende diak liu tán ba oin. Ikus taka haktuir, mudansa ba futuru iha ema ida-idak nia a’an rasik. “Hafoin ikus liu loke abertura ba serimónia Judisium daruak 2021.
Institutu Politékniku Betano hetan vizita espesiál hosi Exelênsia Prezidente Parlamentu Nasional komisaun “G” ho nia distintus deputada sira, hala’o fiskalizasaun iha IPB ba atividade tomak mak hala’o durante ne’e ho estrutura IPB ne’ebé mak lidera husi Magnífiku Prezidente IPB. Sorumutu ida ne’e hala’o iha sala enkontru Gabinete Prezidênsia IPB, loron (30/09/2021).
Objetivu hosi vizita ne’e hodi haree besik no hatene klaru liu ba atividade sira hotu ne’ebé durante ne’e estrutura IPB hala’o, iha duni progresu ka lae? No dezafiu ka obstákulu saida deit mak durante ne’e IPB hasoru.
Dahuluk Exelênsia Prezidente Komisaun “G” relata katak prezensa komisaun mai iha ne’e atu haree no rona hosi estrutura sira mak bele relata mai komisaun saida mak IPB presiza hodi bele hetan apoiu polítiku hosi Umafukun Parlamentu Nasionál, maibé komisaun labele halo desizaun, hanesan reprezentante atu rona informasaun hosi estrutura no departamentu interligadu IPB nian, nune’e bele reforsa iha Umafukun no bele hato’o ba Ministru Ensinu Superiór hodi prepara institutu ida ne’e ba futuru sai nabilan.
“Kna’ar fiskalizasaun” atu hare’e besik-liu ba Eskola Politékniku ida ne’e nia progresu no dezafiu saida deit mak Eskola ida hasoru. Tanba Eskola ida ne’e mak bele prepara ema sai kualifikadu no ikus estudante sira bele kria kampu servisu rasik no bele kompete mos iha merkadória hanesan rejionál nasional no internasional, ho nune’e presiza rona barak liu hosi estrutura sira. Salienta mos katak durante ne’e komisaun nia preokupasaun mak edukasaun, maibé hare’e liliu ba iha Eskola “Tékniku vokasionál” sira no ladun tau atensaun máximu ba iha IPB. Dehan Prezidente Komisaun “G”.
Hatan ba preokupasaun sira ne’e, iha Prezidente IPB nia introdusaun hato’o kona-ba inísiu hari’i institutu hahú husi komisaun instaladora prezensa estudantes, prosesu ensinu aprendizajen hala’o, rekrutamentu ba dosente, funsionáriu no kolokasaun Estrutura tuir organograma mak iha. Hafoion esplikasaun remata, aprezenta mos estrutura IPB nian ba iha Komisaun “G” hodi hatene no ikus fo’o oportunidade ba iha kada divisiaun hodi hato’o progressu servisu, dezáfiu no obstákulu sira mak estrutura sira infrenta hodi bele hato’o sira nia hanoin iha sorumutu ne’e mak hanesan 10 Vise Prezidente, 20 Vise Prezidente, Diretór Eskola Superiór Agronomia no Zootéknika, Diretór Eskola Superiór Enjeñaria, Diretór Nasionál Admin no Finansa, Diretór Nasionál Aprovisionamentu no Koordenadór Kursu Produsaun Animal tuir kna’ar ba atividade sira mak implementa durante ne’e.
Wainhira rona tia esplikasaun husi estrutura tomak, Prezidente Komisaun “G” hato’o nia kongratulasaun ba Estrutura IPB tanba bele halo duni mudansa ba Institutu ida ne’e, kompara ho tinan rua ba kotuk wainhira Komisaun “G” halao nia vizita mai iha IPB. Teni nafatin katak, maské oituan maibé neneik ba bebeik IPB sei sai dezenvolvidu liu tan, wainhira hetan apoiu máximu husi estadu.
Antes remata, Komisaun “G” solusiona mós kona-bá vasina ba eskola sira hotu ne’ebé mak iha, liu-liu ba IPB atu kumpri desizaun Guvernu nian hodi halo sosializasaun ba estudantes, dosentes no funsionáriu sira hotu tenki kompleta ona vasina. Ikus-liu sorumutu remata, estrutura IPB akompaña Prezidente Komisaun “G” ho distintus deputada sira la’o haleu aredores IPB.
